Бүген "Акчарлак" балалар бакчасында  "Әтием-горурлыгым" дип исемләнгән бәйрәм иртәсе булып узды. Балалар әтиләренә багышлап  шигырьләр сөйләделәр, җырлар җырладылар.

Хөрмәтле әтиләр! Сезне чын күңелебездән бәйрәмегез белән тәбрик итәбез. Һәрвакытта балаларыгызга үрнәк булып, кирәк вакытта файдалы киңәшләрегезне биреп, гомер буена таяныч булып яшәгез.

Бабай да солдат булган,

Әти дә солдат булган.

Зур абый да солдат булып,

Ил чикләрендә торган.

Кече абый солдат булып

Китте быел яз гына.

Мин үзем дә солдат булам,

Үсим әле аз гына.

-Хәрәкәттә-бәрәкәт,

Тәнгә керә көч һәм дәрт.

Тәнгә-сихөт, җанга -рәхәт,

Хәрәкәткә мең рәхмәт!

Россия күләмендә үтүче "Сәламәт гаиләдә-сәламәт бала" акциясе кысаларында, бакчабызга кунакка авылыбызның фельдшеры Яхина Ләйсән апабызны чакырдык. Ул балаларга яшелчә һәм җиләк-җимешләрнең витаминнарга бай, сәламәтлеккә бик файдалы булуын аңлатты.Шулай ук балалар белән шәхси гигиена, чыныгу, дөрес туклану хакында әңгәмә алып барды. Үсәсен килсә тизрәк,

"А" витамины кирәк.

Бар ул сөттә, кишердә,

Аша шуны, үстер дә.

Нык булсын дисәң йөрәк,

"В" витамины кирәк.

Бигрәк күп ул балыкта,

Сыр да ярый азыкка.

Чирлим дисәң бик сирәк,

"С" витамины кирәк.

Аша шуңа суганны,

Лимонны, карлыганны.

Шатлыклар күңелебездә,

Ал кояш күгебездә.

Килгәннәр дуслар кунакка,

Ярышлар бүген бездә.

Килгәннәр безгә кунаклар,

Тезелдек үзебез дә.

Көрәшик тә, узышыйк та-

Ярышлар бүген бездә!