В нашем детском саду в рамках конкурса Первичных отделений «Движения Первых» и года Единства народов России состоялся увлекательный квиз-викторина «Код единства», посвящённый русскому языку.

11 марта 2026 года на базе Тюлячинской средней школы была проведена I Республиканская научно-практическая конференция обучающихся «Великое слово «Победа», «Җиңү»- бөек сүз», «The great word «Victory»» совместно с преподавателями Международного института гостиничного менеджмента и туризма Поволжского государственного университета физической культуры, спорта и туризма. На конференции приняла участие  Нуртдинова Р.С. музыкальный руководитель МБДОУ-Тюлячинский детский сад №3 с мастер-классом по изготовлению куклы.

8 Март-балалар бакчасында иң күңелле, иң назлы һәм гаҗәеп матур бәйрәм. Ул иң сөйкемле һәм иң назлы, иң яраткан һәм иң якын әниләргә һәм гомүмән хатын-кызларга багышлана. Бу көнне барлык елмаюлар, җырлар, шигырьләр, биюләр гүзәл хатыннарга багышлана: әниләргә, кызларга, һәм әбиләргә!  Бүген икенче кече һәм  мәктәпкә әзерлек төркемнәрендә Халыкара хатын-кызлар көнен бәйрәм итүгә багышланган бәйрәм иртәләре узды!  Балаларның бәйрәмдә чыгыш ясавы-әниләргә үз балаларыннан иң яхшы бүләк. Балалар матур, матур җырлар җырладылар, биеделәр, уйнадылар. Бәйрәм күңелле, кызыклы һәм шатлыклы булды! Балаларның котлауларына безнең мәктәпкәчә учреждение коллективы да кушыла һәм барлык хатын-кызларны якынлашып килүче бәйрәм белән котлыйбыз!

Бүген Олы Нырсы урта мәктәбенең 1-4 сыйныф укучылары арасында чаңгы ярышлары узды. Спортка кечкенәдән өйрәтергә кирәк. Һәм «Нәниләр чаңгы юлы» моңа дәлил. Стартка чаңгы узышларында җиңүчеләр исеме өчен көрәшкән иң көчле, җитез һәм чыдамлылар чыга.  Безнең Теләче 3нче номерлы балалар бакчасыннан 3 нче урынны Шакирова Айсылу һәм Шакиров Әмирхан, 4 нче урынны Хафизов Азамат алдылар. Бу көнне балалар көттеләр һәм аңа әзерләнделәр, аларның тырышлыклары яхшы нәтиҗәләр, җанатарларның сокланып кычкырулары, ата-аналарның, педагогларның ярдәм итүе белән акланды. Барыгызга да рәхмәт! Яшь чаңгычыларыбызга яңа җиңүләр телибез!

Язның беренче нурлары безнең бакчага наз, шатлык һәм илһам бирде.Халыкара хатын - кызлар көне алдыннан Теләче 3нче  номерлы балалар бакчасында 8 Март бәйрәменә багышланган бәйрәм чаралары башланды! Бәйрәм марафонын уртанчылар һәм зурлар төркемнәрдә тәрбияләнүчеләр ачты. Алар бәйрәмдә җырладылар, биеделәр, шигырьләр укыдылар һәм әниләренә төрле бәйгеләрдә катнашырга булыштылар. Һәр чыгыш залны шатлык һәм елмаю белән тутырды, ә атмосфера чын-чынлап тылсымлы иде. Бәйрәм азагында балалар әниләренә һәм әбиләренә үзләре ясаган чәчәк бәйләмнәрен бүләк иттеләр.

