26 нчы май көнне җәйге мәктәп алды лагеры эшчәнлеген башлап җибәрде.

Лагерь эшчәнлеге “Бөек Җиңү Варислары” юнәлешендә уза.

Төшке аштан соң  укучылар “Синема” кинотеатрында “Соловей против Муромца” исемле мультфильм карадылар. 1 һәм 3 отрядларда “Минем илем – минем Ватаным” исемле викторина узды. Шулай ук укучылар кием төсләреннән РФ һәм РТ флагларын ясадылар. Калганнар  флешмоб уйлап таптылар.

22 май көнне 2а сыйныфы укучылары,  “Россия бөркетләре” программасын кысаларында,  үз куллары белән мактау грамотасы ясадылар. Укучылар кояш ясап, аның нурларына иң ошаган трекларның исемен яздылар.

Соңгы кыңгырау ул -  урта мәктәпне тәмамлап, зур тормышка, олы дөньяга юлланган укучыларны алдагы көннәрнең гаҗәеп матур да, тынгысыз да, соклангыч һәм авыр да булачагын искәртеп тора кебек. Бу чың аларның кадерле укытучылары белән хушлашу авазы да. Нәкъ менә “Соңгы кыңгырау” бәйрәме безнең күңелләребездә укытучылар, сыйныфташлар һәм мәктәп еллары турында якты хәтирә булып сакланып калучы бәйрәм.

24 май көнне гимназиябездә соңгы кыңгырау яңгырады!
Чыгарылыш сыйныф укучылары актлар залында бик матур бәйрәм концерты күрсәттеләр. Укучыларны гимназиябез директоры Гөлфия Гаязовна, беренче укытучылары һәм әти-әниләре котлап, матур теләкләрен җиткерделәр. Бу мөһим көннәрен уртаклашырга укытучылары, әти-әниләре, дуслары, туганнары да килән иде.

Кадерле чыгарылыш сыйныф укучылары, сезгә күңел күтәренкелеге, оптимизм, үз-үзегезгә ышаныч, иҗади илһам, якты киләчәк һәм уңышлар гына телибез! Хәерле сәгатьтә!

24 май – борынгы заманның бөек мәгърифәтчеләре, славян әлифбасын уйлап тапкан Кирилл һәм Мефодий хөрмәтенә билгеләп үтелә торган Славян язуы һәм мәдәнияте көне.

Татарстанда Славян язуы һәм мәдәнияте көнен бәйрәм итү кысаларында фәнни семинарлар, концертлар, китап һәм сәнгать күргәзмәләре оештырыла.  

Безнең гимназиябездә дә әлеге истәлекле көнгә багышланган чаралар узды. 6 сыйныфларда “Аз Буки Ведия” исемле квиз һәм мәгълүмати дәрес үткәрелде. Укучылар бәйрәмнең тарихы, кызыклы мәгълүматлар белән таныштылар.

Илебездә “Россия мәктәпләрендә кинодәресләр” исемле проект  башланып китте.

Һәр ай укучыларда тәрбияви темаларга кинофильмнар күрсәтелә.

Бу айда башлангыч сыйныфлар к «Лошадка для героя» (чувство долга), урта сыйныфларда Киноурок «Навсегда» (смелость, отвага), ә югары сыйныфлар «Там, где мечтают медведи» (ответственность перед миром и человечеством) исемле фильмнар карадылар.

Соңыннан бергәләп фильм эчтәлеге буенча фикер алыштылар.

#1татаргимназиясе
#МБОУтатарскаягимназия1имГТукая
#Минпросвещения #Росдетцентр #НавигаторыДетства#НавигаторыДетства16 #МинОбрНаукиРТ #КомандаВоспитанияРТ #киноуроки

19 май көнне Балалар җәмәгать берләшмәләре көне билгеләп үтелә.

Безнең әти-әниләр, әбиләр һәм бабайлар 19 майда Пионерия көнен бәйрәм иткәннәр. Хәзер бу  датаның исеме яңа һәм  бу көн 2022 елда оешкан  балалар һәм яшьләр хәрәкәте "Алдынгылар" өчен дә зур бәйрәм.

Шул уңайдан башлангыч сыйныфларда өстәл уеннары турниры узды. Укучылар бергәләшеп кызыклы уеннар уйнадылар, үзара көч сынаштылар.

16 май көнне Бөтенроссия “Без – Россия гражданнары” программасын тормышка ашыру кысаларында, беренче тапкыр паспорт алган укучыларга истәлекле бүләкләр тапшырылды. Укучыларга паспорт  тышлыгы һәм “Алдынгылар хәрәкәте” тамгасы бирелде.

16 май көнне гимназиядә 4 нче сыйныф укучыларының күңелләрендә иң якты, иң матур хәтирә булып сакланып калачак чыгарылыш - башлангыч сыйныф белән саубуллашу кичәсе үтте. Алар сабый чакның бер баскычыннан югарыга күтәрелделәр. Укучыларны әлеге истәлекле көннәре белән котлап, шатлыкларын уртаклашырга әти-әниләре дә килгән иде. Гимназиядә, чын мәгънәсендә, җыр-моңга күмелгән балачак бәйрәме узды.

    Хуш, башлангыч! Бәлки әле, безне

             Онытмыйча искә алырсың.

             Ә син безнең йөрәк түребездә

             Гүзәл мизгел булып калырсың.

16 май көнне 2а сыйныфында “Исәнме, җәй!” исемле отчет концерты узды. Чара вакытында укучылар әти-әниләренә матур җырлар, биюләр, сәхнәләштерелгән әсәрләр күрсәттеләр, эчтәлекле шигырьләр сөйләделәр.

Чараны әзерләргә булышкан әти-әниләргә зур рәхмәт белдерәбез!

Укучыларга алга таба да уңышлар телибез!

15 май көнне “Бердәм Россия” партиясенең Татарстан Республикасы бүлегенә башлангыч сыйныфлар матур рәсемнәр тапшырдылар. “Балалар илебезне ясыйлар” бәйгесе республика күләмендә 19 нчы тапкыр үткәрелә.