27 января – памятный день для города Ленинграда. По всей России проходит патриотическая акция «Блокадная ласточка», посвященная 80-летию снятия блокады Города-Героя Ленинграда.

Бүген безнең "Кояшкай" вокаль ансабле (җит. Зәйнетдинова З.З. һәм Закирова А. Х.) "Голосок-Көмеш тавыш-2023" Республикакүләм балалар вокаль конкурсында 1нче урын яулады. Әлеге бәйгедә балалар Г.Насрый сүзләренә  С. Сәйдәшев иҗат иткән "Зәңгәр күл" җырын башкардылар. Нәни артистларыбызны беренче зур җиңүләре белән котлыйбыз!

Бүген Теләче 2нче номерлы балалар бакчасында  мәктәпкәчә белем бирү учреждениеләре тәрбиячеләре арасында, педагог һәм остазлар елына багышланган, "Ягез әле, остазлар!" исемле район бәйгесе узды. Бәйгедә үз осталыкларын, балаларга һәм үз һөнәрләренә мәхәббәт белән караучы, биш остаз күрсәтте. Алар бәйгенең сынаулары барышында мәктәпкәчә белем бирү педагогикасы өлкәсендә теоретик белемнәре, үзләренең кызыклы педагогик табышлары һәм эш тәҗрибәләре белән уртаклашып кына калмадылар, үзләренең сәләтләрендә күрсәттеләр. Бәйгене күзәтеп бәяләп барган профессиональ жюрига җиңүчеләрне һәм номинантларны билгеләү җиңел булмады, чөнки остазларның барысы да моңа лаек иде. 
  Безнең балалар бакчасы данын әлеге бәйгедә озак еллар буе тәрбияче булып эшләгән остазыбыз-Юсупова Гөлсинә Фәүхетдин кызы яклап чыкты һәм " Үз эшенең остасы" номинациясендә җиңү яулады. Аны әлеге җиңүе белән котлыйбыз һәм киләчәктә дә эшендә зур уңышлар телибез!