Сарман гимназиясе укучылары һәм укытучылары Казан шәһәрендә булып үткән "На языках народов мира" конференциясендә уңышлы чыгыш ясап кайттылар. Афәрин!

Сарман гимназиясе Яңа ел бәйрәменә әзерлекне инде башлап та җибәрде. План нигезендә башкарыласы эшләр һәм җаваплылар инде билгеле.

Бүген укучыларны хәрби хезмәткә әзерләү максатыннан хәрби комиссариат тарафыннан оештырылган чара булып узды. Анда гимназиябезнең 8, 10 нчы сыйныфы укучылары катнашты.

20 нче ноябрь көнне район мәдәният йортында Мостай Кәримнең "Ай тотылган төндә" исемле әсәре буенча сәхнәләштерелгән тамаша булды. Сарман гимназиясе коллективы әлеге чарада актив катнашты.

19 нчы ноябрь  көнне гимназиядә үзара салым буенча референдум булып үтте. Районыбызның киләчәге өчен битараф булмаганнар бу көнне тавыш бирүдә катнаштылар.

Во исполнение плана работы Министерства образования и науки Республики Татарстан 17.11.2017 с 12.00 до 13.30 состоялось Республиканское родительское интернет-собрание.

Бүген мәктәпләрнең хуҗалык эшләре буенча директор урынбасары, медицина хезмәткәре, ашханә мөдирләре катнашында киңәшмә булып үтте. Ул ветеренария документларын тутыру үзенчәлекләрен өйрәнүне үз эченә алды.

Олимпиадаларның район туры башланып китү турында без инде хәбәр иткән идек инде. Ниһаять, аның нәтиҗәләре дә килеп ирешә башлады. Экология буенча олимпиадада Сарман гимназиясенең 11 нче сыйныф укучысы җиңү яулады (укытучысы Шамилова Л.Х.). Без инде, үз чиратыбызда, аның аягы җиңел булсын иде дигән теләктә калабыз һәм яңа күңелле хәбәрләр көтәбез.

Бүген ил күләмендә юл һәлакәтендә вафат булучыларны искә алу көне. Шул уңайдан гимназиябездә әңгәмә оештырылды. Анда дәүләт автомобиль инспекциясе вәкилләре дә катнашты.

Сарман гимназиясендә экология елы кысаларында укучылар арасында рәсем һәм плакатлар бәйгесе игълан ителде. Әлеге конкурста балалар бик теләп катнаштылар.