Муниципальное бюджетное дошкольное образовательное учреждение «Сабинский детский сад общеразвивающего вида № 6 «Балачак» п.г.т. Богатые Сабы Сабинского муниципального района Республики Татарстан»
Визитная карточка
Адрес: | 422060, Республика Татарстан, Сабинский район, пгт. Богатые Сабы, ул. Вахитова, д. 24 |
Телефон: | 8(84362)2-23-20 |
E-Mail: | Dsadbalachak.San2tatar.ru, dsad6-balachak@yandex.ru |
Министерство: | Министерство образования и науки Республики Татарстан |
Короткое название: | МБДОУ Сабинский детский сад №6 "Балачак" |
Руководитель: | Халитова Флюзия Рафаиловна |
Год основания учреждения: | 2015 |
У нас учатся: | 116 |
У нас учат: | 15 |
Муниципальное бюджетное дошкольное образовательное учреждение «Сабинский детский сад общеразвивающего вида № 6 «Балачак» п.г.т. Богатые Сабы Сабинского муниципального района Республики Татарстан» - новости
Страницы: << 121 122 123 124 ( 125 ) 126 127 128 129 130 >>
-
Аҗаган - 2016 20.02.2016
Чарада әтиләребез бик актив булдылар һәм чын яклаучылар-саклаучылар икәннәрен далилләделәр. Чын күңелдән уенга бирелеп каршылыкларны үттеләр. Бик күңелле үтте чара. Ә отрядлар җиңү флагын тапкач барыбыз бергә җыйналып "УРРА" кычкырып илебезгә тынычлык теләдек.Соңыннан, уйнап аргач бәйрәм урамда "полевой кухня" янында дәвам итте, балалар һәм әтиләргә бакча хезмәткәрләре коймак һәм кайнар чәй әзерләделәр.
Чарада катнашкан әти-әниләребезгә, актив булган балаларыбызга олы рәхмәтләребезне җиткерәбез, киләчәктә дә шулай бер гаилә кебек тату булырбыз дип теләп калабыз!
-
Әтиләребезне хөрмәтләп 19.02.2016
Әтиләр бәйрәменә багышланган чаралар дәвам итә. Бакчабызда олысы да кечесе дә батыр затларыбызны котлау чарасында катнаша. 18 февраль көнне 1 нче кечкенәләр төркемендә “Ягез әле, әтиләр” бәйрәм-викторина үткәрелде.Чарада әтиләр төрле сынаулар үттеләр, бик актив катнаштылар, ә аларның булганлыгын әниләр куанып күзәттеләр. Балалар әтиләргә бүләк итеп үз куллары белән ясалган галстукларны бүләк иттеләр.
“Балам” диеп бер дәшүе дә бит
Җылы сала җанга, күңелгә.
Кайгыртуың өчен рәхмәт, әти,
Шулай булсын иде гомергә.
-
19.02.2016
Икенче кечкенәләр төркеме әтиләре исә бәйрәмне спорт чарасында катнашып үткәрделәр. Алар бакчабызның спорт залында җыелып, сабыйлары һәм тормыш иптәшләре-әниләр каршында төрле сынауларны үттеләр. Кызыклы биремнәр арасында иң мавыктырганы - 3 Д спорт җиһазында ярышу булды. Кем тизрәк һәм җитезрәген махсус төзелгән жюри бәяләп барды. Бу күңелле чарадан соң балалар әтиләренә үз куллары белән ясаган рәсемнәрне бүләк иттеләр һәм бергәләп фотога төштеләр.
-
19.02.2016
Спорт залындагы 3 Д җиһазы балалар гына түгел, ә олылырга да бик кызыклы. Форсаттан файдаланып, без әтиләребезне анда сынап карарга уйладык. Әлеге яңа, катлаулы, буталчык спорт җиһазындагы каршылыклардан әтиләребез курыкмады, бик җитезлек белән тиешле урынга барып җитеп флагны алырга омтылдылар. Әфәрин аларга!
-
19.02.2016
Әтиләребезне уртанчылар-зурлар төркеме балалары да бик матур бәйрәм чарасы үткәреп котладылар. Һәрбер бала әтисенә карата шигырьләр ятладылар, бию-җырлар башкардылар. Бәйрәм кызыклы биремнәр белән үрелеп барды, викторина формасында үтте. Аларны әниләр катнашында булган жюри бәяләде. Чара азагында җиңүче командалар билгеләнеп һәр әти медаль һәм балаларыннан истәлекле бүләкләр белән тәбрикләнде.
