Бүген мәктәбебезнең 9 һәм 11 нче сыйныфлары өчен соңгы кыңгырау чыңлады. 

Кадерле чыгарылыш сыйныф укучылары! Мәктәптә үткән балачагыгызның бүтән беркайчан да кире кайтмавын уйлагач, ямансу булып китә.Тормышта һәр нәрсәнең үз вакыты була. Сезнең дә язмышыгызда зур борылышлар чоры җитте. Яшьлекнең чын-чынлап башланган иң матур чагы да әле ул. Шуның кадерен белегез һәм алда көткән зур тормышны матур итеп башларга тырышыгыз! Канатлы теләкләрегез сезне һәрчак алга әйдәп торсын, тагын да кыюрак атларга чакырсын! Хәерле юл сезгә, укучылар!

Туган телләр һәм халыклар берләмлеге елы уңаеннан, мәктәбебездә "Телләр бердәмлеге" дип исемләнгән әдәби КВН булып узды. Анда укучылар, ике командага бүленеп, рус һәм татар телләрен ни дәрәҗәдә камил белүләрен күрсәттеләр.

Музейлар көне уңаеннан,татарның данлыклы язучысы Мөхәммәт Мәһдиевнең әтисе Сөнгатулла абыйның Сатыш мәдрәсәсендә укыганда кулланган кара савыты белән каләмен Сатыш мәдрәсә музеена тапшыру тантанасы булды.Республика һәм район җитәкчелеге тарафыннан чын мәгьнәсендә күркәм, Россиядә һәм Татарстанда бердәнбер мәдрәсәләр тарихына багышланган музей ачылгач,әлеге тарихи ядкарьләр үз урынына лаеклы дип табып,мәктәп шул уңайдан тапшырырга уйлады.Васыять үтәлде!Сөнгатулла һәм Мөхәмәт Мәһдиевлар,Шамил Зиннуров,Тәлгать Нәҗмиевларның рухы шат булсын!

Мәктәбебез укучылары ООО "Саба" җәмгыяте территориясен җыештыру максатыннан үткәрелгән өмәдә катнашты.

Бүген 5нче сыйныфларда "Халыклар дуслыгы - Татарстан байлыгы" исеме астында әдәби викторина үтте. 

Бөек Җиңү көне мөбарәк булсын!

Кадерле Бөек Ватан сугышы ветераннары! Тыл хезмәткәрләре! Сугыш елы балалары! Хөрмәтле авылдашлар!
Илебез Бөек Җиңүнең 76 еллыгын бәйрәм итә.Җиңү көне безгә миллионнарның каны һәм җаны бәрабәренә яулануы белән бөек, изге һәм кадерле. Сугыш тәмамланганга 76 ел үтсә дә, хәтер яши, хәтер мәңгелек. Ватан өчен дәһшәтле көрәштә кан койган ветераннарның яралары да гомерлек. Тән яралары төзәлсә дә, җан яраларының сыкрауларын, газиз ирләрен яу кырында югалткан толларның йөрәкләре сулкылдауларын, ә сугыш елы балаларының әрнү-сагышларын оныта торган түгел…
Без, сугыштан соң туган буыннар, бүген Сезнең алда баш иеп, тиңдәшсез батырлыгыгызга, рухыгызның ныклыгына сокланабыз. Бүген дә сафта булуыгыз белән горурланабыз. Бай тормыш тәҗрибәгез, зирәк киңәшләрегез белән яшь буында туган җиргә мәхәббәт, Ватанга хөрмәт тәрбиялисез. Барысы өчен дә зур рәхмәт Сезгә!

Экологик айлык кысаларында бу атнада 5нче сыйныф укучылары, Сатыш авылы һәйкәленә барып, аның тирә-ягын чүптән арындырдылар, чәчәкләр утырттылар.

Бүген мәктәбебезнең 5нче,10нчы сыйныфларында туган телләр һәм халыклар бердәмлеге елына багышланган китапханә сәгате үтте.

Бүген мәктәбебезнең 5 нче сыйныф укучылары өчен, Экология айлыгы кысаларында, "Экологик калейдоскоп" викторинасы үткәрелде.

Ш.З.Зиннуров исемендәге Сатыш урта мәктәбендә сөекле шагыйребез Г.Тукайның туган көне уңаеннан кичә узды.Анда Тукай премиясенә лаек булган якташларыбыз, Г.Тукай белән бәйле истәлекләр, аның турында кызыклы фактлар яктыртылды.
  Г.Тукай шигырьләре татар,рус,инглиз,француз телләрендә яңгыравы бәйрәмгә ямь өстәде.
Кичә "Туган тел" җырын күмәк башкару белән тәмамланды.
  Тукай  "Бәхетле бала" шигырендә болай дип язган:
Бәхетле шул баладыр, кайсы дәресенә күңел бирсә,
Мөгаллимне олугь күрсә,белергә кушканын белсә.
Сабакка калмаса соңга,борылмый барса уң- сулга,
Уенга салмаса ихлас- менә бәхте аның шунда.
Кечеләргә итеп шәфкать,үзеннән зурга юл бирсә,
Бәхетсезләрне кимсетми, егылганнарга кул бирсә!
Барыгызның да бәхетле булуын  телибез!