15 нче декабрьдә Зәй шәһәренең 2025 елга йомгак ясау тантанасына мәртәбәле кунаклар чакырылды. Шул уңайдан район башлыгы Разиф Кәримов җитәкчелегендә район кунаклары гимназиябездә дә булды.

12 декабрьдә Россия Федерациясенең күпмилләтле халкы илебез тарихында иң мөһим дәүләт бәйрәмнәренең берсе – Конституция көнен билгеләп үтә. Конституция — төп закон ул. Анда дәүләтнең иҗтимагый, икътисадый корылыш нигезләре, гражданнарның хокуклары һәм бурычлары билгеләнгән. Әлеге дата уңаеннан гимназиядә төрле чаралар уза.

С. Рәфыйков исемендәге Үзәк китапханәнең татар әдәбияты бүлегендә Россия Федерациясе Конституциясе көненә багышланган «Ватан символлары» дигән мәгълүмат сәгате узды. Очрашуга гимназиябезнең 8 нче А сыйныфы укучылары барды.. Китапханәчеләр укучыларга бәйрәмнең тарихы, Конституция турында, аның ил өчен әһәмияте, шулай ук төп канунның барлыкка килү тарихы һәм Россиянең дәүләт символлары: герб, флаг һәм гимн турында сөйләделәр. Алар бу көннең ни өчен барлык россиялеләр өчен мөһим булуы һәм аны ничек билгеләп үтү кабул ителгәнлеге турында фикер алыштылар. Чара барышында укучылар викторина сорауларына җавап бирделәр, төрле бәйгеләрдә катнаштылар һәм китап күргәзмәсе белән таныштылар. Мондый очрашулар үсеп килүче буынның хокукый грамоталылыгын һәм законга хөрмәтен арттырырга ярдәм итә.

2025 елның 8-10 декабрендә «Р.Ш. Фәрдиев исемендәге татар гимназиясе»ндә «Мәктәптә футбол» Бөтенроссия фестивале кысаларында 1-4 , 5-7 сыйныф укучылары арасында мини - футбол буенча ярышлар узды. Анда кызлар һәм малайлар командасы, шулай ук катнаш составларда катнаштылар .Һәр уен ике таймда үтте. Ярышларны физик культура укытучысы Черкасова Фәния Шадрсаетовна оештырды. Хәкемдар-9 А сыйныфы укучысы Кузнецов Дамир. Ул «Барс " командасы өчен уйный. Уен киеренке, кызыклы булды, үз чиратларын көткән командаларның җанатарлары ярышучыларны хуплады. Һәр команда үзен күрсәтергә тырышты, әмма футболга шулай ук команда рухын югалтмау мөһим.Футбол уйнау коллективны берләштерә, иптәшләрчә мөнәсәбәтләр тәрбияли. Җиңүче командаларны котлыйбыз һәм яңа казанышлар телибез!

Бүген, 10 нчы декабрь көнне МБГБУ "Р. Ш. Фәрдиев исемендәге татар гимназиясе" ндә Бөтенрәсәй "Ел укытучысы-2025" бәйгесе кысаларында "Иң яхшы татар теле һәм әдәбияты укытучысы" конкурсының муниципаль туры узды. Гимназия данын Шәрифуллина Г. В. яклап чыкты. Алга таба да бәйгедә катнашучыларга уңышлар теләп калабыз.

Һәр төбәк, һәр ил изге яуда батырлык, чиксез каһарманлык үрнәге күрсәткән, ил-көннәрнең тыныч вакытында намуслы, фидакарь хезмәт нәтиҗәсендә данланган геройлары белән горурлана.
Ватан Геройлары көнен бәйрәм итү – ул бабаларыбызның батырлыгын искә алу гына түгел, ә Советлар Союзы Геройларын, Россия Геройларын, Изге Георгий һәм Дан орденнары кавалерларын хөрмәтләү дә булып тора. Әлеге истәлекле көн уңаеннан гимназиябездә "Гвардия" эзләү-отряды җитәкчесе Никифоров В.М. чыгыш ясады.

9 нчы декабрь - Халыкара коррупциягә каршы көрәш көнендә безнең 4 нче сыйныф укучылары коррупция - «зурлар» сүзе турында сөйләштеләр.
Балалар ни өчен коррупция начар икәнлеге турында фикер алыштылар.
Алар коррупция - гаделсезлек дигән нәтиҗәгә килделәр.
Укучыларга «Коррупция нәрсә ул һәм ни өчен начар?» дигән истәлекле листовкалар таратылды.

Илебезнең төрле почмакларыннан малайлар һәм кызлар махсус хәрби операциядә катнашучыларга фронтка дулкынландыргыч меңләгән хат җибәрәләр. Аларны, хәрбиләр сүзләренә караганда, безнең сугышчыларыбыз зарыгып көтәләр, кат-кат укыйлар һәм күкрәк кесәләрендә йөртәләр. Гимназиябезнең башлангыч һәм урта звено укучылары да бу акциягә кушылды.

5 декабрь — Халыкара ирекле (волонтёр) көне!
Изге гамәлләр башкаручылар
Ирекле (волонтёр ) көне Россия Президенты Владимир Путинның 2017 елның 27 ноябрендәге указы белән гамәлгә керә. Волонтерлар хәрәкәте безнең илдә 1980 еллар ахырында барлыкка килә. Волонтерлык үсешенең беренче үзәге 1990 нчы еллар башында төзелгән «Мәскәү шәфкать йорты» хәйрия фонды була. Бүген Россиядә якынча җиде миллионнан артык волонтер бар.
Волонтерлар – бик җаваплы, актив кешеләр. Чаралардан тыш, хәйрия эшләре дә волонтерларны читләп узмый.
Алар ятимнәргә, өлкәннәргә ярдәм итәргә ашыга. Волонтер булу ул – үзенә күрә бер тормыш тәҗрибәсен туплау. Яңа дуслар табу, кеше хәленә керә белү, сабырлык, түземлек, армый-талмый, «энерджайзер» кебек һәрвакыт активлык рухында тору. Әлбәттә, волонтерларга хезмәтләре өчен акча түләмиләр. Ләкин алар күп нәрсәгә өйрәнә, башкаларга үзләренең нәрсәгә сәләтле икәнлекләрен күрсәтә.

Быел гимназиябез барлыгы 30 беренче сыйныф укучысын кабул итте. Һәр ел саен Гимназистка багышлау биредә зур чара итеп оештырыла.
5 декабрьдә балалар катнашында җырлы-биюле тамаша тәкъдим ителде, соңыннан һәр сабыйга гимназист дигән исем бирелде.