Бүген, 29 ноябрьдә Татарстан Республикасы Дәүләт флагы көне билгеләп үтелә.Безнең Теләче 3нче номерлы  балалар бакчасының барлык төркемнәрендә «Бер флаг – бер Татарстан»  дигән тематик әңгәмәләре үткәрелде, төркемнәрдә төрле продуктив эшчәнлек башкарылды.

Халыкара инвалидлар көне алдыннан  Теләче 3нче номерлы балалар бакчасы педагог-психолог Саетова Д.Р.  мәктәпкә әзерлек төркеме балалары белән «Җылылык нурлары бүләк итәбез» исемле иҗат сәгате үткәрде. Балалар төсле карандашлар, акбур, гуашь краскаларын кулланып, катнаш рәсем техникасы буенча  рәсем ясадылар. Балалар бакчасы фойесында тәрбияләнүчеләрнең рәсемнәреннән күргәзмә оештырылды.

Бүген «Киләчәк» яшьләр үзәгендә «Сүзләр балкышы» нәфис сүз бәйгесенең йомгаклау тантанасы узды.Аһәңле шигырьләр бик күп яңгыраган бәйрәм чарасында, май аеннан бирле барган район бәйгесендә катнашучыларны бүләкләп уздылар. Китапханә хезмәткәрләре тарафыннан оештырылган әлеге матур бәйрәмдә барлыгы 153 бала катнашкан. Безнең Теләче 3нче номерлы балалар бакчасыннан зурлар төркеме балалары Галимова И., Ханипова Г., Валияхметова М., мәктәпкә әзерлек төркем балалары Хафизова А., Баева З., Ахметгаязова Р., Шамарданов Б. катнаштылар. Афәрин!!! Балаларны әзерләгән тәрбиячеләргә Хузина Р.Г.,Хабирова Ф.Ф.,Мингазова Г.Р. һәм катнашкан балаларның әти-әнисенә зур рәхмәтебезне белдерәбез.

Балаларда балачактан ук янгынга каршы культура тәрбияләү бик мөһим, чөнки балалар иң зәгыйфь звено булып тора, һәм аларга зурларга караганда зур куркыныч яный. Шушы максаттны күз алдында тотып Теләче 3нче  балалар бакчасына йөрүче тәрбиянүчеләр белән  ТР буенча Россия ГТХМ Баш идарәсенең Саба һәм Теләче муниципаль районнары буенча районара күзәтчелек эшчәнлеге бүлегенең өлкән инспекторы, эчке хезмәт майоры Тимерханов Л.М.  белән очрашу уздырылды.

Ноябрьнең соңгы якшәмбесендә һәрберебезнең йөрәгендә иң кадерле кешегә – әнигә карата наз хисләре уята торган бәйрәм, Әниләр көне билгеләп үтелә.  Әни – гаиләдә иң якын, газиз кеше. Ул яшәргә дәрт, тормышка илһам өсти. Ана баласын күз нурын, бәгырь кисәген татлы сөенечләр белән кулына ала һәм аны нинди генә матур, кадерле сүзләр белән атамый. Кадерле әниләребез! Сезгә кояштай озын гомер, гаилә бәхете, нык сәламәтлек телибез. Безнең балалар да бөйрәм иртәсендә әниләрне, әбиләрне чын күңелдән матур җырлар, шигырьләр, биюләр аша котладылар. Бу бәйрәмне барлык җирдә,зурлап каршы алалар.Бәхетле елмая бүген, җирдә барлык аналар!

Әниләр көненең иң якты һәм мәрхәмәтле бәйрәме алдыннан Теләче урта мәктәбенең  “Алдынгылар хәрәкәте” активистлары   Теләче 3 нче номерлы балалар бакчасының  мәктәпкә әзерлек төркеме тәрбияләнүчеләре  белән берлектә открытка ясау буенча мастер-класс үткәрделәр. Балалар әниләр өчен үз куллары белән уникаль чәчәк бәйләме әзерләделәр.

2024 елның 20 нояберендә Теләче 2 нче  балалар бакчасы базасында   «Мәктәпкәчә яшьтәге балаларда сөйләмен нәтиҗәле үстерү шарты буларак  заманча педагогик технологияләрне куллану»  дигән темага  район күләм семинары узды. Әлеге семинарда  чыгышлар белән Теләче 3нче номерлы балалар бакчасы тәрбиячесе  Биккинина Р.Р. , укытучы-логопед Шаймарданова М.Н., шулай ук рус теле тәрбиячесе Саетова Д.Р., тәрбияче Хазинурова Г.Р., мөдир урынбасары Сафина Е.В. катнаштылар.

Татарстан Республикасы территориясендә яшәүче халыкларның туган телләрен саклауга һәм үстерүгә юнәлдерелгән проектларны гамәлгә ашыруга туган телдә тәрбияләүне һәм укытуны гамәлгә ашыручы педагоглар арасында республика конкурсы йомгаклары буенча Тәрбиячебез  Айгөл Рафаэлевна җиңүче булды. Грант алуыгыз белән котлыйбыз! Бу сезнең соңгы җиңүегез булмасын, алга таба да җиңүләрегез күп булсын!

Теләче 3 нче номерлы балалар бакчасында тәрбияләнүчеләр Сәетов Самир (тәрбиячесе Сәетова Д.Р.), Шакиров Амирхан (тәрбиячесе Шакирова Г. И.) «Бозда һәм суда уяу булырмын» дигән республика рәсем һәм видеороликлар бәйгесендә катнаштылар. Әлеге бәйгедә «Бозда куркынычсызлык» дигән видеосы җибәрелгән иде. Бәйге йомгаклары буенча безнең тәрбияләнүчеләр җиңүче булдылар. Бүләкләү өчен алар Казан шәһәренә Россия гадәттән тыш хәлләр министрлыгының Татарстан Республикасы буенча Баш идарәсе ГИМС Үзәгенә чакырылдылар, анда аларга диплом һәм җиңүче кубогы тапшырылды! Яшь җиңүчеләрне котлыйбыз!

Ел саен ноябрьнең өченче якшәмбесендә үткәрелә торган Бөтендөнья юл-транспорт һәлакәтләре корбаннарын искә алу көне уңаеннан,Теләче 3нче номерлы балалар бакчасында мәктәпкә әзерлек төркемендә тәрбияләнүчеләрнең ата-аналары белән юл-транспорт һәлакәтләрен профилактикалау һәм юл хәрәкәте кагыйдәләре буенча әңгәмә үткәрелде.