Мәгариф министрлыгы күрсәтмәсе буенча оештырылган 4, 6, 8 нче сыйныфларда мониторинг тикшерү эшләре дәвам итә. Бүген әлеге эшне инглиз теленнән башкардылар. Эш ике өлештән торып, һәрберсе махсус әзерлекне таләп итсә дә, укучылар аны бик тиз һәм җиңел башкарып чыктылар.

Бүген фән олимпиадаларының муниципаль туры башланып китте. Районыбызның иң акыллы, иң тырыш балалары бүген экология фәне буенча көч сынаша. Без аларга зур өметләр баглыйбыз һәм уңышлар теләп калабыз.

Сарман гимназиясеннән кунаклар бер дә өзелеп тормый. Бу юлы алар Түбән Кама шәһәреннән килгән иделәр. Килү максаты - укучыларга кулланучыларның хокукларын яклау темасына әңгәмә-диспут оештыру. Кызыклы чыгыш балаларга бик ошады, алар үзләре өчен күп кенә файдалы белешмә алдылар.

Укучыларның II Спартакиада кысаларында үткәрелгән "Күңелле стартлар" хәрәкәтле уеннарының муниципаль этабында катнашып, Сарман гимназиясе укучылары III урынга лаек булды. Без аларны җиңүләре белән котлыйбыз һәм тагы да зуррак үрләр яулавын көтеп калабыз.

Бу көннәрдә аттестация үтүче укытучылар тестирование узалар. Ул  фән нигезләрен, методика, педагогика, психология белемнәрен тикшерүдән торган сорауларны үз эченә ала. Сарман гимназиясе укытучылары тестлаштыруны уңышлы гына тапшырдылар. Күпчелек мөгаллимнәребезнең 90 югарырак балл җыюы аларның белем дәрәҗәсенең югары булуын куәтли. Аларга без алга таба да уңышлар теләп калабыз.

Районыбызның белем бирү оешмаларын соңгы араларда департамент хезмәткәрләре тикшерде. Анда уку планнары, эш программалары, дәреслекләр, дәресләр һ.б. бик күп кенә эшләребез энә күзеннән үтте. Инде барысы да артта, нәтиҗәләр яхшы булыр дигән өметтә калабыз.

Үзәк хастаханә тарафыннан оештырылган "Донор көне"нә безнең укытучылар да битараф калмады. Салихова Алсу Нисбәт кызы әле чарада ел саен катнашып килә. "Башкаларның сәламәтләнә алуына үзеңнән өлеш кертә алу - үзе бер бәхет бит ул", - ди Алсу Нисбәтовна

Сарман гимназиясе укучылары каникул чорында да төрле чараларда катнашырга җитешәләр. Буа шәһәрендә үткәрелгән "Шәҗәрәләр - нәсел агачы" регионара конференциядә 7 нче сыйныф укучылары катнашты һәм өченче урынга лаек булдылар.

Сарман гимназиясе укытучылары Түбән Кама шәһәренең педагогия көллиятендә "Система работы учителя с одаренными детьми", "двент - календарь как средство организации внеклассной работы" темаларына мастер-класслар карадылар.

Кичә Түбән Кама шәһәрендә сәләтле балалар слеты булып үтте. Анда Сарман гимназиясеннән дә укучылар катнашты. Укучылар сертификат, бүләкләр алдылар, бәйрәм тамашасы карадылар.