Жәйге чорда укучыларның иминлеген саклау максатыннан, әти-әниләр белән "Сулыкларда сак булыгыз!" темасына сөйләшү узды.  Җәйге каникулларны хәвефсез  уздыру өчен    юл йөрү, сулыкларда коену кагыйдәләрен, 71 нче Законны үтәү зарурлыгы әйтелде. Әти-әниләр "Памятка для родителей " белән таныштылар. 

Бүген "Ал җилкән" лагере үзенең эшен төгәлләде. Балалар  кече Сабантуйда рәхәтләнеп уйнадылар, күңел ачтылар, ярышларда көч сынаштылар. Көннең икенче яртысында "Лагерьдә иң рәхәт көн" темасына фикер алыштылар, бер - берсенә, вожатый апаларынына теләкләр әйтеп, лагерь белән саубуллаштылар.

Бүгенге көнебез "Наркотикларсыз тормыш" акциясенә багышланды.Китапханәдә  "Наркотикларга юк,дибез!" темасына китап күргәзмәсе оештырылды, укучыларга зарарлы гадәтләр, аларның тәэсире, нәтиҗәләре турында аңлатылды. Укучылар үзләренең фикерләрен рәсемнәрдә күрсәттеләр.Төшке аштан  соң   укучылар "SаМоSтоятельные дети" республикакүләм проектына кушылып,   флеш-моб биеделәр.

22 июнь - илебез тарихындагы фаҗигале көннәрнең берсе. Бөек Ватан сугышы башланган көн уңаеннан "Ал җилкән"  лагерендә  "Алар даны мәңгелек" дип исемләнгән тәрбия сәгате үтте. Аннан соң укучылар өчен "Тынычлык күгәрчене" дигән мастер-класс уздырылды. Соңыннан укучылар тыл ветераннарына куелган обелискка венок салдылар.

Бүген "Ал җилкән" лагерендә ял итүчеләр МЧС хезмәткәре Ф.Салахиев  белән очраштылар. Көннең икенче яртысында балалар болынга экскурсиягә бардылар, "Иң матур букет" конкурсында катнаштылар.

"Ал җилкән" лагерендә ял итүче балалар бүген "Табигый материаллар белән эш" дигән мастер-класста катнаштылар, соңыннан һәр отряд үзе ясаган кул эшеннән "Үзебез тудырган могҗиза" исеме астында күргәзмә оештырды. Физика укытучысы Назмутдинов А.Р. үткәргән "Физикада кунакта" кызыклы тәҗрибәләр дәресе аларга аеруча ошады.

Лагерьдә ял итүчеләр иртәнге аштан соң "Кызыл китап ни сөйли?" дигән тәрбия минутында туган ягыбызда сирәк очрый торган үләннәр белән таныштылар. Аннары  дару үләннәре җыярга бардылар. Көннең икенче яртысында  "Сугыш урлаган балачак" темасы астында тыл ветераннары белән очрашу узды.

Бүген укучыларыбыз иртәнге аштан соң КСК "Сабантуй" га һәм "Нарат" боз сараена экскурсиягә бардылар.

Тәмле итеп иртәнге ашны ашаганнан соң укучылар юл йөрү кагыйдәләренә багышланган "Тылсымлы патшалык"ка сәяхәт иттеләр."Китап сөючеләр" бәйгесендә татар һәм рус әдәбияты дәресләрендә алган белемнәрен искә төшерделәр. "Дуслык"  лагерена йөрүчеләр өчен исә бакчада эшләгәннән соң,  волейбол ярышы үткәрелде.