21 июнь көнне 2021-2022 уку елы нәтиҗәләрен анализлауга һәм яңа уку елына бурыч-максатлар билгеләүгә багышланган педагогик киңәшмә үтте.

"Бүләк" аланында "Дуслык күпере" агымының ябылу тантанасы.

"Бүләк аланы"нда ял итүче балалар Чишмә авылында экспедициядә булды. Чишмә тарихы белән авылның иң өлкән кешесе Сәүдия Закирҗан кызы Идрисова таныштырды. Әтисе Закирҗан абый авыл тарихын туплаган. Ул язмасын борынгы фарсы китабы эчендә саклаган һәм:"Балалар, сезгә кирәк булыр!"- дип язып та калдырган. Сәүдия апа сөйләгәннәрне Клара Миркасыйм кызы Харисова тулыландырды. Тегү, бәйләү остасы - Чишмә авылы килене Гүзәлия Фәнил кызы Шәкүрова үзенең кул эшләре белән таныштырды. 

Волейболчы кызларыбыз Актаныш Сабантуенда өченче урын яуладылар. Котлыйбыз!

Гимназиябезнең кызлар волейбол командасы Әлем Сабантуенда беренче урын яулады. Молодцы! Котлыйбыз сезне, кызлар!

"Бүләк аланы" лагерендә ял итүче укучылар "Бабайда кунакта" паркына да экскурсиягә барды. "Шәрип Шәймиев музей- йорты" директоры Гибадуллина Гөлназ Фаил кызы аларны музей тарихы белән таныштырды.

"Бүләк" аланының "Дуслык күпере" сменасында ял итүче балалар Иске Байсар авылында экспедициядә булды. Мәгариф ветераны Римма Миргаяз кызы Разова авыл тарихы белән таныштырды. Мәдәният йорты җитәкчесе Хәйриева Фәнзилә Шәехтимер кызы мәдәниният өлкәсендәге уңышлары турында сөйләде.

"Бүләк" аланы лагерендә ял итүче укучылар өчен робототехника дәресе үткәрелде. 

"Бүләк" аланының "Дуслык күпере" сменасында ял итүче балалар бүген Чуракай авылында экспедициядә булды. Чуракай тарихы турында авыл китапханәсе мөдире Рима Минһаҗева сөйләде. Укучылар Чуракай, Әгъбәс, Җылан авыллары имам-хатыйбы Назыйм хәзрәт Шәехов белән очрашты.

"Бүләк" аланында рәсем, әвәләү, агачка сурәт ясау дәресләре үтте.