Сарман гимназиясендә ФДББС нигезендә укучы балалар инде 8 нче сыйныфка җиттеләр. Гимназия администрациясе тарафыннан дәресләргә әзерлекне югары оештыру таләбе куела. Безнең укытучыларыбыз да үз эшләрен кызыклы һәм мавыктыргыч итеп оештыралар. Салихова Алсу Нисбәт кызы укучыларга дәрес темасын төрле юллар белән ачып бирергә тырыша. Проблемалы сорау кую өчен укытучы барлык мөмкинлекләрдән дә файдалана.

Узган уку елыннан башлап Сарман гимназиясе түләүле хезмәт күрсәтү өчен лецензиягә ия булды. Шул уңай белән мәктәп укучылары өчен түгәрәкләр оештырылып, белемнәрен тирәнәйтү өчен мөмкинлекләр ачылды. Әлеге хезмәттән кергән акчаның бер өлеше укытучыга хезмәт хакы буларак түләнсә, икенче өлешенә мәктәп өчен кирәк булган кайбер әйберләрне булдыруга мөмкинлек ачылды. Мәсәлән, география кабинеты өчен 12 кечкенә һәм 1 зур глобуслар алынды, башлангыч звенода бер сыйныфка линолиум җәелде. Әлегә бу саннар бик кечкенә кебек тоелса да, тамчыдан күл җыелганын исәпкә алганда, алга таба гимназиябез базасын тулыландыру буенча эшләр тагы да алып барылыр дигән өметтә калабыз.

Кичә, ягъни 21 нче сентябрь көнне, халыкара тынычлык көне уңаеннан терроризмга каршы көрәш чарасы оештырылды. Сарман гимназиясе укучылары тематикага туры китереп рәсем һәм плакатлар әзерләделәр, Сарманның үзәк паркында оештырылган чарада катнаштылар. Без исә үз чиратыбызда терроризм җиле илебезнең тынычлыгын бозмасын, илләр имин һәм тыныч булсын иде дигән теләктә калабыз.

Уку елы башыннан мәктәпләрдә “Китапка яңа сулыш өр!” (Подари книге вторую жизнь) акциясе старт алды. Ул мәктәп китапханәрәнең фондын тулыландыру максаты белән үткәрелә. Сарман гимназиясе укучылары әлеге бәйге-акциядә “Иң актив класс”, “Иң актив укучы”, “Иң актив укытучы” номинацияләре бар икәнлеге турында инде хәбәрдар. Бүгенге көндә китапханәчебез Ганиулина Римма Ясировна шуның белән мәшгуль. Эш барышында укучыларда укуга карата уңай караш, актив гражданлык позициясен формалаштыру, мәктәпкә хөрмәт белән карау һәм җаваплылык хисе тәрбияләү бурычлары куелды. Мәктәп фондына бүләк ителгән китаплар исәпкә алына һәм башка укучыларга да куллану мөмкинлеге ачыла.

2017 нче елдан башлап 21 нче сентябрь көнне “Тынчлык күгәрчене” акциясе үткәрү тарадициягә әйләнеп китәчәк. Быел ул бөтендөнья күләмендә тәүге тапкыр уздырылды. Сарман гимназиясе укучылары да бу чарадан читтә калмады. Аның кысаларында классларда әлеге проект турында белешмә бирелде, укучылар тарафыннан флешмоб әзерләнде, укучылар көче белән ясалган күгәрченнәр, шарга бәйләнеп очыртылды. Барлык класслар да әлеге эштә актив булдылар, мондый матур башлангычны хуплап каршы алдылар. Изге эш җанга рәхәтлек, тәнгә сихәт китерә. Алга таба да изге эшләр акциясен дәвам итәргә һәм актив булырга дигән теләктә калабыз.

Сарман гимназиясе укытучылары үзләренең һөнәри осталыкларын үстерү өстендә даими эшләп киләләр. Шулай булмыйча мөмкин дә түгел, чөнки ул районыбызда бердән-бер Өстенлек мәктәбе статусына ия булган уку йорты. Башка уку елларындагыча, быел да методик семинарлар, коучинглар, сингапур структуралары белән танышулар дәвам итә. Беренчедән, алар тәҗрибә тарату максатыннан оештырылса, икенчедән, яшь укытучыларга методик ярдәм күрсәтү өчен башкарыла.

2017 нче ел – экология елы. Сарман гимназиясендә бу уңай белән күп эшләр башкарылды. “Из отходов – в доходы” күргәзмәсе шундыйларның берсе. Монда укучылар ташларга мөмкин булган әйберләргә яңа сулыш өрергә мөмкинлекне күрсәттеләр. Балалар фантазиясе гаҗәеп көчле. Әлеге гамәл аларга киләчәктә дә файда китерер дигән өметтә калабыз.