Бүген бакчабызның мәктәпкә әзерлек төркеме командасы Актаныш катнаш төрдәге 6нчы санлы балалар бакчасы үткәргән районкүләм "Аҗаган" - "Зарница" уеннарында катнашып мактаулы 2нче урын яулады. Хәрби-патриотик рухта үтүче мондый ярышлар балаларда ватанпәрвәрлек хисләре тәрбияләргә мөмкинлек бирә.  Бөтен кеше дә хәрби булып бетә алмый, әмма йөрәктә үз илеңне ярату хисе булырга тиеш. Без, педагоглар,  балаларга кечкенәдән үк әлеге тәрбияне бирергә тырышабыз.

«ЭкоЯз» бәйгесенең яңа атнасын башлап җибәрәбез. «Зоокайгырту» лозунгы астында үтүче 7нче атнада караучысыз калган йорт хайваннарын кайгыртырга, махсус приютларга ярдәм итәргә киңәш итәбез.

9май көнне илебез Бөек Җиңүнең 80 еллыгын бәйрәм итә. Бакчабыз әлеге зур бәйрәмгә ныклап әзерләнде, әти-әниләр ярдәме белән "Җиңү көне безнең күңелләрдә" конкурс-күргәзмә оештырылды, балаларыбыз "Үлемсез полк", "Без булачак солдатлар" акцияләрендә катнаштылар. Зурлар төркеме тематик бәйрәм иртәсе үткәреп безгә тыныч, матур көннәр бүләк иткән батыр солдаталрыбызны искә алдылар.

«ЭкоВесна» - «ЭкоЯз» бәйгесенең 6 нче атнасы «Үзгәреш» темасы астында уза. Бу атна дәвамында чишмә территорияләрен үзгертеп тәртипкә китерергә, чистартырга һәм яңартырга кирәк.

Бүген, 30 апрель көнне янгын сакчылыгы хезмәткәрләре һөнәри бәйрәмнәрен каршылый. Әлеге һөнәр ияләренең авыр хезмәте белән якыннан танышу, янгыннан саклану кагыйдәләрен искә төшерү һәм ныгыту максатыннан мәктәпкә әзерлек төркеме балалары "Урманда янгын" пьессасын сәхнәләштерделәр. Яз, җәй айларында табигатьтә ял итү арткан вакытта урманнарны ничек ут-ялкыннан сакларга кирәклеген балалар яхшы аңлыйлар, бәла-казалар булдырмас өчен үз-үзеңне тоту кагыйдәләрен төгәл үтиләр.

«ЭкоВесна» - «ЭкоЯз» бәйгесенең яртысын үтеп 5 нче атнага да килеп җиттек. Бу атна дәвамында йорт яны һәм ишегалды территорияләрен төзекләндерү белән шөгыльләнергә тәкъдим итәбез.

Бакчабызның актив гаиләләренең берсе Ахметовлар бүген районкүләм үтүче "Тәмле юл билгесе" бәйгесендә көч сынаштылар. Сайлап алу этабын үткән15 гаилә арасында "Чәй эчәбез - билгеләр өйрәнәбез"номинациясендә җиңү яуладылар. Ахметова Гөлназны, әти-әнисен матур җиңүләре белән котлыйбыз! Киләчәктә дә уңышлары күп булсын!

Уку елы эшчәнлегенә нәтиҗә ясап төркемнәрдә йомгаклау занятиеләре үтә. Беренче кечкенәләребез сөйләм үсеше белем бирү өлкәсе буенча "Шалкан" әкиятен сәхнәләштерделәр.

«ЭКОяз» бәйгесенең яңа атнасын башлап җибәрәбез. Бу атна «Синең гамәлләрең» исеме астында үтә. Атна дәвамында без без җәмәгать урыннарын, ишегалларын, аллеяларны һәм һәйкәлләр янындагы территорияләрне тәртипкә китерергә тырышырбыз. Әти-әниләрне дә әлеге чарада актив катнашырга чакырбыз!

"Җир шарына бакча бүләк итик" акциясе кысаларында зурлар төркеме ылыслы һәм яфраклы агачларның үзлекләре, охшаш һәм аермалы яклары турында белемнәрен камилләштерделәр.