Бүген гражданлык-патриотик тәрбия бирү айлыгы кысаларында ике рота арасында автомат сүтеп-җыю ярышы булды. Һәр командадан икешәр укучы көч сынашты. Иң тиз сүтеп-җыючылар I рота егет-кызлары булды. Әлеге ярышта җиңү, I ротага елмайды.

Балалар коллективын оештыручы Зайнетдинова Г.Р. 5-6 нчы сыйныф укучылары белән берлектә "Яшь антифашист геройларын искә алу көне"н билгеләп үтте. Укучыларга герой пионерларның, комсомолларның тормышы, аларның герой батырлыкларын сүрәтләгән видеофильм күрсәтте. Әлеге чара укучыларга патриотик тәрбия бирү  юнәлешендә уңышлы булды.   

Бүген укучыларның көтеп алган  бәйрәме - "Изге Вәли " көне. Шул уңайдан, 9 нчы сыйныф укучылары  инглиз теле укытучысы Шарифуллина Р.Р. белән берлектә "Happy Valentin's Day " дигән газета чыгардылар һәм "Изге теләкләр почтасы"ннан котлау открыткалары алынып ияләренә тапшырылды. Көне буе тәнәфесләрдә матур җырлар яңгырады.

12 нче февраль көнне мәктәбебездә өстәмә белем бирү педагогларының "Күпкырлы шәхес формалаштыруда сыйныфтан тыш эшчәнлекнең әһәмияте" район семинары булып үтте. Семинарда  районның "Хореография", "Оста куллар" түгәрәге җитәкчеләре катнашты. Түгәрәк җитәкчеләре Аухадиева Н.А. һәм Марданов А.М. мастер -  класслар үткәрде,  "Хореография" түгәрәгенә йөрүче укучылар көче белән  "Аулак өй"   кичә-тамаша күрсәтелде. Семинар барышында  тәҗрибә уртаклашу, алда торган бурыч -проблемалар хәл ителде.

Бүген мәктәбебездә Б.Л.Пастернакның тууына 125 еллык юбилее уңаеннан "Мәңге яшь син, безнең Б.Л.Пастернак" дигән искә алу кичәсе үткәрелде. Җитәкчесе: рус теле һәм әдәбияты укытучысы Д.Г.Гыйльметдинова.

Бүген гомуми линейкада китапханәче Гильманова А.Н. укучыларны матур әдәбияткә тарту максатыннан, китапханәдә булган сугыш темасына язылган китаплар белән таныштырды һәм "Иң күп китап  укучы"  конкурсы игълан итте. Әлеге конкурска  нәтиҗә ай ахырында ясалачак. Конкурста барыбыз да актив катнашыйк! 

8 нче сыйныф укучысы Мирзагитов Расил һәм 11 нче сыйныф укучысы Сабиров Рамил технология фәненнән Республика олимпиадасында катнашып призлы урын яулап кайттылар.Укытучылары Марданов А.М. һәм укучыларыбызга чиксез рәхмәтебезне җиткерәбез!

7 февраль көнне "Россия чаңгы юллары -2015" массакүләм чара уңаеннан мәктәбебез укытучылары һәм укучылары әлеге чарада актив катнаштылар.Барлык катнашучыларга да сәламәтлек һәм зур уңышлар телибез.

Ш.З.Зиннуров исемендәге Сатыш урта гомуми белем  бирү мәктәбенең 7 сыйныф укучысы Гыйлметдинов Фагыйль үзе иҗат иткән шигырь белән  “Ак каләм” унынчы Бөтенроссия иҗат бәйгесендә катнашып 3 урынга лаек булды. Әфәрин, Фагыйль! Җитәкчесе: Д.Г.Гыйлметдинова.

Бүген мәктәбебездә “Алар даны мәңгелек” дип исемләнгән акция барышында китапханәче Гильманова А.Н. оештырган  “Ветераннарга багышланган видеофильм” каралды. Анда укучылар Сатыш авылыннан сугышка киткән тыл ветераннары турында бик күп мәгълүмат тыңладылар, аларны сакларга кирәклеге тагын бер кат ачыкланды.