22 нче октябрь көнне сәләтле балалар мәктәбендә Р.Л. Стивенсонның "Остров сокровищ" әсәре буенча әзерләнгән квест булып узды. Мәктәбебездән 5 нче сыйныф укучылары Мингазова Алзира, Мубараков Илнур һәм китапханәче Махмутова Гөлнур Мияссаровна катнаштылар. Әлеге чара укучыларны китап укуга тарту һәм әдәби әсәрләргә карата кызыксыну уяту максатыннан әзерләнгән.

21 октябрь көнне мәктәбебезнең башлангыч сыйныф укучыларына авыл китапханәчесе Зайнуллина Айгөл мәдәни көндәлек тапшырды. Көндәлек балаларга Республикабызның тарихи урыннарына, төрле мәдәни чараларга юл күрсәтә һәм рухи байлыкларыбыз белән якыннанрак танышырга ярдәм итә.

15 октябрь-Хәтер көне уңаеннан тарих укытучысы Хабирзянова Р.И.,  татар теле һәм әдәбияты укытучысы Зәйнәгыева З.Ф  әлеге тарихи датага багышланган чаралар уздырды.

Бүген мәктәбебездә ГИБДД хезмәткәре Закиров Динар Рамилевич белән очрашу булды.  Укучылар белән юл йөрү кагыйдәләре буенча викторина үткәреп, укучыларның белемнәре тирәнәйтелде, статистик мәгълүмат белән таныштырылды. Юлларда игътибарлы булырга, юл кагыйдәләренә буйсынырга кирәклеге аңлатылды. 

"Иң яхшы бакча" муниципаль конкурсының "Иң күп уңыш алучы мәктәп" номинациясендә безнең мәктәп 2 урынга лаек булды.

Татар теле һәм әдәбияты укытучысы Зәйнәгыева Зөлфия Фоатовна укучыларга белем һәм тәрбия бирүдә купьеллык хезмәтләре өчен РФ Мәгариф һәм фән министрлыгының Мактау Грамотасы белән бүләкләнде.

Бүген Саба мәданият йортында "Гаилә һәм мәктәп" журналы оештырган "Күркәм гаилә" бәйгесе уздырылды. Бу бәйгедә безнең мәктәптән Амировлар гаиләсе чыгыш ясады. Эчтәлекле, матур чыгышлары белән тамашачы һәм жюри игътибарын яулый алдылар.  Аларны 1 урын алулары белән котлыйбыз һәм гаилә иминлеге телибез.