Бүген бакчабызда иң истәлекле көннәрнең берсе-чыгарылыш кичәсе. Бүген бакчабызда тәрбияләнгән 5 кызыбыз һәм 1 малаебызны мәктәпкә озатабыз. Бәйрәм иртәсенә балаларыбыз бик тырышып әзерләнделәр.Матур итеп биеделәр, җырладылар, шигырьләрен сөйләделәр. Бәйрәм соңында балалар тәрбияче апаларына матур чәчәк бәйләмнәре бүләк иттеләр. Ә балаларга район мәгариф идарәсе ярдәмендә әзерләнгән бүләк "портфель"ләр тапшырылды. Бәйрәм иртәсе "Хуш, балачагым!" дип исемләнгән җыр белән тәмамланды. Кадерле балаларыбызга сәламәтлек, бәхет, шатлыклар телибез. Тырышып укырга, әти-әниләренең акыллы, тәртипле уллары, кызлары булып калуларын телибез. Хәерле юл сезгә балалар!

Бүген 17 май көнне Иштуган балалар бакчасында "Талант дөньясында-2014" бәйгесенең I зональный этабы үтте. Бу бәйгедә Явлаштау, Мишәбаш, Иштуган һәм Шекеше бакчасында тәрбияләнүче балалар катнашты. Бәйгедә катнашып безнең балаларыбыз I, II, III урыннарны яуладылар. Бәйгедә катнашучыларга дипломнар һәм кечкенә генә бүләкләр бирелде.

Бүген 12 июнь-Бөтендөнья экологик белем көненә карата "Бердәм экологик дәрес" дип аталган Республика күләм акциясе кысаларында зурлар һәм уртанчылар төркемендә "Чишмә безнең яшәү чыганагы" дигән темага эшчәнлек үткәрелде.Эшчәнлек барышында балаларның чишмә, елга, күлләр турында белемнәре баетылды. Балаларда чишмәләргә карата сакчыл караш тәрбияләү максат итеп куелды.Эшчәнлек тәмамланганнан соң, без балалар белән чишмәгә сәяхәткә чыктык. Чишмә тирәсендәге табигатьнең матурлыгына, кошлар сайравына, чишмә челтерәвенә хозурландык.