Һәр эшне вакытында һәм җиренә җиткереп башкарсаң гына мул уңыш алачаксың. Укучылар башта территорияне чистарттылар. Хәзер исә, җирне чәчү эшләренә әзерлиләр.

            Олы Яке авыл китапханәсендә “Балаларга сугыш турында укыйбыз” исемле акция үтте. Әлеге акциянең максаты – сугыш чоры балалар әдәбияты  үрнәгендә кече яшьтәге китап укучыларда патриотик хисләр тәрбияләү. 1-4 нче сыйныф укучылары белән Бөек Ватан сугышының дәһшәтле мизгелләрен чагылдырган әдәби әсәрләр укыдылар. Китап  укучылар Бөек Җиңүнең нинди көч һәм югалтулар белән яулануы, тылдагы авыр хезмәт, сугыш чоры балалары  тормышы турында белделәр. Соңыннан “Солдат лампасы” мультфильмын карадылар. Оештыручы –Закирова Ә.Ш.

               «Үлемсез полк» акциясе – 9 май бәйрәменең тагын бер күркәм традицияләренең берсе. Халык сугышта катнашкан, яу кырында ятып калган туганнарының истәлекле фотосурәтләре белән урамга чыга. Бу акциягә мәктәп укучылары да кушылды.

             Бүген Олы Яке авылында Бөек Җиңүнең 74 еллыгына багышланган тантаналы митинг булып узды. Бәйрәмдә тыл батырлары, җирле үзидарә җитәкчесе, кунаклар, авыл халкы, мәдәният йорты хезмәткәрләре, укытучылар, укучылар, балалар бакчасы хезмәткәрләре, балалар катнашты. Мәктәп укучылары каһарманнар истәлегенә һәйкәл каршына чәчәкләр салдылар, искиткеч бәйрәм концерты бүләк иттеләр. Соңыннан митингта катнашучыларга хәрби-кыр кухнясында солдат боткасы тәкъдим ителде.

         Без бик бәхетле балалар. Күгебез аяз, иртәләребез кояшлы, өстәлләребездә сый-нигъмәт, нинди генә уенчыклар белән уйнамыйбыз. Әти-әниебез, туганнарыбыз янәшәсендә рәхәт тормышта яшибез. Илебезнең матур киләчәге өчен гомерләрен биргән, фронтта һәм тылда зур батырлыклар күрсәткән бабайларыбызны онытырга безнең хакыбыз юк.

         Башлангыч сыйныф укучылары “Дәү бабам – горурлыгым” дигән темага фәнни-эзләнү эшләре яздылар. Бу тема укучыларда зур кызыксыну уяткан һәм әлеге сорауга җавап эзләп, алар бик зур эш башкарганнар. Бөек Ватан сугышында катнашкан бабалары, тылда тырыш хезмәт куйган әбиләре турында мәгълүмат туплаганнар, орден-медальәрен барлаганнар, китапханәләрдән һәм Интернет чыганаклардан өстәмә материаллар туплаганнар.  

           29 апреля в Зеленодольской СОШ № 15 в этом году в четвертый раз прошел межрегиональный лингвистический форум “Вечный язык” (Eternal Language), посвященный Уильяму Шекспиру. В нем принял участие ученик 9 класса (руководитель Яруллина А.А.), получил диплом участника. Поздравляем!