Мәктәбебез укучылары Гатауллин Инсаф (4 нче сыйныф), Хәйруллина Әдилә (9 нчы сыйныф), туган телдән республика олимпиадасының муниципаль этабында катнашып, белемнәрен сынадылар. Уңышлар сезгә!

Татарстан Республикасының Мәгариф һәм фән министрлыгы сәламәт яшәү рәвешен һәм ГТОны пропагандалауга зур әһәмият бирә. Физик культура һәм спорт белән шөгыльләнү укучыларның сәламәт  яшәү рәвешен формалаштыруда, аларның сәламәтлеген ныгытуда  бик зур роль уйный, яшьләр арасында наркоманлык, эчкечелек, тәмәке тарту һәм хокук  тәртибен бозуларга  каршы  көрәшергә ярдәм итә.  Шушы максаттан бүген мәктәбебездә укучылар арасында “Хезмәткә һәм оборонага әзер” дип исемләнгән спорт фестивале узды. Анда егетләр-кызлар урыннан ераклыкка сикерү, яткан килеш гәүдә күтәрү, тартылу  һәм башка ГТО нормалары буенча “имтихан” тотты. Укучылар зур теләк белән катнаштылар һәм яхшы нәтиҗәләргә дә ирештеләр. Мәктәбебезнең барлык укучыларына алга таба да уңышлар телибез!

Бүгенге көндә кешелек тормышын интернет челтәреннән башка күз алдына китерү мөмкин түгел, дисәк, арттыру булмас. Бигрәк тә яшьләр интернет сайтларында көннәр буе утырырга әзерләр. Мондый кызыксыну һәм мавыгу туктаусыз алга барган тормыштан артка калмау, барлык яңалыктан да хәбәрдар булып тору ягыннан бик тә отышлы.

Интернет челтәрендә эшләгәндә балаларны куркынычсызлык кагыйдәләре белән таныштыру ниятеннән Олы Яке авылы китапханәсендә 1-4 нче сыйныф укучылары өчен “Куркынычсыз интернет” темасына чара үткәрелде.  Бөтендөнья пәрәвезе ятьмәсенә эләкмичә, кагыйдәләргә буйсынып сак эш итү - һәрберебезнең бурычы. “Сакланганны саклар” гыйбарәсенә таянып эш йөртү кирәклегенә укучыларыбыз тагын бер кат төшенделәр. Һәрвакыт эшчәнлегеңне үзең контрольдә тотып, интернетны тиешле очракта гына кулланырга кирәклекне бервакытта да хәтердән чыгармаска кирәк.

9 класс укучылары өчен быел җитди сынау елы. Имтиханнарга ныклы әзерләнү максатында, әти-әниләр җыелышы үткәрелде. Җыелышта ОГЭга әзерлек торышы, алда торган проблемалар турында сөйләшенде. Укучыларның сәламәтлеген саклау, караңгы вакытта йөрү, яктылык кире кайтаручы элементлар куллану турында эшлекле сөйләшү алып барылды.

Тиздән Яңа ел җитәчәк! Мәктәп укучылары бу бәйрәмне зур түземсезлек белән көтәләр! Нинди генә җырлар, шигырьләр өйрәнмәделәр! Иң күңеллесе шул булды - һәр укучы Яңа елга нинди дә булса һөнәрен күрсәтергә әзер. Бигрәк тә башлангыч класс укучылары зур тырышлык куялар. Һәрбер класс дәрестән соң башка класс укучыларыннан кача-кача үзләренең  Кыш бабайга күрсәтәчәк тамашаларын кабатлыйлар, эшкәртәләр.

Олы Яке гомуми урта белем мәктәбенең ишегалды җәен шау чәчәктә утырса, кышын анда кардан эшләнгән берсеннән-берсе матур сыннар пәйда була. Эт, машина, мультфильм геройлары... Ниләр генә ясап күрсәтмиләр.  Сыннар мәктәпкә керү юлын бизәп тора. Бу эшне күмәкләшеп башкарабыз. Укытучылар, балалар бергәләп эшлибез. Башта кар өеп, тиешле форманы ясыйбыз, аннан су сибеп катырабыз, соңыннан гади буяу белән буяп куябыз. Әйе, уртак тырышлыгыбыз белән мәктәбебез ишегалды әкияти могжизага әйләнде дә куйды.

12 нче декабрь көнне  мәктәбебездә  гомуми ата-аналар җыелышы булып үтте.  Мәктәп директоры Р.М.Хөсәенов публичный доклад белән чыгыш ясады.  Җыелышта  әти-әниләр  2016-2017 нче уку елы буенча укуда өлгереш һәм сыйфат  нәтиҗәләре белән танышты, районкүләм конкурсларда яуланган призлы урыннар, мәктәпкүләм үткәрелгән  тәрбияви чаралар,  укучыларны кайнар аш белән тәэмин итү турында мәгълүмат алдылар. Электрон  мәктәп ресурсларыннан файдалану үзенчәлекләре искә төшерелде.   

Бүген Олы Яке авылы фельдшеры Шәйхетдинова М.М. “Үсмерләр арасында суицидны профилактикалау” темасына мәктәп укучылары алдында чыгыш ясады.  

     Бу көннәрдә мәктәбебездә яңа ел алдыннан була торган сихри атмосфера хөкем сөрә. Яңа ел - иң матур бәйрәмнәрнең берсе, бу бәйрәмдә бөтен нәрсә: урамнар, капка төпләре, мәктәпләр, балалар бакчалары бәйрәмчә бизәлә. Бигрәк тә мәктәпне бизәү бик мөһим, чөнки һәр укучы бу бәйрәмне зур түземсезлек белән көтеп ала. Быел бу эшкә  барлык сыйныф укучылары бик теләп катнаша. Алар тәрәзәләргә матур бизәкләр төшерәләр. Бу сихри рәсемнәргә карап,  күңел күтәрелә.

        В год 20-летия принятия Федерального конституционного закона «Об Уполномоченном по правам человека в РФ»  накануне Международного Дня прав человека  8 декабря  проведен единый урок по правам человека в 2017 году. Целью единого урока было – дать обучающимся базовые представления о правах  и свободах человека и  гражданина, способствовать воспитанию уважительного отношения к правам и свободам человека.