Муниципальное бюджетное дошкольное образовательное учреждение «Сабинский детский сад общеразвивающего вида № 6 «Балачак» п.г.т. Богатые Сабы Сабинского муниципального района Республики Татарстан»
Визитная карточка
Адрес: | 422060, Республика Татарстан, Сабинский район, пгт. Богатые Сабы, ул. Вахитова, д. 24 |
Телефон: | 8(84362)2-23-20 |
E-Mail: | Dsadbalachak.San2tatar.ru, dsad6-balachak@yandex.ru |
Министерство: | Министерство образования и науки Республики Татарстан |
Короткое название: | МБДОУ Сабинский детский сад №6 "Балачак" |
Руководитель: | Халитова Флюзия Рафаиловна |
Год основания учреждения: | 2015 |
У нас учатся: | 116 |
У нас учат: | 15 |
Муниципальное бюджетное дошкольное образовательное учреждение «Сабинский детский сад общеразвивающего вида № 6 «Балачак» п.г.т. Богатые Сабы Сабинского муниципального района Республики Татарстан» - новости
Страницы: << 121 122 123 124 125 126 ( 127 ) 128 129 130 >>
-
10.02.2016
Бүген, беренче кечкенәләр төркеме балалары тәрбияче апалары Валиева Гүзәл Марселевна белән сөйләм телен үстерү эшчәнлегендә гигиена күнекмәләрен кабатладылар. Шөгыльнең максаты: үз фикерләрен грамматик яктан дөрес итеп ике-өч сүздән орган гади җөмләләр белән белдерергә өйрәтү; тәрбияче сорауларына гади җөмлә белән тулы җавап бирү осталыгын, игътибарны, сенсор тою сәләтен үстерү, гигиена күнекмәләре тәрбияләү.
-
09.02.2016
Беренче кечкенәләр төркеме балалары бүген танып белү эшчәнлегендә бездә кышлаучы кошлар турында сөйләштеләр. Тәрбиячеләре Хуснуллина Миләүшә Адгамовна кошларга җимлек ясап алып килеп, балаларга бик җентекләп аңлатып, кышлаучы кошларга без-кешеләр ярдәм итә алуыбызны күрсәтте һәм алдагы көндә тагын җимлекләр ясап агачка эләчәкләрен әйтте. "Күгәрченнәр, чыпчыклар - безнең нәни кошчыклар" темасының максаты: җимлеккә килгән кошларны күзәтү, исемнәрен әйтү, балаларның игътибарын, күзәтүчәнлеген, сорауларга җавап бирү осталыгын үстерү. Кошлар турында кайгырту, аларга ярдәм итү теләге тәрбияләү.
-
09.02.2016
Бакчабызда бу атна шагыйребез Муса Җәлил иҗатына багышлана. Эшчәнлекләр, йомгаклау чарасына әзерләнү белән беррәттән тәрбиячеләр һәм белгечләр төркемнәрдә әти-әниләр җыелышлары да үткәрәләр. Төркем җыелышларын үзенчәлекле итеп, һәр тәрбияче үз балалары белән ачык шөгыльләр күрсәтәләр. Мәсәлән, иң кечкенәләр төркеме тәрбиячеләре Шагиева Ләйлә Р. һәм Исламова Раилә Р. шөгыльләрне, төрле режим вакытларны видеога төшереп бардылар һәм кичә әти-әниләр игътибарына да тәкъдим иттеләр. Бүген, төркем эшчәнлеге белән беренче кечкенәләр төркеме тәрбиячеләре Хуснуллина Миләүшә А., Валиева Гүзәл М. таныштырдылар. Видео шөгыльләрне карау белән беррәттән тәрбиячеләр мәктәпкәчә белем бирүдә ФДБС темасына чыгышлар әзерләделәр.
-
08.02.2016
Икенче кечкенәләр төркеме балалары танып белү эшчәнлегендә, уенчык эт белән таныштылар. Тәрбияче Исламова Раилә Раилевна балаларга этнең гәүдә өлешләре, ничек өрүе белән таныштырды. Шулай ук, балалар кунак эт алып килгән шалтыравыкларны тотып биеп күңел ачтылар.
-
Мастер - класс 05.02.2016
Бугенге методик сәгать кысаларында, тәричеләр кисеп ябыштыру методикасын кабатладылар. Тәрбияче Гиззатуллина Айсинә Айратовна кисеп ябыштыруның төрләре, балаларга өйрәтү методикасы белән таныштыргач, тәрбиячеләр бик теләп үз иҗатларына тотындылар; алар барысы да кызарып пешкән алма ясадылар.
Кисеп ябыштыруның максатлары күпкырлы: кисеп ябыштыру сәнгатенә тарту, бу эшчәнлеккә кызыксыну уяту, тәрбияче тарафыннан хәзерләнгән төрле формадагы, зурлыктагы һәм төрле төстәге кисәкләрне кәгазьгә алдан таратып салырга һәм, билгеле бер тәртиптә тезеп, бала уйлаган яки тәрбияче тәгъдим иткән предметны төзергә, килеп чыккан сурәтне кәгазьгә ябыштырырга өйрәтү. Җилем белән пөхтә эш итәргә өйрәтү: пумала белән ябыштыра торган фигураның арткы ягына юка гына итеп сылап, җилемле ягы белән кәгазь битенә салырга һәм салфетка белән нык итеп кысарга. Шулай ук, балаларда үзләре тудырган сурәттән шатлык хисләре уяту. Пөхтә эш күнекмәләре формалаштыру. Балаларны төрле формадагы кәгазьләрдә (квадрат) геометрик фигураларны һәм табигый материалларны форма һәм төсләре буенча чиратлаштырып, предметлы гына түгел, ә декоратив композицияләрдә төзәргә өйрәтү һәм ритм хисен үстерү тора.