-
Көчле затларыбызны хөрмәтләп! 19.02.2016
Бүген, 23 нче февраль - Ватанны саклаучылар көне уңаеннан бакчабызның иң көчле затлары - Хабибуллин Фуат абыйны һәм Ишмуратов Алмазны бәйрәм белән тәбрикләдек. Алар хөрмәтенә зурлар төркеме балалары концерт номерлары - "Кызыл ромашкалар" биюен һәм "Солдатта булган диләр" дип исемләнгән җырлар башкардылар һәм сәнгатьле итеп шигырьләрен сөйләделәр. Бакча мөдире Флюзия Рафаиловна ирләребезгә исән-имин матур хезмәт куеп, киләчәктә дә гаилә бәхетендә яшәп бергә тату коллектив булып эшләүләрен теләде. Профсоюз комитеты рәисе Нигмәтҗанова Гүзәл Тахир кызы теләкләрен җиткереп бүләкләр тапшырды.
-
Батырлыкта-матурлык 18.02.2016
Балаларны Ватанны саклаучылар белән таныштыру, горурлану хисләре белән тәрбияләү, илне саклау теләге уяту максатыннан бу атна "Батырлыкта-матурлык" исеме астында үтә. Балалар бердәм эшчәнлекләрдә һәм режим вакытларында патриотик тәрбия темасына карата әңгәмәләр үткәрәләр, йомгаклау чарасы - бәйрәмгә әзерләнәләр, кул эшләре ясыйлар.
-
Экология почмагы 18.02.2016
"Балачак" балалар бакчасының иң түрендә экологик почмак бар. Анда безнең балыклар белән зур аквариум һәм ике төрле ташбака бар. Алар бездә күптән түгел, әти-әниләр ярдәмендә барлыка килделәр һәм инде "Балачак" бакчасының бер әгъзаларына әйләнделәр.Ташбакаларның берсе Кызылколаклылар (красноухая) гаиләсенә керүче ташбака. Ул үзе үсеп килсә дә, әлегә бик бәләкәй, балалар уч төбе кадәр. Аквариумны матур ташлар белән бизәдек, ташбаканы кипкән кортлар белән тукландырабыз. Безне аңлаган сыман ул башын күтәреп ашарга сорый. Ташбакабыз бик кызыксынучан, озын гомерле рептилияләр төренә керә. Иң озын гомерле хайван буларак танылган. Ташбакалар бик акрын хәрәкәтләнә. Мәсәлән, футбол кырын үтәр өчен, аларга 3 сәгатьтән артык вакыт кирәк икән.Тагын бер ташбакабыз безнең җирдә яши һәм җирдә генә йөри торганы. Ташбаканың калканы бөтенләй тигез түгел, әйтерсең аның өстенә кемдер бизәк ясаган. Калканы көрән төстә.Аяклары һәм башы юан һәм кыска, тагын кыска очлы коерыгы бар.Ташбакалар тыныч, тату җан иәләре. Алар беркайчан да бер кемне дә тешләмиләр һәм рәнҗетмиләр. Балалар аларга бик теләп үлән, кишер, кәбестәләр ашаталар һәм үскәннәрен бик кызыксынып күзәтәләр.
-
Ел тәрбиячесе - 2016 17.02.2016
Районыбызда "Ел тәрбиячесе -2016" старт алды. Бәйгедә безнең бакчадан 1 кв.категорияле музыка җитәкчесе Сафина Мәдинә Шәүкатовна катнашты. Ул Скрипка ачкычы булып, балаларны ноталар патшалыгына алып китте. Сәяхәттә балалар төрле музыкаль биремнәрне үтәделәр, буталган жанрларны аердылар, уен коралларында уйнап оркестр төшенчәсен аңладылар, татар бию элементларын өйрәнделәр. Соңыннан югалган ноталарны табып, балалар музыка патшалыгын ямьләделәр. Бәйгенең икенче туры - үз эшчәнлегең турында сөйләү иде. Бу этапны да Мәдинә Шаукатовна презентация эзерләп башкарды. Без барлык катнашучыларга зур уңышлар телибез һәм бик акыллы балалары белән ярдәм иткән "Бәләкәч" балалар бакчасына олы рәхмәтләребезне җиткерәбез!
-
Хәрәкәттә - бәрәкәт! Без булдырабыз! 15.02.2016
Чанада да шуабыз,
Чаңгыда да шуабыз.
Тимераякта очабыз,
Чыжлап тора шома боз.
Тауларга да барабыз,
Кырларга да чыгабыз.
Кар-буран дип тормыйбыз,
Шуабыз да шуабыз.