Бүген Теләче  3нче номерлы балалар бакчасында Теләче районының мәктәпкәчә белем бирү учреждениеләре педагоглары өчен семинар узды. Төп тема булып мәктәпкәчә яшьтәге балаларда патриотизм һәм гражданлык тәрбияләүнең актуаль мәсьәләләре торды. Семинар кысаларында тәрбияче эшенә яңа алымнарны нәтиҗәле кертүгә юнәлдерелгән чараларның төрле форматлары тәкъдим ителде: татар мәдәниятенең традицион кыйммәтләрен чагылдырган театральләштерелгән тамашалар;туган як тарихы һәм үз халкың белән кызыксынуны үстерү өчен уен методикаларын куллану; баланың иҗади потенциалын үстерүгә ярдәм итә торган традицион булмаган рәсем техникасы; балаларга үзләренең билгеле бер мәдәнияткә һәм территориягә каравын аңларга ярдәм итүче төбәк символикасын булдыру буенча мастер-класслар; балалар бакчасының көндәлек тормышына патриотизм тәрбияләүне интеграцияләүнең конкрет ысулларын ачучы гамәли юнәлешле чыгышлар. Шулай ук ата-аналар катнашындагы агарту чараларына аерым игътибар бирелде, гражданның төп кыйммәтләрен формалаштыруда гаиләдәге алымның мөһимлегенә басым ясалды.тСеминарда "Без патриотлар!" дигән якты флешмоб барлык катнашучыларны шатлык һәм илһам белән берләштереп тәмамланды.

Бүген Теләче  3нче номерлы балалар бакчасында традицион һәм һәркемнең яраткан бәйрәме — Май чабу узды! Балалар кышны озатырга һәм көтеп алынган язны каршыларга җыелдылар. Бәйрәм чын-чынлап халыкчан һәм дәртле булды.

Безнең Теләче 3нче номерлы балалар бакчасының мәктәпкә әзерлек  төркемендә «Туган Тел – безнең байлыгыбыз " дигән музыкаль чара узды. Халыкара туган тел көне кысаларында төркемдә балаларда туган телгә мәхәббәт тәрбияләү максатында чаралар узды. Тәрбиячеләр балаларга һәр халыкның үз үзенчәлекләре, гореф-гадәтләре, мәдәнияте һәм теле булуы турында сөйләделәр. Балалар «туган тел» төшенчәсе белән таныштылар, һәр кешенең тормышында туган телнең әһәмияте турында сөйләштеләр.

Бәйрәм алдыннан безнең Теләче 3нче номерлы балалар бакчасында Ватанны саклаучылар көненә багышланган традицион спорт чаралары узды.

"Батыр" спорт комплексында Теләче муниципаль районының пилот мәктәпкәчә белем бирү оешмаларында тәрбияләнүчеләр арасында Татарстанда хәрби һәм Хезмәт даны елы кысаларында 23-февраль Ватанны саклаучылар көнен бәйрәм итүгә багышланган "Аҗаган" спорт –патриотик уены узды. Уенны Теләче муниципаль районының Теләче 3 нче номерлы балалар бакчасы, МКУ "ТМР мәгариф бүлеге", "ТР Юл хәрәкәте кагыйдәләренең фәнни һәм белем бирү программаларын финанслау дирекциясе" ДКУ оештыру-аналитика бүлеге, Теләче муниципаль районының "Алдынгылар хәрәкәте" җирле бүлеге, "Теләче" спорт мәктәбе өстәмә белем бирүче муниципаль бюджет учреждениесе оештырды. "Аҗаган" - балаларга хисләр өермәсе бирә торган спорт-патриотик бәйрәм. Шулай ук бу-әти-әниләр белән күңелле итеп вакыт үткәрү, үз сәләтләреңне күрсәтү һәм файдалы күнекмәләр алу өчен менә дигән мөмкинлек." Аҗаган " спорт эстафетасы формасында төзелгән, анда командалар түбәндәге станцияләр буенча хәрәкәт итте: "Визитка», «Марш-бросок», «Әти, әни-мобиль», «Чәнечкеле тимер чыбык аша узыгыз»,  «Интеллектуаль тукталыш», «Яраланган сугышчы», «Саперлар. Басуны миналардан арындыр», «Элемтәчеләр», «Юл билгесе», «Паровоз»." Аҗаган " барлык балаларны берләштерә, дустанә мөнәсәбәтләр, намуслылык, гаделлек тәрбияли, бер команда белән бергә эшләргә өйрәтә, балалар команданың һәр әгъзасының нәтиҗәсе ахыргы нәтиҗәгә бәйле икәнен аңлый. Мондый чараларны уздырып, без балаларны патриотизм рухында тәрбиялибез,Ватанны саклаучыларны үстерәбез.Әлеге чараны үткәрүче тәрбиячеләргә Шакирова Г.И.,Саетова Д.Р., Нуртдинова Р.С.ларга рәхмәтебезне белдерәбез.