Единый приемный день граждан начальником МКУ "Управление образования" - каждый вторник с 14.00 часов. Телефон 8(8555)23-44-70

Единый приемный день граждан заведующим МБДОУ "Детский сад №2 с.Актаныш" - каждый вторник с 14.00 до 16.00 часов. Телефон 8(8555)23-16-08

8 март - Халыкара Хатын-кызлар көне уңаеннан бакчабызда "Иң матуры - минем Әни!" рәсем конкурсы булып узды. Әлеге чарада балаларыбыз бик актив катнаштылар, үз куллары белән ясаган рәсемнәрне әниләргә бүләк иттеләр.

Минем әни – иң сөйкемле әни ул! 

Әйткән сүзе, кылган эше – һәммәбезгә туры юл. 

Борчыйсым килми әнине, елмаеп, көлеп йөрсен. 

Иң матур әни икәнен бөтен дөньябыз күрсен!

Зурлар төркеме балалары әниләргә бүләкне көздән үк кайгыртып әзерләп куйдылар - үз куллары белән гөлләр утырттылар. Матур булып үскән гөлләрне бәйрәм иртәсендә әниләргә бүләк иттеләр.

Әнигә дип гөл утырттым, гөлләр хуш ис тарата.

Тәрәз төбемне бизәп, матур чәчәкләр ата.

Бакчабызның иң нәниләре әниләрне котлап махсус газета чыгардылар. Газетада әниләрне котлап матур шигырьләр, открыткалар урын алды. 

Бүген 1 кечкенәләр төркеме нәниләре 8 Март - Халыкара Хатын-кызлар көне белән тәбрикләүне башлап җибәрделәр. Язның тәүге җылы нурлары булып киенгән балалар әниләрне котлап җырлар җырлардылар, шигырьләр сөйләделәр, үзләре ясаган матур открыткаларын бүләк иттеләр.

Бүген бакчабызның мәктәпкә әзерлек төркеме балалары республика күләмендә үтүче «Сәйяр» балалар һәм яшүсмерләр театрларының муниципаль этабында катнашып  "Урманда янгын" театрын тәкъдим иттеләр. Нәни артистларыбызга уңышлар теләп калабыз!

2 март - Халыкара шырпы көне билгеләп үтелә, шул уңайдан бакчабызда "Шырпы - дусмы, дошманмы?" темасы астында әңгәмәләр булып үтте. Балалар белән тагын бер кат шырпының тормышта кирәклеген һәм әһәмиятен, аның белән эш иткәндә куркынычсызлык кагыйдәләрен искә төшердек. 

Бүген "Актаныш 4нче гомуми үсеш бирүче балалар бакчасы"нда үткән район методик берләшмә утырышы кысаларында "Минем гаилә, экология һәм мин" бәйгесенә нәтиҗәләр чыгарып, җиңүчеләр бүләкләнде. Алар арасында безнең балаларыбыз да бар. 2нче кечкенәләр төркеменнән Насриевлар гаиләсе (җитәкчесе - Хабибуллина А.М.) "Минем гаилә экологисе" номинациясендә 2 дәрәҗә, уртанчылар төркемннән Яхиннар гаиләсе (җитәкчесе - Лотфуллина Л.Г.) "Гаиләм экоостаханәсе" номинациясендә җиңүче, зурлар төркеменнән Хисматуллиннар гаиләсе (җитәкчесе - Гильфанова З.Р.) "Волонтерлык инициативасы" номинациясендә 2 дәрәҗә җиңү яуладылар. Аларны чын күңелдән зур җиңүләре белән тәбриклибез!

Татар милләтенең легендар җырчысы Илһам Шакировның иҗатын таныту, аның исемен мәңгеләштерү, бөек шәхесебез һәм шул чор җырчыларыбызның җыр сәнгатенә булган мөнәсәбәте нигезендә яшь буынны тәрбияләү максатыннан Бөтендөнья татар конгрессы тарафыннан үткәрелүче "Илһам чишмәсе" бәйгесендә балаларыбыз актив катнашты. Гаянов Раяз белән Местакова Зәлия V төбәкара җыр бәйгесендә уңышлы чыгыш ясадылар. Зурлар төркеменә йөрүче Вагизов Тәүфыйк остазлары Вагизова Алиса Фәндәс кызы һәм Гильфанова Зәйнәп Роберт кызы белән берлектә төшергән "Ай былбылым" анимацион фильмы беренче урын яулады. Аларны әлеге зур җиңүләре белән чын күңелдән тәбриклибез!

Бүген Әлфия Авзалова исемендәге район мәдәният йортында балалар бакчалары арасында XXV эстрада сәнгатенең ачык республика телевизион яшьләр фестивале "Йолдызлык - 2025" гала концерты үтте. Әлеге бәйгедә бакчабыздан 32 бала төрле номинацияләрдә катнашып уңышлы чыгыш ясадылар.