27 нче сентябрь көнне Сарман гимназиясенең татар теле һәм әдәбияты укытучылары методик берләшмә утырышында катнаштылар. Алар “ФДББС шартларында бүгенге көн татар теле һәм әдәбиятын укытуның актуаль проблемалары һәм четерекле мәсьәләләре” темасы буенча фикер алыштылар.

27 нче сентябрь көнне Сарман гимназиясенең береенче сыйныф укучыларын җәяүлелеәр сафына кабул итү тантанасы булды. Анда ГИБДД хезмәткәрләре дә чакырулы булып, укучыларга юл йөрү кагыйдәләре турында искәрттеләр, укучыларга бүләкләр өләштеләр.

 Кичә Бөтендөнья татар конгрессы Башкарма комитеты “Ак калфак” хатын-кызлар иҗтимагый оешмасының Сарманда күчмә утырышы булып үтте. Анда илкүләм проблемалар белән бергә, актив эшчәнлек алып баручыларга Рәхмәт хатлары да тапшырып киттеләр. Шунысы куанычлы: безнең Сарман гимназиясеннән дә әлеге зур бүләккә ия булучы бар. Миннуллина Наҗия Исхак кызының хезмәтен искә алып, татар халкының телен, мәдәниятен үстерүдә, гореф-гадәтләрен саклап калуда башкарган зур эше өчен Бөтендөнья татар конгрессы Башкарма комитетының Рәхмәт хаты белән бүләкләде. Изге эш дәвамлы булсын, татар милләтен үстерүдә өлеш кертүчеләр саны тагы да артсын иде.

Сарман гимназиясе укучылары «Мәрхәмәтлелек атнасы” кысаларында “Без төрле, ләкин без бергә” дип исемләнгән түгәрәк өстәл оештырдылар. Ул төрле категориядәге балаларга ярдәм күрсәтү, ярдәмгә мохтаҗ укучыларга булышу максаты белән эшләнде.

Гимназиядә яңа гына эшен башлап җибәргән укытучыларны профсоюз составына алу гадәткә кереп китте. Озайтылган көн төркеме тәрбиячесе Гашимова Ләйсәнне профсоюз оешмасына алу күренешен фотодан күрергә була.

25 нче сентябрьдан 2 нче октябрьга  кадәр республика күләмендә “Мәрхәмәтлелек атнасы” үтә. Дүшәмбе көнне Сарман гимназиясендә дә әле акция турында мәгълумат бирелде, укучыларны изге эшкә тарту өстендә эш башланды.