Мәктәбебез укытучылары Явлаштау зонасында уздырылган мәгариф хезмәткәрләре арасындагы волейбол ярышында катнашып, 1нче урын яуладылар. Чын күңелдән котлыйбыз!

Элек заманнарда безнен бабаларыбыз, бабаларыбызның бабалары Яна ел бәйрәмен 21 мартта уздырганнар. Аны «Нәүрүз» бәйрәме диеп атаганнар.Бу көнне бар кеше дә бәйрәмчә киенгән, бер-берсен котлаган. Олыларга бүләкләр биргәннәр. Без дә бүген мәдәният йортында   «Нәүрүз» бәйрәмен үткәрдек.Бәйрәм укучылар чыгышы белән башланды. Күңелле итеп бирнә җыйганнан соң, төрле уеннар, җыр-биюләр оештырылды. Килгән авыл халкы һәм укучыларыбыз нәүрүз коймагы һәм боткадан да авыз иттеләр. Бәйрәм бик күңелле узды.

Балалар һәм яшүсмерләр китабы атналыгы кысаларында  әти-әниләр һәм укучылар арасында интеллектуаль бәйге үткәрелеп, "Иң зирәк әти-әни" һәм "Иң зирәк укучы" билгеләнде. Әти-әниләр арасында бу исемгә Хафизов Рамиль, ә укучылар арасында 8нче сыйныф укучысы Галимова Эльвина лаек булды.

Бүген мәктәбебездә ООО "Сабагро" җитәкчесе Нигматзянов Фәрит Әлфәтович катнашында "Татарстан -2030: республикабыз киләчәгендә минем өлешем"  дигән тема буенча  Парламент дәресе үткәрелде. Эшмәкәр югары сыйныф укучыларына мәктәп елларында алган белемнәренең  безнең районыбыз, республикабыз, хәтта илебезнең киләчәген үстерүдә мөһим роль уйнаганын,киләчәгебезне үстерүче яшьләрнең нинди сыйфатларга ия булырга тиеш икәнлеген аңлатты.  Шулай ук 2030нчы елларда әлеге яшьләребезгә  зур өметләр баглауларын ассызыклап үтте.

Бүген 3а сыйныф укучысы Рамазанова Алсу (җитәкчесе Ахатова Л.Ф.) республикакүләм "Без бергә" фестиваль-бәйгесенең "Нәфис сүз" номинациясендә катнашып, уңышлы чыгыш ясап кайтты.

Бүген 3-6нчы сыйныф укучылары өчен районкүләм фәнни-практик конференция үткәрелде.

Укучыларыбыздан торган команда (җитәкчеләре А.Г.Галиев)  Сочида үткән Паралимпия уеннары чемпионы, райондашыбыз Рушан Миннегулов призына үткәрелгән  чаңгы ярышында актив катнашып, призлы урыннар яулап кайттылар.

Бүген мәктәбебездәге ир-егетләребез 8 Март бәйрәме  уңаеннан барлык хатын-кызларыбызны котлап, матур теләкләрен җыр, бию, нәфис сүз, күңелле күренешләр аша җиткерделәр. Бәйрәм концерты  бик күңелле, матур  булды.

Бүген 1-10нчы сыйныф укучылары чаңгыда шуу буенча ГТО нормативларын тапшырдылар.

Әлифба, син алып кердең,

Безне белем иленә.

Ялкаулык та, тырышлык та,

Шушы илдә беленә.

 Бүген мәктәбебездә 1 нче сыйныфта укучы 25 бала өчен балачакның иң күңелле бәйрәмнәренең берсе - Әлифба бәйрәме үткәрелде. Бәйрәмгә укучыларның әти-әниләре дә чакырылган иде. Кичә ахырында алар да балаларына иң матур теләкләрен җиткерделәр.