Теләче 3нче номерлы балалар бакчасы тәрбияләнүчеләре Ахметшин Аяз һәм Ахматвалиев Илхан музыка җитәкчесе Минһаҗева Г.Р. белән, бүген 14 май көнне Казан шәһәренең Бәшир Рамеев исемендәге ИТ-парк базасында  Татарстан Республикасының мәктәпкәчә белем бирү оешмалары арасында «Акыл Уеннары» программасы буенча республика чемпионатында катнаштылар. Чемпионатның төп максаты-туган татар телен белү күнекмәләрен саклау һәм арттыру, уен аша фикерләүне үстерү. Чемпионатта катнашучылар мавыктыргыч бәйгеләрдә һәм кызыклы мастер-классларда катнаштылар, Барлык балалар да таныклык һәм бүләкләр алдылар. Афәрин!

Бүген Теләче 3нче номерлы балалар бакчасында тәрбиячеләр бергәләп чәчәк утырттылар. Тиздән чәчәкләребез тишелеп, үсеп тә чыгар. Бакчабыз шау чәчәккә күмелер дип өметләнәбез.

От коллектива МБДОУ-Тюлячинский детский сад №3 примите сердечные поздравления с 80-ой годовщиной Победы в Великой Отечественной войне 1941-1945 годов! 9 Мая – это особый, священный праздник, в котором слились воедино душевная боль о невосполнимых утратах и огромная радость Великой Победы. В этот день мы чествуем героев, чьи имена золотыми буквами вписаны в историю нашей страны, в историю всего человечества. День Победы - останется в памяти народной на века, потому что Победа была достигнута в кровавой битве с фашизмом и забыть эту страницу в истории нашей Родины невозможно. Подвиг победителей бессмертен, он будет жить в веках и служить для нас нравственным ориентиром в деле возрождения России, укрепления её славы и могущества. От всей души желаю Вам крепкого здоровья, бодрости духа, любви и заботы близких!  Днем Великой Победы!

Бөек Җиңүнең 80 еллыгына багышланган чаралар кысаларында Теләче 3нче номерлы балалар бакчасында тәрбияләнүчеләр, педагоглар  район Ветераннар һәм тыл хезмәтчәннәре йортында кунакта булдылар. Очрашуның темасы  «Онытырга мөмкин түгел..»дигән исем астында узды. Мәктәпкә әзерлек  төркеме тәрбияләнүчеләре үз тәрбиячеләре Хуҗина Р.Г., Хафизова Н.Р. һәм  музыка җитәкчесе Минһаҗева Г.Р җитәкчелегендәге  концерт программасын тәкъдим иттеләр, балалар шигырьләр һәм җырлар башкардылар, матур итеп биеделәр.  Район Ветераннар һәм тыл хезмәтчәннәре  йортының кечкенә һәм уңайлы залында хөкем сөргән мизгелләр беркемне дә битараф калдырмады: хәтер музыкасы һәм төрле буыннарның очрашу шатлыгы тәрбияләнүчеләр һәм өлкәннәр хәтерендә калачак. БЕЗ ХӘТЕРЛИБЕЗ, БЕЗ ГОРУРЛАНАБЫЗ!

Безнең Теләче 3 нче номерлы балалар бакчасы «Җиңү тәрәзәләре» Бөтенроссия патриотик акциясенә кушылды.Тәрбиячеләр, тәрбияләнүчеләр һәм  “Алдынгыларар хәрәкәте”нең активистлары  кисеп ясалган тематик сурәтләр һәм Җиңү символлары белән тәрәзәләрне бизәделәр.

 Безнең Теләче 3 нче номерлы балалар бакчасында Бөек Җиңүнең 80 еллыгын бәйрәм итү кысаларында “Үлемсез полк” күргәзмәсе оештырылды. Күргәзмәнең төп бурычы - һәр гаиләдә сугыш аша үткән буын турында шәхси хәтерне саклау. Балалар  Бөек Ватан сугышы кырларында сугышкан бабаларының портретларын алып килеп, сугыш юллары турында сөйләделәр.

     Буген, 29нче апрель көнне, Теләче 2нче балалар бакчасында «Үз телемдә шигырь сөйлим» исемле шигырь сөйләүчеләр бәйгесе узды. Бәйгедә безнең Теләче 3нче номерлы балалар бакчасыннан да  балалар бик актив катнашты. Валияхметова Зәринә (әзерләүче тәрбиячесе Шакирова Г.И.), Тимербаева Сәфинә (әзерләүче тәрбиячесе Биккинина Р.Р.) – җиңүче дипломына, Валияхметова Мәдинә, Ханипова Гаухәр,Галимова Индира (әзерләүче тәрбиячесе Хабирова Ф.Ф.) призер дипломнарына ия булдылар. Барлык балалар да үзләрен бик талантлы һәм яхшы әзерлекле итеп күрсәттеләр. Афәрин, балалар!

Теләче 3нче номерлы балалар бакчасында  зурлар төркеме балалары (тәрбиячеләре Хабирова Ф.Ф.) белән  “Патша кызы  һәм юл йөрү кагыйдәләре”дигән театрлаштырылган күренештә  юл йөрү кагыйдәләре турында белемнәрен күрсәттеләр. Чара ДБУнең Казан шәһәре территориаль идарәсенең профилактика бүлеге Саба районы бүлеге начальнигы Ягъфәрова Г.Н. һәм әти-әниләр  катнашында узды. Кечкенә җәяүлеләр уен-әкият формасында юл хәрәкәте кагыйдәләре буенча белемнәрен кабатладылар һәм беркеттеләр.

Бүген 2025 елның 29 апрелендә Теләче 3 нче номерлы балалар бакчасында «БумБатл» Бөтенроссия акциясенә йомгак ясалды. Барлык төркемнәр дә катнашты. Барлыгы 500 кг макулатура җыелган. 1 урынны - уртанчылар төркеме (тәрбиячесе Хафизова А. Р. -182 кг., 2 нче урынны - зурлар төркеме (тәрбиячесе Хәбирова Ф.Ф.) 126 кг.,3 нче урынны – иң кечкенәләр төркеме (тәрбиячесе Ибраһимова А. Р.) 82 кг., 4 нче урынны – 1 кечкенәләр төркеме (тәрбиячесе Хазинурова Г. Р.) 52 кг., 5 нче урынны мәктәпкә әзерлек төркеме (тәрбиячесе Хуҗина Р. Г.) 33 кг., 6 урын - 2 кечкенәләр төркеме (тәрбиячесе Һадиева Ф. Г.) 25 кг макулатура җыеп алдылар. Афәрин!