Әтиләр көне алдыннан  “Әти белән бергә” акциясе мәктәпкә әзерлек төркемендә тәрбияләнүчеләр өчен якты вакыйга булды. Югары Кибәхуҗа урта мәктәбенә экскурсия, балаларга яңа белемнәр һәм һөнәрләр дөньясына ишекләр ачты.

Теләче 3 нче номер балалар бакчасында "Өлкәннәр" декадасы кысаларында  "Юлда күренеп тор!" дигән акция үткәрелде. Әлеге чара зурлар төркеме балалары аларның тәрбиячеләре Хафизова А. Р., Кыямова А. Н., Саетова Д.Р., Россия Эчке эшләр министрлыгының Теләче районы буенча ЮХИДИ бүлекчәсе дәүләт инспекторы Л. Т. Кыямов, "ТР Юл хәрәкәте иминлегенең фәнни һәм мәгариф программаларын финанслау дирекциясе" ДКУ оештыру-аналитика бүлегенең җитәкчесе Ягъфәрова Г.Н. белән берлектә узды.

Бүген Теләче 3нче номерлы балалар бакчасының коллективы, мобилизацияләнгән сугышчыларга ярдәм йөзеннән, «Барысы да Җиңү өчен» дип гуманитар ярдәм тапшырды.   Хезмәткәрләр һәм педагоглар озак вакыт саклау продуктларын (тиз әзерләнә торган ашлар,чәйләр), шәхси гигиена әйберләрен, перчаткалар җыйдылар. Иң мөһиме – ир-егетләр безнең ярдәмне тойсыннар, исән-имин әйләнеп кайтсыннар иде.

“Үзебезнекеләрне ташламыйбыз” әйтеме илебездә гомер-гомергә яшәп килгән. Мобилизация игълан ителгәннән соң, күпләр өчен аеруча зур мәгънәгә ия бу әйтем.  Маскировкалы сеткаларның сугыш зонасындагы иң мөһим әйберләрнең берсе булуын истә тотып, Теләче 3 нче номерлы балалар бакчасы коллективы маскировка сеткасын үрү эшендә актив катнаштылар.Егетләребез исән-имин әйлә­неп кайтсын, илебездә тынычлык, иминлек урнашсын, дип бергәләп теләкләр теләп эшләделәр. Юкка гына халкыбыз күп көч һәм вакыт таләп итә торган эшләрне күмәкләшеп, өмә ясап башкармаган. Иң мөһи­ме – ир-егетләр безнең ярдәмне тойсыннар, исән-имин әйләнеп кайтсыннар  дигән теләктә калабыз.

Күркәм гадәт буенча октябрь башында Теләче 3 нче номерлы балалар бакчасы коллективы хезмәт ветераннарын Халыкара өлкәннәр көне белән котладылар. Өлкәннәр көне-олы яшьтәге кешеләрнең игътибарын җәлеп итә торган бәйрәм ул. Бу үзенчәлекле көнне  хезмәт ветераннарына йөрәк җылысын һәм ихлас котлауларын юлладылар. Зурлар төркеме балалары тәрбияче Хафизова А.Р.үз куллары белән ясалган открытка бүләк иттеләр, матур җыр җырладылар. Мондый очрашулар яшь буынның өлкәннәргә карата мөнәсәбәтен хөрмәт һәм рәхмәт белән тутыра.Теләче 3 нче номерлы балалар бакчасы коллективы хөрмәтле өлкәннәребезгә  ныклы  сәламәтлек, күңел күтәренкелеге, яхшы кәеф, озын гомер теләп кала.

Бүген безгә МБГУ «Теләче УГМ»нан остаз-дусларыбыз килде. Алар «Алдынгылар хәрәкәте» нең кыйммәтләре турында сөйләделәр, тантаналы рәвештә «Сәяхәт башлана» дәфтәрләрен тапшырдылар һәм мәктәпкә әзерлек төркемендә тәрбияләнүчеләр белән «Беренчеләр вакыты» дигән квест- уенын үткәрделәр.

«Тәрбиячегә рәхмәт белдерәм..» дигән «Алдынгылар хәрәкәте» акциясендә катнашу - тәрбиячеләргә рәхмәт белдерү өчен менә дигән мөмкинлек. Бүген мәктәпкә әзерлек төркемендә тәрбияләнүчеләр “Алдынгылар хәрәкәте»ндә катнашучы остазлар белән берлектә, Теләче 3 нче номерлы балалар бакчасында эшләүче тәрбиячеләргә үз куллары белән ясаган йөрәкләрне бүләк иттеләр һәм һөнәри бәйрәмнәре белән котладылар!

Хөрмәтле тәрбиячеләребез, мәктәпкәчә белем бирү өлкәсендә эшләп лаеклы ялга чыккан ветераннарыбыз! Сезне чын күңелебездән һөнәри бәйрәмегез - Тәрбиячеләр һәм мәктәпкәчә белем бирү хезмәткәрләре  көне белән котлыйбыз! Тәрбияче хезмәте - авыр һәм фидакарь хезмәт. Ул даими рәвештә һөнәри яктан камилләшү, көч-энергия һәм бик зур сабырлык сорый. Һөнәри бурычыгызга тугъры калуыгыз һәм балаларга күрсәткән игътибарыгыз өчен рәхмәт. Көчегез төкәнмәвен, эшләү дәрте сүрелмәвен, балалар белән үзара аңлашу һәм һөнәрегезгә тугрылык телибез. Һәрвакытта һәм һәркайда уңышлар юлдаш булсын!

Бүген Теләче 3нче номерлы балалар бакчасының зурлар  һәм мәктәпкә әзерлек төркемнәренә  йөрүче балалар тәрбияче апалары белән берлектә чәчәк орлыкларын җыярга чыктылар.