Мәктәбебездә 4 нче сыйныф укучылары ФГОС кысаларында  укучыларның белем сыйфаты  бәяләүнең тагын бер эше  - “Проект эшчәнлеге” этабын  уңышлы башкарып чыктылар. Сыйныф ике группага бүленеп проект эше эшләделәр.  Һәр группа үз эшен оста һәм төгәл итеп яклый алды. Комиссия  укучыларның  хезмәтләрен уңай бәяләде, сыйныфның мөстәкыйль  һәм  күмәк, тату эшләвен  билгеләп үтте.

14 нче апрель көнне мәктәбебездә китапханәчеләрнең  "Көт мине һәм мин кайтырмын..."(Бөек Җиңүнең 70 еллыгы багышлана) дип исемләнгән  район семинары булып узды. Семинар “Батырлар мәңге онытылмас” әдәби-музыкаль композиция, “Таныйк әле” дип исемләнгән уен-викториналар белән бәйләнеп барды. Китапханәче Гильманова А.Н. мәктәп китапханәсе турында бик яхшы итеп сөйләде һәм экскурсия оештырды . “Безнең эзләребез тарихка кереп калсын әле” дип исемләнгән шигырьләр кичәсендә барлык китапханәче үзләренең иң яраткан әсәрләрен башкардылар. Семинар бик тә үзенчәлекле һәм эчтәлеге белән бай булды. Семинарга килгән китапханәчеләр күтәренке кәеф белән, зур рәхмәтләр әйтеп таралдылар. 

Бөек Җиңүнең 70 еллыгын каршылап классларда планлы эшләр башкарыла.5 нче сыйныф укучылары ветеран укытучы Фатхрахманова Әлфия апа янында булып кайттылар.Алар тыл ветераннары турында бай материал туплап кайттылар.

Космонавтика көне уңаеннан бүген физика фәне укытучысы Рахимов Р.М. "Беренче космонавтлар" дип исемләнгән кичә үткәрде.Кичә барышында укучылар үзләренең белем күнекмәләрен ныгыттылар.

Бүген  мәктәп китапханәсендә Космонавтика көненә багышланган күргәзмә оештырылды. Китапханәче Гильманова А.Н. укучыларга Космонавтика тарихы һәм беренче космонавтлар Юрий Гагарин, Валентина Терешкова турында бик күп мәгълүмат бирде.

x/x Республика "Яшь программист" конкурсының муниципаль этабында информатика фәне укытучысы Рахимов Р.М. җитәкчелегендә 11сыйныф укучысы Гильманов Ильнур катнашып район күләмендә беренче урын яулады. Афәрин, булдырдыгыз!

Ш.З.Зиннуров исемендәге Сатыш урта гомуми белем бирү мәктәбенең 5 сыйныф укучысы Марданов Зульфат үзе иҗат иткән рәсеме белән  “На страже Отечества”  дип исемләнгән Республика күләм конкурсында  катнашып Сертификатка  ия булды. Афәрин, Зульфат!  Җитәкчесе: Гильманова А.Н. 

Бүген хореография түгәрәге җитәкчесе Аухадиева Н.А. 1-7 сыйныф укучылары белән "ГТО значогына бер адым" темасы астында флешмоб үткәрде. Әлеге чараның максаты укучыларда сәламәт яшәү рәвеше формалаштыру иде. Укучылар әлеге чарада актив катнаштылар.