Теләче 3нче  балалар бакчасының  уртанчы,зурлар һәм мәктәпкә әзерлек төркеме балалары көн белән төн тигезләшкәндә үткәрелә торган әлеге бәйрәмне бик күңелле билгеләп уздырдылар. Нәүрүзбикә белән биеделәр, җырлар җырладылар, хәрәкәтчән уеннар, санамышлар әйттештеләр. Фольклор бәйрәмнәрен уздыру балаларыбызда телебезгә карата мәхәббәт хисләре, әхлак тәрбисе уятырга ярдәм итә, борынгы гореф-гадәтләрне онытмаска өйрәтә.

19нче март көнне квалификация күтәрү курслары кысаларында безнең Теләче 3нче номерлы балалар бакчасы базасында ш.т.б.  Б. Сабасы, Арча һәм Теләче районның мәктәпкәчә белем бирү учреждениеләре тәрбиячеләре өчен “Педагогик диагностика нигезендә мәктәпкәчә белем бирүнең федераль белем бирү программасын гамәлгә ашыру"  дигән темага республика күләм семинар булып узды. Семинар барышында педагогларга дәресләр, музыкаль күренешләр,чыгышлар күрсәтелде.

18 марта в нашей стране отмечается праздник – День воссоединения Крыма с Россией.  С воспитанниками  подготовительной группе прошла беседа, приуроченные к годовщине воссоединения Крыма и России.

15 март көнне Теләче 3 нче номерлы балалар бакчасының яшь талантлары 2025 елгы «Яшь мастер» төбәкара чемпионатының VI төбәк этабында катнаштылар. Бәйге онлайн форматта узды, Татарстан Республикасының 22 шәһәре һәм районыннан: Казан, Арча, Түбән Кама, Яр Чаллы, Минзәлә, Әлмәт, Бөгелмә, Буа, Алабуга, Кукмара, Нурлат, Апас, Азнакай, Теләче, Тукай, Чирмешән, Актаныш, Биектау, Мөслим, Мамадыш, Саба һәм Балтач районнары. Төбәк этабында безнең районнан муниципаль этап җиңүчеләре, талантлы һәм креатив тәрбияләнүчеләр чыгыш ясады, алар үзләренең осталыкларын күрсәттеләр, үз идеяләре белән ике компетенциядә уртаклаштылар һәм бик яхшы нәтиҗәләр күрсәттеләр. «Флористика» номинациясендә Хафизова Алиса, әзерләде  Сәетова Д.Р., техник эксперт Шакирова Г. И., призлы 3 урынны алдылар. «Чәчтараш эше» номинациясендә Вәлияхмәтова Зарина, әзерләде Шәймәрданова М. Н., техник эксперт Ибраһимова А. Р. «Иң пөхтә»номинациясендә җиңүче булды. Катнашучыларны һәм аларның остазларын уңышлы чыгышлары белән котлыйбыз!

Кадерле хатын-кызлар - әниләр,әбиләр, апалар, сеңелләр! Сезне чын күңелдән 8 Март бәйрәме белән котлыйбыз.Язгы кояш нурына күмелгән әлеге бәйрәмдә мәхәббәт, матурлык, ана назы, ягымлылык, мәрхәмәтлелек, шәфкатьлелек, сабырлык, хатын-кызга ихтирам кебек мәңгелек кыйммәтләр чагылыш таба. Бу матур бәйрәм көнендә безнең ихлас котлауларыбызны кабул итегез.Язгы гөрләвекләр сезнең тормышыгызга җылылык, саулык-сәламәтлек, эшегездә уңышлар, күңел тынычлыгы, күтәренке кәеф, бәхет алып килсен!

Бу көннәрдә безнең Теләче 3 номерлы балалар бакчасында 8 Март Халыкара хатын-кызлар көненә багышланган якты һәм онытылмаслык иртәләр узды. Һәр төркемдә бәйрәм, мәхәббәт һәм җылылык атмосферасы хөкем сөрде! Балалар әниләре, әбиләре өчен бик күп күңелле сюрпризлар әзерләделәр. Бәйрәм иртәләрендә яз, әниләр, әбиләр турында матур җырлар, шигырьләр яңгырады. Балалар рәхәтләнеп сәнәләштерелгән әкият һәм иҗат номерларын күрсәттеләр. Шулай ук әниләренә чәчәкләр, открыткалар һәм йөрәкләр ясадылар.  Барлык әниләрне, хатын-кызларны  8 Март бәйрәме белән котлыйбыз! Өйләрегездә һәрвакыт мәхәббәт һәм шатлык хөкем сөрсен!

Бүген Иске Җөри авылы мәдәният йортында «Сәйяр» балалар һәм яшүсмерләр театрларының район фестивале узды. Катнашучылар арасында Теләче 3 нче номерлы балалар бакчасының  мәктәпкә әзерлек төркеме тәрбияләнүчеләре дә бар иде,  остазлары Хуҗина Р. Г. һәм Минһаҗева Г. Р. яшь артистлар тамашачылар һәм жюри хөкеменә «Алтын алмалар»дигән татар халык әкиятен тәкъдим иттеләр. Фестиваль дустанә һәм иҗади атмосферада узды, ә тамашачылар бик күп хис-кичерешләр һәм тәэсирләр алды.Жюри яшь актерларның югары профессиональ әзерлеген, куелышның тәэсирлелеген һәм геройларның тирән кичерешләрен билгеләп үтте.Нәтиҗәдә, тамашачыларның һәм тәнкыйтьчеләрнең йөрәкләрен яулап, балалар мактаулы 2 урын һәм 15 мең сумлык сертификатка ия булдылар. Котлыйбыз!!!

2025 елның 4 март көнне Татарстан Республикасы Теләче муниципаль районының Олы Нырсы урта гомуми белем бирү мәктәбе базасында 1-4 сыйныф укучылары, балалар бакчасында тәрбияләнүчеләр арасында, РФ Хәрби Көчләренең реактив артиллерия дивизионы командиры, СВОда катнашып һәлак булган подполковник Дмитрий Павлович Дормидонтов, шулай ук батыр якташларыбыз Украинада СВО катнашучылар, хәрби бурычларын үтәгәндә һәлак булганнар истәлегенә, Ватанны саклаучы барлык якташларга багышланган чаңгы буенча республика ярышлары уздырылды. Әлеге ярышта Теләче 3 нче номерлы  балалар бакчасында тәрбияләнүчеләребез дә катнашты. Спорт белән мавыгып һәм җанатарлар ярдәме белән балалар бөтен трассаны җиңел үттеләр. Хафизова А - 1 урын, Якупов А – 2 урын, Шакиров А.-2 урын, Хафизов А. -3 урын  грамота һәм медальләр белән бүләкләнделәр. Ә чара азагында күңелле сюрприз көтте - мәктәп директоры  П. А. Чернов барлык катнашучыларны кайнар аш белән сыйлады! Мәктәп коллективына һәм оештурычыларга җылы кабул иткәннәре өчен зур рәхмәтәтебезне белдерәбез.

28 февраль көнне Теләче 3 нче номерлы  балалар бакчасында мәктәпкәчә яшьтәге балалар өчен «Яшь мастер»төбәкара чемпионатының муниципаль этабы узды. Чара чын иҗат һәм талант бәйрәменә әверелде, анда яшь катнашучылар төрле һөнәрләр, үзләренең осталыкларын һәм фантазияләрен күрсәттеләр.

2025 елның 25 февралендә Теләче 3 нче номерлы балалар бакчасына диспансеризация үткәрү өчен «Теләче үзәк район хастаханәсе» нән табиб-белгечләр килде.