-
05.02.2016
"Россия - зур дәүләт" атналыгын йомгаклап, бүген икенче кечкенәләр һәм зурлар төркеме балалары белән музыка җитәкесе Мәдинә Шәүкатовна, рус телчесе Гүзәл Тагировна, тәрбияче Айгөл Гыйлфановна бәйрәм кичәсе үткәрделәр. Әлеге чара Россия гимны белән башланып китте. Балалар атна дәвамында өйрәнгәннәрен шигырь, җырлар белән бәйрәмне бизәделәр. Чара барышында шулай ук, презентация ярдәмендә илебез символлары, анда яшәүче халык, аларның традицияләре кабат әйтелде. Мәдинә Шәүкатовна зурлар төркеме балалары белән махсус өйрәнгән рус милли көйләрне уен коралалларында уйнап күрсәттеләр, Айгөл Маратовна татар милли уеннар уйнатты, Гузәл Тагировна викторина ярдәмендә балаларның игътибарын һәм белемнәрен сынады. Бәйрәм чарасы Татарстаныбыз гимны белән тәмамланды, ә иң актив балалар "Иң актив катнашучы" медальоны белән тәбрикләнде.
-
04.02.2016
Бакчабызда методик сәгатьләр эшчәнлеге дәвам итә. Бүген, Хуснуллина Миләүшә Адгамовна тәрбиячеләргә әвәләү методикасы белән таныштырып, мастер-класс үткәрде. Балаларга күпкырлы тәрбия һәм үсеш бирүдә әвәләү шөгыленең дә урыны зур. Балаларның баш миен, псхикасын өйрәнүче галимнәр кул һәм бармак хәрәкәтләренең зур стимуллаштыру әһмиятенә ия булуын билгелиләр. Балаларның сөйләм үсеше һәм акыл эшчәнлеге турыдан-туры бармакларның нәфис, нечкә хәрәкәтләре формалашу дәрәҗәсенә бәйле. Бармаклар авыр хәрәкәтләнсә сөйләм үсеше дә тоткарлана. Шуңа күрә дә, әвәләү эшчәнлегенең методикасын белеп эшләү бик мөхим.
-
Россия - зур дәүләт! 04.02.2016
Россия - безнең зур дәүләтебез! Аның табигате, кешеләре, яшәеше барыбыз өчен дә бик якын. Үз илен, туган җирен яратып яшәгән кеше генә чын патриот һәм күп кырлы шәхес булып формалаша аладыр. Без - тәрбиячеләр алдында балаларга туган якка һәм илебезгә мәхәббәт тәрбияләү бурычы тора. Бу атна темасы да Россия дәүләте турында сөйләүгә багышлана. Балалар бердәм эшчәнлекләрдә әлеге темага карата рәсемнәр дә ясыйлар, әңгәмәләр үткәрелә, иртәгә йомгаклау чарасы булып "Россия - зур дәүләт!" дип исемләнгән бәйрәм кичәсе үткәрелер дип көтелә.
-
03.02.2016
Сәнгать эшчәнлеге мәктәпкәчә балалар өчен эшчәнлекнең иң кызыклы бер төре булып тора. Рәсем аша бала узенең әйләнә-тирәгә карашын һәм мөнәсәбәтен әйтә бирә ала һәм рәсем ясау яшәеш башында күрү сәләтен арттыра. Бала «вертикаль» һәм «горизонталь» төшенчәләрен өйрәнә. Аннан соң форманы, материалның ниндилеген, акырынлап әйләнә-тирәне өйрәнә башлый. Өйрәнгәнен, белгәнен сүз белән әйтә алмаганны бала рәсем аша «әйтеп бирә». Рәсем ясау күрү сәләтен, хәрәкәтләнүне генә арттырып кына калмыйча дөнья турындагы күзаллауларын арттыра.
Бер акыл иясе: «Бала ул тутыру өчен савыт кына түгел, ә кабызып җибәрү өчен ут та» – дигән. Һәм баланың күпмедер пычрануы куркыныч түгел, аның үзенең эшеннән канәгать калуы мөһим. Гадәти булмаган алымнар куллану балаларның логик фикерләвен, фантазиясен, күзәтчәнлеген, игтътибарын һәм үз-үзенә ышанычын арттыра. Барлык язылган фикерләрдән чыгып, бүген, тәрбияче Валиева Гүзәл Марселевна рәсем эшчәнлеге буенча мастер-класс күрсәтте. Ул рәсем ясау методикасының һәр өлешенә тукталып, балаларга нәрсәдән эшне башларга, ничек өйрәтергә кирәклеген аңлатты. Әлбәттә, тәрбиячеләр процесста бик теләп катнашытлар һәм яратып иҗатка "чумдылар".
-
02.02.2016
Бүген, тәрбияче Багавиева Гөлия Ринатовна конструкцияләүдә лего уеннарын куллану һәм робототехниканың үзенчәлекләре турында мастер класс үткәрде. Тәрбиячеләр бик мавыгып лего-роботны (паровоз) җыйдылар. Үзара тәҗрибә уртаклашу бик кызыклы үтте һәм нәтиҗәләре дә озак көттермәс. Балалар белән эшләү өчен, тәрбияченең дә әлеге уеннарны дөрес куллана белүе мөхим. Методик алымнарны уңышлы кулланган очракта, балаларның игътибары, логик фикерләү сәләте арта, күзаллавы киңәя, бер-берсенә карата ихтирам, дуслык мөнәсәбәтләре ныгый, гомүмән алганда, баланың үсешенә яхшы яктан йогынты ясый.