Соңгы елларда республикабызда автотранспорт саны, юлларда машина хәрәкәте көннән-көн арта бара. Шуның нәтиҗәсендә балаларның юл-транспорт һәлакәтенә юлыгу куркынычы да көчәя. Ә бу исә, үз чиратында, балаларга мәктәпкәчә яшьтән үк юл йөрү куркынычсызлыгы кагыйдәләрен өйрәтү кирәклегенә басым ясый.

Бала чакта алган белем һәм күнекмәләр яхшы үзләштерелә, тиз генә онытылмый, гомер буе саклана. 

5 сентябрь - Юл хәрәкәте куркынычсызлыгы көне билгеләп үтелә.

Аның максаты - мәктәп яшендәге балалар тормышында юл-транспорт травматизмын профилактикалау. 

Шул уңайдан гимназиябездә әлеге темага караган сыйныф сәгатьләре узды. Чара барышында укучылар юл йөрү кагыйдәләрен искә төшерделәр.

1945 елның 3 сентябре - Россия Федерациясенең истәлекле датасы, икенче бөтендөнья сугышы тәмамланган көн.

Шул уңайдан гимназиябездә “Икенче бөтендөнья сугышы тәмамланган көн” исемле радиолинейка узды. 11 нче сыйныф кызлары радиотыңлаучыларны әлеге истәлекле дата белән якыннан таныштырдылар, аудиоязмалар куйдылар. Шулай ук әлеге дата хөрмәтенә тарих укытучылары һәм тәрбия эшләре буенча директор киңәшчесе гимназиядә тематик сыйныф сәгатьләре үткәрделәр. Укучылар бу сугыш барышы турында бик күп мәгълүмат алдылар. Сыйныф сәгате ахырында ата-бабаларыбызның батырлыгын, аларның безнең тыныч тормыш өчен керткән өлешләрен истә тотарга һәм хөрмәт итәргә тиешбез дигән нәтиҗәгә килделәр.

Бүген гимназиядә Терроризмга каршы көрәштә теләктәшлек көненә багышланган сыйныф сәгатьләре узды.

Бу истәлекле дата 2004 елның 1-3 сентябрендә Бесландагы фаҗигале вакыйгалар белән бәйле. Чара барышында сыйныф җитәкчеләре кешелек өчен террорчылыкның нинди куркыныч тудыруы турында сөйләделәр.

Ә башлангыч сыйныфлар “Игелеклелек бумерангы” акциясендә катнаштылар. Укучылар игелекле эшләр башкаруларын фото-видеоларга төшереп социаль челтәрләргә урнаштырдылар.

2 сентябрь көнне профильле белем  бирү кысаларында яңа проект старт алды. Әлеге проектны тормышка ашыру өчен ГБМБУ “Г.Тукай исемендәге 1 нче татар гимназиясе,  ГАПОУ “КМБиП”, “Азык-төлек һәм социаль туклану департаменты” оешмалары арасында килешү төзелде.  “Юныс Әхмәтҗанов исемендәге пешекчелек мәктәбе” проектында 8-9 сыйныф укучылары ГАПОУ “КМБиП” белем бирү-лаборатор комплексында пешекче һөнәре серләренә төшенәчәк.

Проект ахырында укучылар 2 разрядлы кондитер-пешекче таныклыгы алачаклар.

1 сентябрь - Белем көне.
Инде күп гасырлар дәвамында нәкъ менә көз башында укучылар иртән-иртүк мәктәпкә ашыгалар. Аларны инде алардан да иртәрәк мәктәпкә килгән укытучылар каршы алалар. Яңа уку елы башлана...
Бездә дә бүген, белем бәйрәме уңаеннан, тантаналы линейка узды. Гимназиябез директоры Гөлфия Гаязовна барлык укытучыларны, укучыларны һәм әти-әниләрне бәйрәм белән котлап, иң матур теләкләрен җиткерде.

Шулай ук укучыларны Ак Барс банкы вәкиле Гәрәфетдинова Альбина Наил кызы да котлады, матур китаплар бүләк итте.

Быел 43 бала беренче тапкыр безнең гимназия бусагасын атлап керде. Бүгенге көннән алар өчен мавыктыргыч, кызыклы белем дөньясы үзенең ишекләрен ача. Ә чыгарылыш сыйныф укучылары өчен бу соңгы Белем бәйрәме.
Шулай ук гимназиябезнең 1 һәм 11 сыйныф укучылары традицион рәвештә “Киләчәк очкычы” акциясендә катнаштылар. Чыгарылыш сыйныф укучылары очкычлар ясап, теләкләр яздылар, аларны 1 сыйныф укучыларына бүләк иттеләр.
Яңа уку елы һәркемгә шатлык-сөенечләр, бары тик яхшы билгеләр, яңа уңышлар алып килсен. Хәерле сәгатьтә! Имин еллар, якты юллар сезгә!

Бәйрәм тантанасыннан  соң барлык сыйныфларда "Мөһим мәсъәләләр турында сөйләшүләр" узды. Бүген дәрес Белем көне турында иде «Белем алу кешегә ни өчен кирәк?» дип аталды.

Хөрмәтле әти-әниләр һәм укучылар! "Белем көне"нә багышланган тантаналы линейка  1 нче сентябрь көнне сәг. 9:00 гимназия ишегалдында узачак. 

Вниманию родителей будущих первоклассников!

На 4 июля вакантных мест нет.

Бүген гимназиябездә 9 нчы һәм 11 нче сыйныфны тәмамлаучы укучылар олы тормышка – ачышлар, казанышлар һәм яңа мөмкинлекләр дөньясына аяк бастылар.

Чыгарылыш сыйныйф укучыларын гимназиябез директоры Гөлфия Гаязовна котлап, иң матур теләкләрен җиткерде. Котлауларга сыйныф җитәкчеләре һәм ата-аналар да кушылды.

Шулай ук видеоязма аша  котлау сүзләрен мәгариф министры Сергей Кравцов та җиткерде.

Чыгарылыш кичәсе һәркемгә онытылмаслык тәэсирләр һәм елмаю бүләк итте.

 Балалар кулында өлгергәнлек аттестатлары. Хәзер алар мөстәкыйль тормыш юлына аяк басачак, ә аның ни дәрәҗәдә уңышлы булуы аларның үзләреннән тора. Мәктәпне тәмамлау — кичәге укучылар тормышында беренче авыр этап, алда аларны югары уку йортларына керү һәм тормышка ашырырга тиешле очсыз-кырыйсыз хыяллар көтә.

26 июнь - җәйге лагерьның йомгаклау көне. 

Бүген Яшьләр көненә багышлап, төрле спорт уеннары үткәрелде. Укучылар күңелле вакыт үткәрү белән беррәттән сәламәтлекләрен дә ныгыттылар. Соңыннан укучыларга татлы бүләкләр тапшырылды. 

Малайларны кызларны киләсе җәйдә дә лагерьга көтеп калабыз.