В канун празднования Дня Защитника Отечества в школе прошел конкурс рисунков, посвященный общенародному празднику. Учащиеся 1-4 классов разместили свои работы в фойе школы. Своими творческими работами они показали, что чтят подвиг своих предков, гордятся волей, мужеством и стойкостью тех, кто отдал свою жизнь за их мирное детство.

          Бүген 1-4 нче сыйныф укучылары Олы Яке авыл китапханәсендә Советлар Союзы Герое дигән бөек исемгә лаек булган пионерлар белән таныштылар. Валя Котик, Леня Голиков, Марат Казей, Зина Портнованың батырлыклары турында бик кызыксынып тыңладылар. Әлеге яшь пионерларның тәвәккәллеге, батырлыгы кебек сыйфатлары укучыларда соклану хисе уятты. Кичәне китапханәче Закирова Әлфинур уздырды.

           Патриотик тәрбия бирүне халкыбыз узган сугышчан юл белән таныштыру аша алып бару гаять тә отышлы. Туган илне ихтирам итү, патриотизм хисләрен туган җиреннән аерылып, Ватан өчен утка кергән авылдашлар язмышы, аларның кичерешләре аша тәрбияләүдән дә отышлырак чара бармы соң?  Үз тарихын белмәгән халыкның киләчәге юк. Моның өчен һәр бала үз гаиләсенең тарихын белергә, шуның аркылы халык тарихына якынаерга тиеш.   

           Нәкъ шушы максаттан мәктәбебездә февраль ае традиция буенча гражданлык – патриотик айлык дип игълан ителде һәм аның планы төзелде, мәктәп директоры тарафыннан расланды. Гадәттәгечә, айлык барышында балаларда Ватанга мәхәббәт, Туган ил белән горурлану хисләре уятуга, теләсә кайсы минутта аны дошманнардан сакларга әзер торуга юнәлдерелгән чаралар үткәреләчәк.

       С 1 февраля 2018 года в Татарстане начался прием заявлений в первые классы школ.

Правила и  порядок записи в школу:

      31 нче гыйнварда Татарстан Республикасы мәгариф һәм фән министрлыгы Зеленодол районы мәгариф идарәсе белән берлектә 5 нче гимназиядә педагог Ризаэддин Фәхреддингә багышланган XV республикакүләм педагогик укулар уздырды. Укуларның төп максаты — Ризаэддин Фәхреддин мирасын укыту процессында куллану тәҗрибәсе белән уртаклашу, бөек шәхес үрнәгендә туган халкыңа, милләтеңә карата хөрмәт хисләре тәрбияләү үзенчәлекләрен өйрәнү. Педагогик укуларда мәктәбебезнең татар теле һәм әдәбияты укытучысы Зарипова Р.Ә. катнашып, 2 нче дәрәҗә диплом белән бүләкләнде.

       Олы Яке урта мәктәбендә гомерен балаларга белем һәм тәрбия бирүгә багышлаган бүгенге көндә лаеклы ялдагы укытучыбыз Гайнетдинова Рәйсә Абдулла кызының   65 яшьлек олы юбилее. Сезгә нык сәламәтлек, күңел тынычлыгы, гаилә шатлыгы, кайгы-хәсрәтсез көннәр, ак бәхетләр, балаларыгызның һәм оныкларыгызның күңел җылысын тоеп, игелекләрен күреп, бәхетле озын гомер кичерүегезне телибез. Мәктәп коллективы исеменнән юбилярның өендә профсоюз җитәкчесе Яруллина А.А.котлады. 

         Олы Яке мәктәбендә канатлы дусларыбызга җимлек ясау бәйгесе оештырылган иде. Әти-әниләр, апа-абыйлары ярдәме белән укучылар бик матур да, шул ук вакытта кошларга җим чүпләү өчен уңайлы да җимлекләр ясаганнар. Педагоглар арасында комиссия төзелеп, бәйгегә нәтиҗә ясалды. Барлык укучыларның эшләре төрле номинацияләрдә бәяләнде һәм аларга  Мактау кәгазьләре тапшырылды.

         Кыш җиттеме, кошларны суык белән бергә, азык кытлыгы да сыный башлый. Ишеп яуган кар өемнәре, боз астында ризык эзләве кыенлаша. Шуңа да, кешеләр яши торган урыннарга, азык эзләп, урман кошлары да килеп кушыла. Суык белән көрәшеп, канатлылар чүплекләрдә казына, томшыклары белән тәрәзәләрне кага башлый. Бу җан ияләре адәм балаларының мәрхәмәтлелегенә өметләнә. Аның өчен күп тә кирәкми, җимлек ясап, урам якка тәрәзә каршына, яисә ишегалдындагы берәр агачка элеп кенә куярга бит. Аны ясарга әллә ни осталык та кирәк түгел. Җимлек өчен кул астында пластмасс шешәләр дә, картон тартмалар да җитәрлек. Әнә шул игелекле гамәлне башлап җибәрүчеләр – Олы Яке мәктәбе укучылары. Мәктәптә “Кошларга җимлекләр ясыйбыз” бәйгесе узды. Әлеге бәйгенең максаты – укучыларны табигатькә тарту, кошлар дөньясына игътибарын арттыру, әйләнә-тирә мохиткә карата сак караш уяту. Укучылар әтиләре, абыйлары белән бергә матур һәм үзенчәлекле җимлекләр ясаган.

         В понедельник гостями нашей школы стали представители Казанского кооперативного техникума. Цель их визита заключалась в рекламе их учебного заведения. 

       Балаларда кошларга сакчыл караш мәрхәмәтлелек, кайгыртучанлык тәрбияләү, ярдәм итәргә теләк тудыру, аларны рәнҗетмәскә кирәклеген төшендерү; кошлар турында белемнәрен баету, ныгыту, җимлекләр куярга өйрәтү, аларга кешеләрнең ярдәме бик әһәмиятле булуын аңлату; тышкы билгеләренә (төсе, зурлыгы), үз-үзләрен тотышларына карап, кышлаучы һәм күчмә кошларны аерып күрсәтә белү күнекмәләрен үстерү максатыннан, 23 нче гыйнвар көнне биология укытучысы Гайнетдинова Д.Х. "Бездә кышлаучы кошлар" темасына әдәби журнал оештырды.