Бүген  мәктәбебездә "Яраткан шигырем" диеп аталган сәнгатьле уку конкурсы узды. Конкурста барлык сыйныф укучылары да актив катнашты. Бигрәк тә Гайнуллина Илзирә (2 сыйныф), Сафина Алисә (1 сыйныф), Зыятдинова Алия (7 сыйныф), Сафина Алинә (8 сыйныф), Зәбихуллина Илүзәләр (9 сыйныф) уңышлы чыгыш ясадылар.

Бүгенге линейка  аеруча тантаналы төстә үтте. Төрле конкурсларда катнашкан һәм урыннар алган укучыларга грамоталар, дипломнар тапшырылды.

Бүген Ватанны саклаучылар көне унаеннан әдәби - музыкаль кичә үткәрелде.

Халыкара туган тел көне уңаеннан "Туган телем - татар теле" темасына стена газеталары конкурсы игълан ителгән иде. Һәр сыйныф үз газетасын тәкъдим итте, нәтиҗәләр соңрак билгеле булачак.

Бүген Туган тел көне уңаеннан  авыл китапханәсендә 1-4 нче сыйныфлар өчен  "Тел дигән дәрья бар" дип исемләнгән интерактив уен оештырылды.

Бүген Яшел үзән шәһәренең 3 нче мәктәбендә "Үз халкын данга күмгән татарлар" диеп исемләнгән төбәкара фәнни-гамәли конференция үткәрелде. Мәктәбебезнең 8 нче сыйныф укучысы Сафина Алинә әлеге чарадан җиңү белән кайтты. Котлыйбыз!

"Җәлил укулары" дип аталган муниципаль әдәби бәйгедә катнашып, 2 нче сыйныф укучысы Гайнуллина Илзирә 3 нче урын, 4 нчы сыйныф укучысы Гизатуллина Ясминә һәм 7 нче сыйныф укучысы Зиятдинова Алия 1 нче урын алды. Укучыларны һәм аларның укытучыларын котлыйбыз!

 15 февраль – герой-шагыйрь Муса Җәлилнең тууына 113 ел тулу уңаеннан мәктәбебездә әдәби кичә үткәрелде. Балаларга язучы турында тулы белешмә бирелде,  укучылар шагыйрьнең шигырьләрен яттан сөйләделәр.Муса Җәлил. Бу исемне телгә алуга, күз алдына ниндидер гадәттән тыш кеше килгәндәй була. Ул – ялкынлы шигырьләр язган шагыйрь дә, илнең азатлыгы өчен курку белмәс көрәшче дә, үлемне ирләрчә батыр каршылаган каһарман да.Бөек Ватан сугышы башлангач, Муса Җәлил иҗаты фашизмга каршы аяусыз көрәшкә өндәү-чакыруга багышлана. Ул, 1941 елның июнь аенда язган «Соңгы көрәшкә» шигыреннән башлап, 1942 елның 26 июнь көнне, фашистлар кулына әсирлеккә эләккәнгә кадәр, ягъни бер ел эчендә, «Яулык» шигырен дә кертеп, 41 әсәр иҗат итәргә өлгерә. Муса Җәлилнең фашизмга каршы корал һәм каләм көче белән көрәше зур фаҗига белән тәмамлана: Волхов фронтында чолганышта калып сугышканда, шагыйрь берничә тапкыр каты яралана һәм аңын югалткан хәлдә дошман кулына әсирлеккә эләгә, 791 көн буе тоткынлыкта газап чигә. Ләкин ул анда да фашистларга каршы яшерен көрәш оештыра, шунда үзенең атаклы, үлемсез «Моабит дәфтәрләре» шигырьләрен иҗат итә. Патриот-шагыйрь Муса Җәлил һәм җәлилчеләрнең тиңдәшсез героик көрәшләре, аларның какшамас рухы безнең күңелләрдә мәңге сакланыр.

Бүген 9 нчы сыйныф укучылары өчен рус теленнән йомгаклау әңгәмәсе узды.