9 нчы сыйныф укучылары өчен бик җаваплы чор килеп җитте. Алда – имтиханнар һәм уку йортларына укырга керү планнары.

   Казаннан килгән Кооператив институты белгечләре белән  мәктәбебездә очрашу файдалы булгандыр. Чыгарылыш сыйныф укучылары үзләрен борчыган сорауларны бирделәр, факультетлар, укыту тәртибе белән таныштылар.

      Матур традицияләребезнең дәвамы булып ел саен үткәрелүче “Көзге бал” бәйрәме тора. 2 нче сыйныфтан алып 9 нчы сыйныфка кадәр укучылар сыйныф җитәкчеләре ярдәме белән бик матур бәйге оештырдылар.

    Алдан бирелгән өй эшләре буенча, җыр, шигырь, скетч “Көз” темасына, җирәбә буенча сайланган татар, мари,инглиз, рус, шәрыкъ, керәшен халыклары биюләрен башкардылар. Үзебез аз булуга карамастан, сәгать ярымлык чара килеп чыкты.  Бу көнне уйнадык-көлдек, рәхәтләнеп ял иттек.

    Ел саен Олы Яке мәктәбе укучылары көзге мул уңыштан эшләнмәләр ясыйлар. Быел да әлеге күргәзмәдә кемнәр генә юк иде: ташкабактан кораб, кәбестәдән эт, кыярдан кактус, бәрәңгедән песи баласы, диңгезе белән бергә кит, мультфильм  образлары “Смешариклар” , бәрәңгедән керпеләр һәм башкалар. Күренеп тора, әти-әниләребез һәм укучыларыбыз фантазиясе бай. 

 Тиздән көзге каникулларга килеп җитә. Укучылар уку өлгерешлеге өстендә генә түгел, традициягә әверелгән "Көзге бал"бәйрәменә дә әзерлек алып баралар. Быел "Көз" темасына плакатлар ясау үзенчәлекле булуы белән аерылып тора. Җирәбә буенча һәр сыйныф өч көз аеның берсен, инглиз, татар, рус теллләре арасыннан үзләренә туры килгәнен сайлап алдылар. Шулай итеп, өч телдә өч көз ае  - укучыларыбыз иҗатында.

Единый консультационный центр Роспотребнадзора

8 800 555 49 43

     Олы Яке мәктәбендә Илгиз Солтан улы җитәкчелегендә  “Бөркетләр” отряды эшләп килә. Бөркетләребез барлык эштә актив катнашалар. Бүген алар авылыбызда урнашкан Бөек Ватан сугышында катнашкан авылдашларыбызга куелган һәйкәлне чистарттылар, чүпләрен түктеләр.

      Яшь буыныбыз мондый мәрхәмәт акцияләрендә күбрәк катнашсын иде.

             Менә, ниһаять, ул көн килеп җитте. Ватанпәрвәр бар укытучы һәм укучылар җыелышып татарча диктант яздык. Текстны авылыбыз китапханәчесе Закирова Альфинур  укыды. Бик мәгънәле һәм эчтәлекле диктантны язып бетергәнебезне сизми дә калдык. Түземсезләнеп, нәтиҗәләр көтәбез.

    “Бөтендөнья татар конгрессы” халыкара берлеге Башкарма комитеты, Татарстан Республикасы Яшьләр эшләре министрлыгы , Казан (Идел буе) федераль университеты , филология һәм мәдәниятара багланышлар институты берлегендә “Татарча диктант” Бөтендөнья белем бирү акциясе уздырыла.

   Диктант Рәсәй Федерациясенең барлык субъектларында , чит илләрдә һәм Татарстан Республикасы районнарында бер көндә уздырыла. Уздыру көне һәм вакыты: 2019 нчы ел, 19 нчы октябрь, 13 сәгатьтә.

 Барлык укучыларны, укытучыларны, әти-әни, әби – бабайларны һәм башка үз көчен сынап карарга теләүчеләрне 19 нчы октябрьдә 13 сәгатьтә мәктәбебезгә “Татарча диктант” ка чакырабыз.

 Совместно с Исполкомом Международного союза Всемирного конгресса татар, министерство по делам молодёжи РТ, КФУ, институт филологии и межкультурной коммуникации проводится Всемирная образовательная акция «Татарча диктант».

   Диктант проводится в 2019 году 19 октября в 13 часов во всех субъектах Российской Федерации , в районах Республики Татарстан и Зарубежье.

 Всех желающих приглашаем в МБОУ «Большеякинская ООШ ЗМР РТ” с. Большие Яки  19 октября в 13 часов на «Татарча Диктант».

    5 нче октябрь – бөтен илебездә Укытучылар көне билгеләп үтелә.

Безнең мәктәптә иртән укучылар оешмасы укытучыларны котлау открыткасы, изге теләкләр, җырлар белән каршы алдылар.  Үзидарә көнен балалар ел саен көтеп алалар. 8-9 сыйныф укучылары үзләрен укытучы ролендә сынап карадылар.  Күңелле көнебез концерт белән тәмамланды.