Район күләмендә оештырылган каен һәм нарат бөресе җыйнау өмәсендә5-11нче сыйныф укучылары актив катнаштылар.Рәхмәт сезгә, укучылар!

Укучыларның язгы каникуллары башланып китте. Алар айлык план нигезендә түгәрәкләргә, консультацияләргә килделәр. Хореография түгәрәгенә йөрүче укучыларыбыз   "Сәләтле балачак-өметле киләчәк" фестиваль -конкурска әзерлекләрен дәвам иттеләр. Түгәрәк эшчәнлеге тәмамланганнан соң җитәкчеләре Аухадиева Н.А. белән берлектә Лесхоз бистәсендәге "Нарат" боз сараена  ял итәргә киттеләр. 

Бүген Сатыш авыл мәдәният йортында «Хуш киләсең, Нәүрүз!” дип исемләнгән бәйрәм булып узды. Бу бәйрәмдә 5 нче сыйныф укучылары чыгыш ясады. Кичә барышында укучылар бәйрәмнең тарихын искә төшерделәр, яз килүгә хайваннар, кошлар, чәчәкләр үзләренең рәхмәтләрен җиткерделәр. Кичә  төрле уеннар,   биюләр , яз бәйрәменә карата матур  җырлар  белән үрелеп барды. Кичәнең икенче өлешендә Нәүрүз боткасы  белән чәй эчү оештырылды.

"Балалар китабы" атналыгы нигезендә оештырылган конкурсларның берсе иллюстрацияләр ясау конкурсы иде. Анда югары сыйныфтан укучылар катнашты һәм бик күп төрле матур рәсемнәр ясалган иде. Барлык эшләр дә район конкурсына җибәрелде. 

"Балалар китабы" атналыгы нигезендә безнең мәктәптә төрле-төрле конкурслар игълан ителгән иде. Шул конкурсларның берсе "Бәләкәч китапчыклар ясау" булды. Бу конкурста башлангыч сыйныфында укучы балалар бик теләп катнаштылар һәм аларның эшләре югары бәяләнде.

Бүген "Балалар китабы" атналыгы нигезендә мәктәп китапханәсендә "Юбиляр китаплар" һәм "Юбиляр әсәрләр" дигән темага китап күргәзмәләре оештырылды. Китапханәче Гильманова А.Н. юбиляр китаплар турында һәм аларны иҗат иткән язучылар турында бик күп мәгълүмат җиткерде. 

Бүген мәктәбебездә "Балалар китабы" атналыгы нигезендә китапханәче Гильманова А.Н. җитәкчелегендә "Китапка икенче тормыш бүләк ит" дип исемләнгән чара уздырылды. Китапларны төзекләндерү, аларга кыстыргычлар ясау - төп максат итеп куелган иде.  Балалар бу чарада бик актив катнаштылар, һәм төзекләндерелгән китаплар аерым журналга теркәлеп куелдылар. Чарада катнашканыгыз өчен барыгызгы да бик зур рәхмәт! 

Бүген мәктәп балалар думасының уку комитеты членнары китапханәче Гильманова А.Н. белән берлектә «Чиста китап” операциясы оештырдылар. Алар укучыларның рассписание нигезендә китап-дәфтәрләр йөртүләрен, аларның чисталыгын, тышланышын тикшерделәр. Кисәтүләр булмады.Шулай дәвам итик, укучылар! 

Безнең мәктәбебездә 16 нчы марттан 30 мартка кадәр "Балалар китабы" дигән атналык башланып китте.  Бу атналыкта төрле-төрле конкурслар һәм чаралар уздырылачак. Башлангыч сыйныфлары өчен кечкенә китапчыклар ясау конкурсы, 5 нче сыйныфтан алып 9 нче сыйныфка кадәр укучыларга - рәсем конкурслары оештырылачак. Барыгызны да актив катнашырга чакырып калабыз!

Бүген 5 сыйныфның  "Зәңгәр күл" варислары белән "Тел - күңел көзгесе " дигән темага отряд сборы үткәрелде.Җыенда варислар төрле уеннар уйнадылар һәм яңа уеннар өйрәнделәр. Туган телебез турында алган белемнәрен ныгыттылар. "Зәңгәр күл" отрядында  җыен бик җанлы узды.