Бүген, 3нче ноябрь көнне, Теләче 2нче балалар бакчасының мәктәпкә әзерлек төркеме балалары музыка җитәкчесе Зайнетдинова З.З. һәм тәрбиячеләре Ярмиева З.М., Зиннәтова И.Н. белән берлектә “Халыклар бердәмлеге көне” исемле бәйрәм үткәрделәр. Балалар төрле халык милли киемнәренә киенеп, татар һәм рус телләрендә халыклар дуслыгына багышланган шигырьләр сөйләделәр, җырлар җырладылар, уеннар уйнадылар. Балалар янына кунакка  рус һәм керәшен кызлары килде, алар милли киемнәрен, биюеләрен биеп күрсәттеләр, милли ризыклары белән дә сыйладылар. Бәйрәм бик күңелле үтте.

Бүген балалар бакчасында Теләче районы балалар бакчаларында эшләүче педагоглар өчен семинар узды. Семинар барышында бакчабыз педагоглары Татарстан Республикася халыклары традицияләрен кулланып, мәктәпкәчә яшьтәге балаларның танып белү - сөйләм үсеше өчен мәктәпкәчә белем бирү учреждениесендә шартлар тудыру буенча үзләренең эш тәҗрибәләре белән уртаклаштылар.

Өлкәннәр һәм мәктәпкәчә яшьтәге балалар арасында МББ ФББП гамәлгә ашыру шартларында грамотага әзерлек буенча үзара хезмәттәшлек итүнең яңа формаларын эзләү максатыннан, балалар бакчасында мәктәпкә әзерлек төркеме ата-аналары белән «Грамотага өйрәтү буенча иң яхшы дидактик кулланма» бәйгесе оештырылды. Бәйге алдыннан ата-аналар җыелышында төркем тәрбиячесе Зиннатова И.Н. интернет челтәрендәге әлеге темага багышланган уеннар җыелмасы һәм балалар бакчасында булган уеннар белән таныштырды. Ата-аналар әлеге бәйгегә зур кызыксыну күрсәттеләр һәм актив катнаштылар.

«Юллардагы иминлекне бергә саклыйк!» район бәйгесендә катнашып, безнең балалар бакчасыннан:
"Әдәби" номинациядә тәрбиячеләребез Вәлиева К.И.- беренче урын, Хәбирова А.Р. -икенче урын; "Иҗади" номинациядә Юсупова Г.Ф. -икенче урын яулады. Шулай ук уртанчылар төркеменә йөрүче Заһидуллин Азат тәрбиячесе Авхалова Г.И. белән берлектә "Балалар, әлеге кагыйдәләрне үтәгез!" номинацияседә өченче урын яулады.

Якынлашып килүче Әтиләр көне уңаеннан, балалар бакчасында төрле чара уздырыла башлады.

В преддверии Международного дня отца в нашем детском саду проходят различные акции и марафоны, направленные на укрепление связи между отцами и их детьми. 

5нче октябрь көнне, өлкәннәр декадасы кысаларында, бакчабыга, озак еллар эшләп лаеклы ялга чыккан хезмәттәшләребез кунакка килде. Алар мул табын артында зурлар төркеменә йөрүче балаларның концерт номерларын карап ял иттеләр. Балалар өлкәннәргә Печән өсте йоласын күрсәтеп, бераз яшьлек елларын да искә төшерделәр.