Бүген бакчабыз тәрбиячеләре Ибрагимова Альбина Рәшит кызы, Хузина Розалия Фазыл кызы, өлкән тәрбияче Хисматуллина Лилия Фәрит кызы Яңа Әлем балалар бакчасында "Мәктәпкәчә яшьтәге балаларның диалогик сөйләмен үстерү чарасы буларак театральләштерелгән эшчәнлек" темасы астында узган тәрбиячеләрнең район методик берләшмә утырышында катнашып, тәҗрибә уртаклаштылар.

Бөек Җиңүнең 80 еллыгын каршылаган көннәрдә чираттагы күңелле очрашу Актаныш үзәкләштерелгән китапханәдә үтте. Бер төркем педагогларыбыз биредә уздырылган мастер класста катнашып матур брошь ясарга өйрәнедләр

Мәктәпкә әзерлек төркеме балалары #окнапобеды #җиңүтәрәзәләре акциясенә кушылды.

«ЭКОяз» бәйгесен дәвам итәбез! Конкурсның өченче атнасы «Экологик иминлек» милли проектына ярдәм йөзеннән үткәрелә. Бу атналык кысаларында без территорияләрне яшелләндерү белән шөгыльләнергә тәкъдим итәбез. Катнашучыларга Җиңү паркларында, Дан аллеясында, ишегалларында һәм башка җәмәгать урыннарында агачлар һәм куаклар утыртырга киңәш итәбез.

#окнапобеды #җиңүтәрәзәләре акциясенә балаларыбыз да бик теләп кушылалар

#эковесна бәйгесенең икенче атнасы башланып китте - ул калдыкларны аерым җыюга багышлана. Әти-әниләребез дә бик теләп әлеге акциягә кушылдылар.

6 апрель - Бөтендөнья мультфильм көне.
Мультфильмнраны балалар гына түгел өлкәннәр дә бик ярата. Кинотеатрда яки телевизор экранындамы әһәмияте юк – безнең алда гаҗәеп әкияти дөнья җанлана. Биредә яраткан балалар китаплары геройлары – түбәдә яшәүче Шаян Карлсон, шаян аю баласы Винни-Пух, яхшы күңелле һәм бераз моңсу Крокодил Гена, сөйкемле Кар Кызы яши. Рәсемле һәм курчак персонажлары үзләрен бөтенләй тере кебек тоталар - алар шатланалар, кайвакыт елыйлар - иң ышанмаслык могҗизалар эшлиләр. Россиядә Бөтендөнья мультфильмнар көне 2007 елдан бирле билгеләп үтелә. Бүген Бөтендөнья мультфильм көнендә балалар белән тагын бер кабат мультфильм төшерү серләрен искә төшердек. Зурлар, мәктәпкә әзерлек төркемендә тәрбияләнүче балалар төшергән анимацион фильмнар карадык.

https://vk.com/wall-211642749_793 

Бөек Җиңүнең 80 еллыгын каршылаган көннәрдә район күләмендә күп чаралар үтә. Бакчабыз коллективы әлеге чаралардан читтә калмый, бүген хезмәткәрләребез "Җиңү җырлары" акциясенә кушылып үзләренең чыгышларын тәкъдим иттеләр.

Китап – безнең тормышта иң мөһим, иң кирәкле әйберләрнең берсе. Ул киңәшче дә, ярдәмче дә, дөреслеккә юл күрсәтүче дә. Балалар китабы киләчәк буынны тәрбияләүдә, тормышта дөрес юнәлеш сайлауда зур ярдәм булып тора. 2 апрель – Халыкара балалар китабы көне. Шул уңайдан мәктәпкә әзерлек төркемие балалары Актаныш үзәк балалар китапханәсендә кунакта булдылар. Балалар китабы көне 2 апрельдә танылган балалар язучысы Г.Х.Андерсенның туган көнендә билгеләп үтелгәнлеген белделәр. Авторның китаплары, әсәрләре белән танышып, интерактив уеннар аша ныгытып та бардылар. Китаханәдә үткән әлеге очрашу балалар өчен файдалы булды.

1 апрель Халыкара кошлар көне буларак билгеләп үтелә. Әлеге истәлекле көндә уртанчылар төркеме җылы яктан туган якларына кайтучы кошларны каршы алып күңел ачу үткәрде. Балалар күчмә һәм кышлаучы кошлар турында белемнәрен ныгыттылар, аларның матур сайрауларын тыңлап тавышларыннан танырга өйрәнделәр, кошларның табигатькә булган файдасы турында сөйләштеләр, матур җырлар җырлап табышмаклар әйтештеләр.