24 сентябрь  көнне  2-4нче сыйныф укучылары  белән  Уңыш бәйрәме  уздырылды. Укучылар  өйләрендә  төрле  яшелчә, җиләк-җимешләрдән  эшләнмәләр  ясап  килгәннәр.  Аларга  урыннар  бирелде.  Көз  кызы да  бәйрәмебезгә  ямь  өстәде. Ул  укучыларны  кызыклы уеннары  белән  сынады.
Бәйрәмебез  барлык  укучыларга да  бик  ошады.

22 сентябрь  көнне   мәгариф  хезмәткәрләренең  җәйге  Спартакиадасы  булып  узды.  Мәгариф  өлкәсендә  эшләүчеләр  төрле  спорт уеннарында  үз көчләрен  сынадылар. Бездә  актив  катнаштык.

19 сентябрь  көнне  укучыларның Бөтенроссия  олимпиадаларының  мәктәп турлары  башланып  китте. Укучыларыбызга  уңышлар  телик.

18 сентябрь  көнне,  Түбән  Шытсу  һәм  Югары  Шытсу  сайлау  участокларында,  мәктәп  Думасына  спикер  сайлаулары  үткәрелде.Иң күп  тавыш  җыеп 8 сыйныф  укучысы  Багманова  Илүзә  спикер  итеп  сайланды.

          Бүген мәктәбебездә 2016-2017 нче уку елының тәүге ата-аналар җыелышы үткәрелде. Җыелышта балигъ булмаган балалар белән эшләүче инспектор Сибагатов А.А. балаларның куркынычсызлыгын тәэмин итү буенча чыгыш ясады, мәктәп директоры Хафизов А.Ф. узган уку елына нәтиҗәләр ясап, алда торган бурычларны билгеләп үтте. Түбән Шытсу авылы фельдшеры Саттарова Г.М. ГРИПП һәм ОРВИдан саклану чаралары турында файдалы мәгълүматлар җиткерде. Җыелыш ахырында һәр ата-ана укытучылар янына килеп, үзен кызыксындырган сорауга җавап таба алды. 9нчы сыйныф укучыларының әти-әниләренә исә төп дәүләт имтиханнарына әзерлек үзенчәлекләре аңлатылды.