Беренче категорияле татар теле һәм әдәбияты укытучысы Кабирова Г.Р. кичә булып узган семинарда 5 класста ачык дәрес күрсәтте. Дәреснең темасы "Сүз басымы". Класс дәрестә ике группага бүленеп эшләде. Дәрес килгән кунаклар тарафыннан югары бәяләнде. 

   Югары категорияле татар теле һәм әдәбияты укытучысы Гатиятуллин Марат Гомәр улы 9 класс укучылары белән "Изложение һәм сочинение язу ысуллары" дигән темага ачык дәрес тәкъдим итте. Татар теленнән ДЙА га әзерлек максатыннан алынган әлеге дәрес үрнәге районнан килгән укытучылар өчен бик тә файдалы булды дип әйтәсе килә. Шунлыктан районның татар теле укытучылары метод берләшмәсе җитәкчесе Зөлфирә Үрнәковна әлеге темага шәһәр һәм район укытучылары өчен семинар үткәрергә кирәклеге турында әйтте һәм Марат Гомәр улын шул семинарда чыгыш ясарга чакырды.

   "Исем" сүз төркемен кабатлау.  Шушы тема астында югары категорияле башлангыч класслар укытучысы Замалиева Фәридә Гапделбарый кызы 4 класста ачык дәрес уздырды. ИКТ , кызыклы дәрес формалары кулланып оештырылган әлеге дәрес югары дәрәҗәдә узды. Килгән укытучылар дәрескә югары бәя бирде.

   Яшел Үзән шәһәренең 16 нчы мәктәбендә якташ шагыйрь Сәйфетдинов Равил Гарәфетдин улының 75 яшь тулу уңаеннан укучылар арасында "Туган як моңнары" исемле әдәби -иҗат бәйгесе булып узды.  Мәктәбебезнең 9 класс укучысы Гыйзатуллин Фәрис 1 нче урын, 7 класс укучысы Кашапова Әлфинә үзе язган шигырен укып 3 нче урыннарны яулап кайттылар. Котлыйбыз!

 Менә ничә ел рәттән безнең мәктәп укучылары республикакүләм "Мин авылны сайлыйм" дип исемләнгән фәнни-гамәли конференциядә катнашып, призлы урыннар алып киләләр. Быел ул Биектау районы Мәмдәл мәктәбендә үткәрелде. Гатауллин Л.И. 10 класс укучысы Гайнуллин Н. белән шушы укуларга барып, призлы 3 урын алып кайтты. Без аларны бу зур уңышлары белән котлыйбыз

  Бүген мәктәп беренчелегенә волейбол буенча ярышлар булып узды. Әлеге ярышта 8-11 класс укучылары катнашты. Киеренке көрәштән соң беренче урынга- 10 класслар, 2 урынга - 8,11 класс укучылары командасы, 3 урынга - 9 класс командалары лаек булды. Ярышны физкультура укытучысы Шайхуллин Р.Г. оештырды.