Мәктәп яны тәҗрибә бакчасында, чәчәклекләрдә кызу эш гөрли. Соңгы вакытта явып үткән яңгырлар барысына да килешкән, чүпне утап кына өлгер! Ләкин безнең укучыларыбыз эштән курыкмый. Хәзерге вакытта 2, 7, 9 нчы сыйныфлар җәйге практика үтә. Мәктәптә алган күнекмәләр өйгә кайткач та ярап куяр, кыш көне үзебез ашарга яшелчә, җиләк-җимештән мул уңыш алырбыз дип өметләнәбез.

Без бүген мәктәп каршындагы асфальтка рәхәтләнеп рәсем төшердек. Без ясаган күгәрченнәр, кояш, чәчәкләр җиребезгә иминлек, тынычлык теләп торсын! Аннары пионербол ярышы булды.

Без бүген "китап докторлары" булдык. Мәктәп китапханәсендә дәреслекләр, китаплар ремонтладык. Аннары "Ягез әле, егетләр!" бәйгесе булды. Егетләребез үзләренең җитезлекләрен, осталыкларын күрсәттеләр

Бүген хәрби-патриотик тәрбия бирү атналыгы башланды. Шул уңайдан "Без тынычлык телибез!" дигән темага рәсем конкурсы булып үтте. Аннары "Очкын" һәм "Дуслык" отрядлары арасында баскет-шоу ярышы булды.

Бүген инглиз теле атналыгының соңгы көне булды. Укучылар инглиз телендә "Теремок" әкиятен сәхнәләштерделәр. Төшке аштан соң мәдәният йортында сәхнәдә чыгыш ясау күнекмәләре алдылар.

Көн яңгырлы булуга карамастан, безнең мәктәп лагере гөрләп тора. Бүген инглиз теле укытучыбыз Зилә Бәшировна музыкаль презентацияләр ярдәмендә җырлар өйрәтте, аннары бассейнга бардык.

Бүген лагеребызда сәламәт яшәү рәвешенә багышланган көн булды. "Наркотикларга - юк!" дип аталган әңгәмәдән соң плакатлар конкурсында катнаштык, аннары кече спартакиада үткәрелде.

11-12 нче июнь көннәрендә район үзәгендә һәм авылларда Сабантуйлары гөрләп үтте. Бәйгеләрдә безнең мәктәп укучылары да актив катнашты, призлы урыннар алучылар да булды. 11 нче июнь көнне авыл Сабантуена килгән халык безнең биючеләребез чыгышын карап хозурланды. Аларның җитәкчеләре Фазылҗанов Илназ Рәисовичка зур рәхмәтебезне җиткерәбез!

Җәйге ял дәвам итә, көннәр сизелмичә дә үтеп тора. Бүген лагерьның тугызынчы көне, димәк яртысы үтеп китте дигән сүз. Бүген без инглиз телен иң яхшы белүчене ачыклау буенча конкурста катнаштык, аннары "Озын толым" конкурсы булды. Нәтиҗәләр белән танышыгыз: инглиз телен иң яхшы белүчеләр: Фатыйхова Нәзилә, Нуриева Ләйсәния, Закарова Ильнара, Гыйлемшина Ландыш, Зиатдинов Ильмир, Нәҗипова Гөлгенә, Дәүлиев Әлфис. Ә иң озын чәчле кыз - 4 нче сыйныфтан Зайнуллина Динә. Иң матур прическа Нуриева Ләйсәниядә булып чыкты. Молодцы!

Бүген безнең мәктәпнең 8 нче сыйныфын 50 ел элек тәмамлаган укучылары очрашу үткәрде. Инде өлкәнәеп килә торган абый-апалар хәтирәләрен яңарттылар, яшьлек елларын искә алдылар.