Менә, ниһаять, ул көн килеп җитте. Ватанпәрвәр бар укытучы һәм укучылар җыелышып татарча диктант яздык. Текстны авылыбыз китапханәчесе Закирова Альфинур  укыды. Бик мәгънәле һәм эчтәлекле диктантны язып бетергәнебезне сизми дә калдык. Түземсезләнеп, нәтиҗәләр көтәбез.

    “Бөтендөнья татар конгрессы” халыкара берлеге Башкарма комитеты, Татарстан Республикасы Яшьләр эшләре министрлыгы , Казан (Идел буе) федераль университеты , филология һәм мәдәниятара багланышлар институты берлегендә “Татарча диктант” Бөтендөнья белем бирү акциясе уздырыла.

   Диктант Рәсәй Федерациясенең барлык субъектларында , чит илләрдә һәм Татарстан Республикасы районнарында бер көндә уздырыла. Уздыру көне һәм вакыты: 2019 нчы ел, 19 нчы октябрь, 13 сәгатьтә.

 Барлык укучыларны, укытучыларны, әти-әни, әби – бабайларны һәм башка үз көчен сынап карарга теләүчеләрне 19 нчы октябрьдә 13 сәгатьтә мәктәбебезгә “Татарча диктант” ка чакырабыз.

 Совместно с Исполкомом Международного союза Всемирного конгресса татар, министерство по делам молодёжи РТ, КФУ, институт филологии и межкультурной коммуникации проводится Всемирная образовательная акция «Татарча диктант».

   Диктант проводится в 2019 году 19 октября в 13 часов во всех субъектах Российской Федерации , в районах Республики Татарстан и Зарубежье.

 Всех желающих приглашаем в МБОУ «Большеякинская ООШ ЗМР РТ” с. Большие Яки  19 октября в 13 часов на «Татарча Диктант».

    5 нче октябрь – бөтен илебездә Укытучылар көне билгеләп үтелә.

Безнең мәктәптә иртән укучылар оешмасы укытучыларны котлау открыткасы, изге теләкләр, җырлар белән каршы алдылар.  Үзидарә көнен балалар ел саен көтеп алалар. 8-9 сыйныф укучылары үзләрен укытучы ролендә сынап карадылар.  Күңелле көнебез концерт белән тәмамланды.

   Бүген Яке мәктәбе укучылары һәм укытучылары "Укытучы белән селфи" акциясендә катнаштылар.  Көзге темага ясалган рам бик актуаль булды бу көнне. Барлык кызыклы фотоларны "В контакте", "Инстаграмм" социаль челтәрендә күрергә була.

    Безнең  мәктәптә план буенча  янгын куркынычсызлыгы эвакуациясе үтте. Гамәли эвакуациянең башлануын  сигнал белдерде. Укытучылар тарафыннан укучыларны бинадан чыгару оештырылды.  Барлык укучылар һәм укытучылар  мәктәп бинасыннан тиз арада  махсус ишекләрдән чыгып киттеләр. Тиз арада балалар санын хәбәр иттеләр. Бинада беркем дә калмады, барысы да тиешле норматив вакыт эчендә эвакуацияләнде.

     Мохтаҗларга ярдәм итү -  ел саен үткәрелә торган мәктәп традициясенә әверелде. Бәрәңге, кишер, чөгендер,  кабак, ташкабак, кәбестә кебек яшелчәләрне укучылар, әти-әниләр ялгыз яшәүче өлкәннәр өчен  алып килде. Әлеге нигъмәтләрне капчыкларга тутырып, машинага төяп, Яшел Үзән шәһәренә җибәрдек. 

    Аздан да күңел була, аздан да күңел кала, ди халык мәкале. Бер-беребезгә булдыра алганча ярдәм итеп яшик.

Яңгыр туктаган арада, укучылар мәктәп тирә-юнен җыештырырга да өлгерәләр.

Чиста булсын,

Чиста булсын

Чиста булсын

Мәктәбебез.