Единый приемный день граждан начальником МКУ "Управление образования" - каждый вторник с 14.00 часов. Телефон 8(8555)23-44-70

Единый приемный день граждан заведующим МБДОУ "Детский сад №2 с.Актаныш" - каждый вторник с 14.00 до 16.00 часов. Телефон 8(8555)23-16-08

1 июль — Хәрби хәрәкәтләр ветераннарын искә алу көне. Бүген без ихтирам һәм рәхмәт белән илебезнең чын батырларын — хәрби хәрәкәтләр ветераннарын искә алабыз. Алар тынычлык, ирек һәм киләчәк өчен көрәште; аларның каһарманлыгы, ныклыгы һәм Ватанга мәхәббәте безгә үрнәк. Без, балалар бакчасы тәрбиячеләре, яшь буынга тынычлыкның кадерен белергә, туган иленә мәхәббәт һәм хөрмәт тәрбияләргә бурычлы. Ветераннарга олы рәхмәтебезне белдерәбез — сезнең батырлыгыгыз безнең күңелләрдә мәңге сакланыр. Ветераннар! Сез — көч, рух һәм намус үрнәге. Исәнлек, озын гомер, якыннарының җылысын һәм тыныч күк йөзен телибез.

30 июнь — Убырлы карчыкның туган көне. Безнең балалар бакчасында да бу көн бик күңелле узды. Убырлы Карчык үзе безгә кунакка килде һәм күп төрле уеннар алып килгән иде. Балалар аның белән уйнап көлде‑шатланды. Аннары бергәләп кызыклы мультфильм карадык. Бәйрәм ахырында без Убырлы Карчыкка ак калач җырын бүләк иттек. Бүгенге көн чыннан да истә калырлык, матур һәм кызыклы булды.

Ел саен 25 июнь Диңгездә сәяхәт итүчеләр көне билгеләп үтелә. Бу халыкара бәйрәм тормышын диңгез һәм суднолар белән бәйле кешеләр билгеләп үтә. Шул көнгә багышлап, мәктәпкә эзерлек төркеме, безгә узенең, концерт номерларын буләк итте.

Ромашкалар көне - ел саен 24 июньдә билгеләп үтелә торган күңелле җәйге бәйрәм. Вакыйга, ихлас мәхәббәт һәм рухи чисталык символы булып саналган иң танылган кыр чәчәгенә багышланган.

Бакчабызга Лукойл гранты ярдәме кысаларында музей почмагы оештыру өчен мебельләр кайтты. 1 сентябьдә музей үзенең беренче кунакларын кабул итәр дип ышанабыз. Бүгенге көндә тәрбиячеләребез экспонатлар туплау, тематик альбомнар төзү белән шөгыльләнәләр.

Уен эшчәнлеген оештыру аша мәктәпкәчә яшьтәге балаларда экологик культура һәм экологик грамоталылык тәрбияләү максатыннан үткәрелгән районкүләм экологик квеста бакчабызның мәктәпкә әзерлек төркеме командасы мактаулы 3нче урынга лаек булды. Балаларны һзм тәрбиячеләре Гөлназ Расуловна һәм Зәйнәп Робертовнаны чын күңелдән котлыйбыз.

Бүген, 7 майда, Радио көне — элемтә тармагы белән бәйле барлык кешеләрнең бәйрәме билгеләп үтелә!

Хезмәтләре дөньяны якынайта һәм аңлаешлырак иткән барлык белгечләрне: инженерларны, техникларны, радио алып баручыларны, журналистларны һәм элемтә чараларының өзлексез эшләвен тәэмин итүчеләрне чын күңелдән һөнәри бәйрәмнәре белән котлыйбыз. Сезнең профессиональлегегез, эшкә тугрылыгыгыз һәм эфирда көн саен тудырган атмосферагыз өчен рәхмәт! Сезгә нык сәламәтлек һәм иминлек, яңа иҗади уңышлар һәм кызыклы проектлар, тотрыклы сигнал һәм чиста эфир, иң кыю идеяләрне тормышка ашыру өчен илһам һәм энергия, рәхмәтле тыңлаучылар һәм тугры дуслар телибез. Элемтә ышанычлы булсын, яңалыклар яхшы гына булсын!

Безнең балалар бакчасында язгы өмәләр дәвам итә. Тырма, себерке һәм яхшы кәеф белән коралланып, без яраткан бакчабыз территориясен тәртипкә китердек. Уртак эш барышында былтыргы яфраклар, вак чүп-чар җыелды. Һәркем әлеге эшкә үз өлешен кертте. Мондый чаралар тәртип сакларга гына ярдәм итеп калмый, коллективны да берләштерә.  Без өмәдә катнашкан һәркемгә рәхмәт белдерәбез.

Бүген мәдәният паркында Габдулла Тукай һәйкәле янында истәлекле чара узды. “Ромашка” һәм “Алтынчәч” балалар бакчалары нәниләре шагыйрьнең шигырьләрен сәнгатьле итеп сөйләделәр — ихлас, җылы һәм бик тәэсирле! “Яңа Әлем” үрнәк курчак театры Тукай әкиятеннән өзек күрсәтеп, балаларны әкияти дөньяга алып керде. Чара ахырында Актаныш район мәдәният хезмәткәрләре һәм катнашучылар бергәләп Туган тел җырын башкардылар. Милли рух, туган телгә мәхәббәт һәм Габдулла Тукай мирасына хөрмәт — бүгенге очрашуның төп асылы булды.