16 апрель көнне безнең мәктәптән бер төркем укучылар Яр Чаллы шәһәрендә рәссамнар һәм дизайнерларның III Арт-фестивалендә булып кайттылар. Бу укучылар конкурс шартлары буенча 3 сәгать дәвамында үзләре сайлаган темага рәсем ясдылар.  Алар арасыннан 5 нче сыйныф укучысы Фазылова Зәлидә "Художественный рисунок" номинациясендә җиңү яулап, 2 нче дәрәҗәдәге Диплом белән бүләкләнде. Хөсәенова Таңсылу (5 класс), Нуриева Ләйсәния (4 класс), Фальванов Фәнзил (2 класс) Сертификатлар белән бүләкләнделәр. Укытучылары - технология укытучысы Фальванова Айгөл Фидаилевна. Котлыйбыз!

16 апрель көнне Буа шәһәрендә Фуат Козырев истәлегенә Буа районы беренчелегенә милли көрәш ярышы булып үтте. Анда район командасы составында безнең мәктәпнең 8 нче сыйныф укучысы Якупов Илназ катнашты һәм 1 нче урынга лаек булды. Котлыйбыз сине, Илназ!

Үзебез белем ала торган мәктәп яннарын, урам, йорт тирәләрен, чишмәләребезне чиста тоту - һәрберебезнең бурычы. Шушы бурычны тормышка ашыру максатыннан өмәләр башланып китте. 16 апрель көнне барлык хезмәткәрләребез, 7-11 нче сыйныф укучылары мәктәп янында кар тарату, чистарту эшләрендә катнаштылар.

14апрель көнне безнең мәктәп базасында "Мәктәптә хезмәтне саклау белән идарә итү" дигән темага мәктәп директорлары киңәшмәсе булып узды. 11 нче сыйныфта "Химик реакцияләр" (Хабибуллина Энҗе Әнәсовна), 3 нче сыйныфта "Эшкә бирсәң чын күңел" дигән темага ( Дәүлиева Нурзия Мөхәммәтнуровна), ачык дәресләр: 5 нче сыйныфта "Ут дус та, дошман да"дигән темага(Михайлова Нурия Әлхамовна), 7 нче сыйныфта " Юлга чыктык без бергә" дигән темага (Нуруллина Зәмфирә Фәнәвиевна), 9 -11 сыйныфлар каршында "Мәктәптә эшләү куркынычмы?" дигән темага ток-шоу (Фазылова Гөлнара Җәүдәтовна) үткәрелде.

"Уку һәм хезмәт процессында хезмәтне саклау" дигән темага район конкурсы үткәрелде. Безнең мәктәпнең 11 нче сыйныф укучысы Гаттарова Айзилә "Фотография" номинациясендә 1 нче урынны яулап, Саба районы мәгариф бүлеге грамотасына лаек булды. Котлыйбыз!

12 апрель көнне район мәдәният йортында космонавтиканың 50 еллыгы уңаеннан "Йолдызларга омтылам" дип аталган конкурс үткәрелде. Бу конкурста безнең мәктәп укучылары шигырь, җыр, рәсем номинацияләрендә актив катнашып, грамоталарга лаек булдылар. 4 нче сыйныф укучысы Фатыйхова Нәзилә "Җыр " номинациясендә 2 нче урынны алды. Молодец!

Ноябрь аенда безнең мәктәптән бер төркем укучылар җәмгыять белеме фәне буенча Пермь шәһәре үткәрә торган "Молодёжный чемпионат по обществознанию" дистацион бәйгесендә катнаштылар. Шулар арасыннан 6 нчы сыйныф укучысы Ганиева Гөлчәчәк 3 нче дәрәҗәдәге дипломга һәм призга (укытучысы -  Хаҗиев А.Х.), 7 нче сыйныф укучысы Фазылова Зәринә 2 нче дәрәҗәдәге дипломга һәм призга (укытучысы - Фазылова Г.Җ.) лаек булдылар. Калган укучыларга Сертификатлар бирелде. Котлыйбыз, алга таба да уңышлар телибез.

9 нчы апрель көнне бер төркем укучыларыбыз Икшермә авылында татарча көрәш буенча район ярышында булып кайттылар. 9 нчы сыйныф укучысы Таштиев Ранис үз үлчәвендә 1 нче, Якупов Илназ 3 нче урынны яуладылар. Аларны бу җиңүләре белән чын күңелдән котлыйбыз, алга таба да уңышлар телибез!

8 апрель көнне 11 нче сыйныф укучысы Миннеханов Илназ Казанда Каюм Насыйри укуларында булып кайтты. Ул педагогика секциясе эшендә үзенең "Уку йортында укучы өчен уңайлы тирәлек булдыру" дип аталган проекты белән катнашып, 1 нче дәрәҗәдәге Дипломга лаек булды (җитәкчесе - Миннеханова М.Ф.). Илназны чираттагы уңышы белән чын күңелдән тәбрик итәбез!

8 апрель көнне безнең мәктәп командасы Мичән урта мәктәбендә зона буенча "Аҗаган - 2011" ярышларында катнашып кайтты. Миннебаев Салават турникта тартылу ярышында 1 нче урынга лаек булды, команда 3 нче урынны алды (җитәкчеләре - Нурмиев М.Н.). Котлыйбыз!