Бүген мәктәптә Укытучылар көненә багышланган музыкаль-әдәби кичә булып узды. Мәктәпнең иң талантлы укучылары үзләренең яраткан укытучыларына бәйрәм концерты оештырды. Укучылар әзерләгән җырлар, биюләр, шигырь юллары, чәчәк бәйләмнәре  мөгәллимнәрнең күңеленә хуш килгәндер дип ышанасы килә.

  10 класс укучылары үзләренең тәҗрибә участокларында бик зур кабаклар үстерүгә ирештеләр. "Стофунтовая" дип аталган  сортлысы һәрберсе  12-15 кг лы кабаклар бирде. Башка сортлылары да мул уңыш бирде. Афәрин 10 нар!

  Мәктәптә икенче ел уңышлы гына Яшь туристлар түгәрәге эшләп килә. Мәктәп командасы район күләмендә үткәрелгән һәр ярышта катнашып призлы урыннарга лаек була. Быелгы уку елының беренче бәйгесен дә мәктәп командасы зур уңышлар белән башлап җибәрде. Маяк урманында узган Туризм буенча муниципаль ярышта әлеге команда беренче урын яулап кайтты. Чыннан да егет-кызларның уңышы мактанырлык, шәһәрнең тәҗрибәле командаларын да артка калдырып иң яхшы нәтиҗәләр күрсәтүе безнең туристларның югары әзерлекле булулары турында сөйли. Мәктәп командасын һәм аларның тренерлары Шакиров Р.Ф. ны чын күңелебездән котлыйбыз!

Шимбә көннне Казан шәһәрендә мәктәп һәм махсус урта белем бирү учрежденияләренең авыл хуҗалыгы продукциясе ярминкәсе булып узды. Әлеге традицион чарада быел Ачасыр мәктәбе дә үз бакчасында үстергән мул уңышы белән катнашты. Татарстанның төрле почмакларыннан килгән мәктәп коллективлары бик матур сәүдә рәтләре оештырган иде. Без тәкъдим иткән продукцияне Казан халкы бик яратып һәм тиз арада алып та бетерде. Экологик яктан чиста һәм бәясе дә кыйммәт булмаган яшелчәне тагын кайдан табар соң казанлылар! 

  Казанда узган ярминкәгә Хезмәт һәм мәшгульлек министры Айрат Шәфигуллин, фән һәм мәгариф министры Энгель Фәттахов та килгән иде. Бәйрәм ярминкәсен ачыр җибәргәннән соң алар мәктәпләрнең сату урыннарын карап, танышып йөрде. Ачасыр мәктәбе коллективы алып килгән күргәзмә-ярминкә белән министрларны директор Максумов М.М. үзе таныштырды. Министр мәктәпнең эшчәнлегенә югары бәя бирде һәм киләчәктә безнең мәктәпкә кунакка килергә теләген белдерде.

   Әйе, мәктәбебез уңышлы гына эшләп килә, күрсәтер эшләребез дә бар. Рәхим итегез!  

  В рамках Всероссийской природоохранной акции в школах прошли Уроки Чистоты. Для учащихся были проведены классные часы, так же мероприятия по очистке территории от мусора.

 Балалар куркынычсызлыгы айлыгы кысаларында мәктәптә трле чаралар үткәрелә. Чираттагысы янгын куркынычсызлыгына багышланды. Укучылар дөрес эвакуацияләнү, саклык маскаларын ясау, кию буенча практик дәресләр алдылар.

IT - Чемпион конкурсының икенче этабының җиңүчеләре билгеле булды. Җиңүчеләр арасында безнең укучыбыз булуы да бик куанычлы хәбәр булды. 10 класс укучысы Шиһабетдинов Алмаз әнисе белән берлектә бүләкләү тантанасында булып кайттылар. Шулай итеп инде икенче укучыбыз әлеге бәйге аша Айпадлы булды. Беренче этапта шулай ук әлеге класс укучысы Җамалиев Рүзәл җиңүче булган иде. Котлыйбыз!

Сегодня в школах района объявлен День Здоровья. Учащиеся нашей школы соревновались в беге и в игре по волейболу, по теннису.

Россия Федерациясе Конституциясен кабул итүгә 20 ел тулуга багышланган Парламент дәресе булып узды. Аны авыл җирлеге башлыгы, район советы депутаты Кадыйров Р.С. алып барды.