Бөек Җиңү көне мөбарәк булсын!

Кадерле Бөек Ватан сугышы ветераннары! Тыл хезмәткәрләре! Сугыш елы балалары! Хөрмәтле авылдашлар!
Илебез Бөек Җиңүнең 76 еллыгын бәйрәм итә.Җиңү көне безгә миллионнарның каны һәм җаны бәрабәренә яулануы белән бөек, изге һәм кадерле. Сугыш тәмамланганга 76 ел үтсә дә, хәтер яши, хәтер мәңгелек. Ватан өчен дәһшәтле көрәштә кан койган ветераннарның яралары да гомерлек. Тән яралары төзәлсә дә, җан яраларының сыкрауларын, газиз ирләрен яу кырында югалткан толларның йөрәкләре сулкылдауларын, ә сугыш елы балаларының әрнү-сагышларын оныта торган түгел…
Без, сугыштан соң туган буыннар, бүген Сезнең алда баш иеп, тиңдәшсез батырлыгыгызга, рухыгызның ныклыгына сокланабыз. Бүген дә сафта булуыгыз белән горурланабыз. Бай тормыш тәҗрибәгез, зирәк киңәшләрегез белән яшь буында туган җиргә мәхәббәт, Ватанга хөрмәт тәрбиялисез. Барысы өчен дә зур рәхмәт Сезгә!

Экологик айлык кысаларында бу атнада 5нче сыйныф укучылары, Сатыш авылы һәйкәленә барып, аның тирә-ягын чүптән арындырдылар, чәчәкләр утырттылар.

Бүген мәктәбебезнең 5нче,10нчы сыйныфларында туган телләр һәм халыклар бердәмлеге елына багышланган китапханә сәгате үтте.

Бүген мәктәбебезнең 5 нче сыйныф укучылары өчен, Экология айлыгы кысаларында, "Экологик калейдоскоп" викторинасы үткәрелде.

Ш.З.Зиннуров исемендәге Сатыш урта мәктәбендә сөекле шагыйребез Г.Тукайның туган көне уңаеннан кичә узды.Анда Тукай премиясенә лаек булган якташларыбыз, Г.Тукай белән бәйле истәлекләр, аның турында кызыклы фактлар яктыртылды.
  Г.Тукай шигырьләре татар,рус,инглиз,француз телләрендә яңгыравы бәйрәмгә ямь өстәде.
Кичә "Туган тел" җырын күмәк башкару белән тәмамланды.
  Тукай  "Бәхетле бала" шигырендә болай дип язган:
Бәхетле шул баладыр, кайсы дәресенә күңел бирсә,
Мөгаллимне олугь күрсә,белергә кушканын белсә.
Сабакка калмаса соңга,борылмый барса уң- сулга,
Уенга салмаса ихлас- менә бәхте аның шунда.
Кечеләргә итеп шәфкать,үзеннән зурга юл бирсә,
Бәхетсезләрне кимсетми, егылганнарга кул бирсә!
Барыгызның да бәхетле булуын  телибез!

Ш.З.Зиннуров исемендәге Сатыш урта мәктәбендә татар халкының бөек шагыйре Г.Тукайның тууына 135 ел тулу уңаеннан башлангыч сыйныфлар "Тукай безнең күңелләрдә"исеме астында уен-викторина  уздырдылар. Викторинада "Шүрәле" һәм "Апуш" командалары көч сынашты. Кичә, Габдулла Тукайның шигырьләрен сөйләп, матур итеп үрелеп алып барылды.  Нәтиҗәдә "Апуш" командасы җиңү яулады. Укытучы апалары бәйрәмдә катнашкан барлык укучыларны да котлап үтте. Бик матур оештырдылар, афәрин!

В рамках конкурса "Эковесна", 24 апреля 2021 года  прошел Всероссийский субботник. В субботнике приняли участие все обучающиеся, учителя и технические работники МБОУ "Сатышевская СОШ им. Ш.З.Зиннурова". 

МБГБУ "Ш.З.Зиннуров исемендәге Сатыш урта гомумбелем бирү мәктәбе"ндә мәктәп китапханәчеләренең район семинары узды. Семинарда катнашучылар язучы Гөлсинә Галимуллина белән очраштылар, "Буын батл" уенын карадылар, мәктәп һәм аның китапханәсе эшчәнлеге белән таныштылар, Ш.З.Зиннуров музей-бүлмәсендә булдылар. Ахырдан методист Шакирова Г.Р. китапханәчеләр алдында торган бурычлар турында чыгыш ясады, юбилярлар хөрмәтләнде. Семинар Татарстанда һәм Россиядә бердәнбер мәдрәсә музеена экскурсия белән дә истә калачак.

"Туган телләр" елы кысаларында, бу атнада мәктәбебездә Габдулла Тукай әсәрләренә нигезләнгән рәсемнәр выставкасы оештырылды.

Бүген мәктәбебездә апрель башында старт алган "Тел белгечләре" конкурсына йомгак ясалып нәтиҗәләр чыгарылды.