Ноябрьнең соңгы якшәмбесендә без һәркемнең йөрәгенә бик якын бәйрәм – Әниләр көнен билгеләп үтәбез. Бу бәйрәм – балаларыгызның сезгә хөрмәт күрсәтү һәм яратуларын белдерү көне генә түгел, әниләрнең һәр кеше һәм җәмгыять тормышында бик зур роль уйнавын тану да.

Шушы уңайдан бүген мәктәбебездә Әниләр көненә багышланган концерт булды. Бәйрәмгә һәр укучының да әнисе чакырылган иде. Бәйрәм программасында   һәр сыйныф укучысы катнашты. Концерт бик матур үтте.

Бүген башлангыч сыйныф укучылары өчен 16 нчы ноябрь-Халыкара толерантлык көненә карата Олы Яке авылы китапханәсендә толерантлык дәресе булып үтте. Дәрес бик кызыклы узды. Төрле халыклар арасында булган дуслык һәм толерантлык, тынычлык һәм татулыкның мөһим булуын һәр укучы  яхшы  аңлый.

В целях развития региональной системы оценки качества образования и в соответствии с планом работы Министерство образования и науки РТ на 2017-2018 учебный год  проводилось диагностическое тестирование с полным охватом обучающихся 4,6 и 8 классов по английскому языку

Бүген 6,7 нче сыйныф укучылары гомуми физик әзерлек буенча ярышларда катнашып, мәктәбебез данын якладылар. Тиздән аның нәтиҗәләре билгеле булыр. Уңышлар сезгә, укучылар!

          Көз – мәрхәмәтле тылсымлы ел фасылы.  Матур төсле буяулары белән буялган яфраклар, өстәлләрдә җиләк-җимеш, яшелчәләр - кемнәр генә сокланмас бу уңышларга!

         Җәен көч куеп үстереп, көзен җыеп алган мул уңышка багышлап, мәктәбебездә ел саен “Көзге бал” кичәсе уздырыла. Быел да укучылар бу уңайдан яшелчәләрдән, җиләк-җимештән үзенчәлекле күргәзмәләр оештырды, рәсемнәр ясады, стенгазеталар чыгарды. Һәр сыйныф әзерләгән концерт номерлары бәйрәм рухын тагын да күтәреп җибәрде, Монда шигырь дә, җыр да, бию дә булды.  

        Көзге игелеклелек марафонында мәктәбебез укучылары да катнашты. Алар атна дәвамында төрле яшелчәләр алып килделәр һәм Яшел Үзән шәһәрендә яшәүче өлкәннәргә өләшергә күчтәнәчләр әзерләделәр. Бүген бу күчтәнәчләрне Хезмәт, мәшгульлек һәм социаль яклау бүлеге хезмәткәрләре өлкәннәргә тараттылар. Әлеге марафонда катнашучыларга зур рәхмәтебезне белдерәбез.

       Яшел Үзән районында шашка һәм винтовкадан ату буенча мәгариф хезмәткәрләре Спартакиадасы узды. Спартакиада физик тәрбияне пропагандалау, спортны популярлаштыру, физкультура-спорт эшен җанландыру максатыннан оештырыла. Әлеге ярышларда мәктәбебездән физкультура укытучысы Назыров Илгиз Солтан улы көч сынашты.

       Афәрин, Илгиз  Солтанович!