9нчы ноябрь көнне Психологик үзәк психологы һәм логопеды тарафыннан мәктәбебезгә психологик десант оештырылды. Әлеге чара кысаларында чыгарылыш сыйныф укучыларына имтиханнарга әзерлек максатыннан тренинглар, риск төркемедәге балалар булган сыйныфлар белән эшләр,сөйләмендә тайпылышлар булган балаларга ярдәм күрсәтү оештырылды

9-10нчы  ноябрь  көннәрендә  "Сыйныф  җитәкчесе-2017" конкурсының  район  туры үткәрелә.  Безнең  мәктәптән  Шарифуллина  Г.А. катнаша.  Аңа  уңышлар  теләп  калабыз.

1 ноябрь  көнне   район  күләмендә  8-10  сыйныф  укучылары  арасында  "Мин-мастер!"  конкурсы  булып  узды. 7нче  сыйныф  укучысы  Сагеева Алинә  әлеге  конкурста  уңышлы  чыгыш  ясап   дипломга  ия  булды.

29 октябрь  көнне, Хәтер  көне  уңаеннан, 8 сыйныфта  "Репрессияләнгән  татар  әдипләре"  дигән  темага  тәрбия  сәгате  үткәрелде. 

Информатика  укытучысы  Назмутдинов  А.Р. укучылар  белән   "Интернет  челтәрендә  куркынычсызлык"  темасына  класстан  тыш  чара  үткәрде. Укучыларны  интернет  челтәреннән  дөрес  файдаланырга  өйрәтте.

Елның салкын чорына кердек. Ә анда безне, грипп дигән зәхмәт сагалап тора. Аңа каршы көрәшүнең бер юлы вакцинация.    Татарстанда гриппка каршы прививка ясату кампаниясе инде башланды.
  24  октябрь  көнне  авылыбыз  фельдшеры  укучыларга   прививкалар  ясады.

"Йолдыз"  берлеге лидеры  Габдракипова  Камилә  I сыйныф  укучылары  белән  "Юлда  йөрү кагыйдәләрен

  беләсеңме?"  темасына  әңгәмә  оештырды.

6 октярь көнне  Түбән  Шытсу  мәдәният  йортында  өлкән  укытучыбыз    Расиха  Шәяхмәт  кызы  Ризванованың  80 яшьлек  юбилеен  уздырдылар.