Физик тәрбия «Хезмәткә һәм оборонага әзер» (ГТО) Бөтенроссия физкультура – спорт комплексына багышланган ОФП буенча муниципаль ярышта Олы Яке мәктәбе укучылары да катнашты.  Әлеге ярыш ел саен Яшел Үзән шәһәрендә уза.

   Менә алар – безнең җиңүчеләребез:

6нчы сыйныф укучысы Илсаф һәм 4 нче сыйныф укучысы Фәнис.

Физик тәрбия укытучысы Назыров Илгиз Солтан  улы шәкертләренә киләчәктә дә уңышлар телибез.

Менә , ниһаять, көтеп алынган каникуллар килеп җитте. 8 көннән яңа көчләр белән укырга керешербез.

      2004 ел ахырында  Россия Федерациясенең Дәүләт Думасы 4 ноябьрне Халыкларның бердәмлеге көне итеп кабул итә. Шушы көннән башлап, бу бәйрәм Россиядә официаль рәвештә үткәрелә.

  Бүген  ачык сыйныф сәгатьләрендә укучылар бу көннең әһәмияте, тарихы, безнең тормышта тоткан урыны белән таныштылар, янәдән искә төшерделәр, бердәмлек темасына әңгәмә кордылар.

    9 нчы сыйныф укучылары өчен бик җаваплы чор килеп җитте. Алда – имтиханнар һәм уку йортларына укырга керү планнары.

   Казаннан килгән Кооператив институты белгечләре белән  мәктәбебездә очрашу файдалы булгандыр. Чыгарылыш сыйныф укучылары үзләрен борчыган сорауларны бирделәр, факультетлар, укыту тәртибе белән таныштылар.

      Матур традицияләребезнең дәвамы булып ел саен үткәрелүче “Көзге бал” бәйрәме тора. 2 нче сыйныфтан алып 9 нчы сыйныфка кадәр укучылар сыйныф җитәкчеләре ярдәме белән бик матур бәйге оештырдылар.

    Алдан бирелгән өй эшләре буенча, җыр, шигырь, скетч “Көз” темасына, җирәбә буенча сайланган татар, мари,инглиз, рус, шәрыкъ, керәшен халыклары биюләрен башкардылар. Үзебез аз булуга карамастан, сәгать ярымлык чара килеп чыкты.  Бу көнне уйнадык-көлдек, рәхәтләнеп ял иттек.

    Ел саен Олы Яке мәктәбе укучылары көзге мул уңыштан эшләнмәләр ясыйлар. Быел да әлеге күргәзмәдә кемнәр генә юк иде: ташкабактан кораб, кәбестәдән эт, кыярдан кактус, бәрәңгедән песи баласы, диңгезе белән бергә кит, мультфильм  образлары “Смешариклар” , бәрәңгедән керпеләр һәм башкалар. Күренеп тора, әти-әниләребез һәм укучыларыбыз фантазиясе бай. 

 Тиздән көзге каникулларга килеп җитә. Укучылар уку өлгерешлеге өстендә генә түгел, традициягә әверелгән "Көзге бал"бәйрәменә дә әзерлек алып баралар. Быел "Көз" темасына плакатлар ясау үзенчәлекле булуы белән аерылып тора. Җирәбә буенча һәр сыйныф өч көз аеның берсен, инглиз, татар, рус теллләре арасыннан үзләренә туры килгәнен сайлап алдылар. Шулай итеп, өч телдә өч көз ае  - укучыларыбыз иҗатында.

Единый консультационный центр Роспотребнадзора

8 800 555 49 43

     Олы Яке мәктәбендә Илгиз Солтан улы җитәкчелегендә  “Бөркетләр” отряды эшләп килә. Бөркетләребез барлык эштә актив катнашалар. Бүген алар авылыбызда урнашкан Бөек Ватан сугышында катнашкан авылдашларыбызга куелган һәйкәлне чистарттылар, чүпләрен түктеләр.

      Яшь буыныбыз мондый мәрхәмәт акцияләрендә күбрәк катнашсын иде.