Мәктәбебездә уку елына нәтиҗә ясап, укучылар белән зур поход оештырылды. Походта, традиция буенча, 10нчы сыйныф укучылары бирнә җыеп, күңелле татар халык уеннары оештырдылар.

Сонгы кыңгырау ул, урта мәктәпне тәмамлап, зур тормышка , олы дөньяга юлланган гаҗәп матур да, тыңгысыз да, соклангыч һәм авыр да булачагын искәртеп тора кебек. Бу чың укучыларның мәктәпләре һәм укытучылары белән хушлашу авазы.Безнең мәктәбебездә дә бу кыңгырау 11нче сыйныфтагы 6 укучы өчен яңгырады. Без 9нчы һәм 11нче сыйныф укучыларына алда торган дәүләт имтиханнарын уңышлы тапшырып, үз алларына куйган  максатларына ирешүләрен телибез. 

Мәктәбебездә бүген иртәдән үк бәйрәм рухы. Барлык укытучыларыбыз да кызыл пионер галстуклары такты, үзләренең пионерия елларын һәм шул чордагы эшчәнлекләрен кабат хәтерләрендә яңартты, укучылар белән уртаклашты.

Бүген мәктәбебездә тантаналы бәйрәм уңаеннан дружина сборы үткәрелде. Сборга төрле елларда мәктәпнең пионер оешмасы белән җитәкчелек иткән ветеран пионервожатыйлар чакырылды. 

Мәктәп балалар Думасының информация комитеты СПИД/ВИЧ - инфекцияләргә каршы көрәш чаралары турында памяткалар эшләде һәм укучыларга таратты.

Халыкара балалар ышаныч телефоны көне уңаеннан психологлар Ногуманова А.И. һәм Гимадиева А.И. укучылар белән тренинглар үткәрделәр.

Пионериянең 95 еллыгы уңаеннан мәктәбебездә күргәзмә оештырылды.

15 май - Халыкара Гаилә көне уңаеннан бүген мәктәбебездә Бердәм дәресләр үткәрелде.

В рамках ЕНИ в начальных классах  прошли  классные часы, также учащиеся рисовали на данную тему и защитили свои работы.

Бөек Җиңүнең 72 еллыгы уңаеннан мәктәбебез коллективы һәйкәл янында уздырылган митингта һәм "Үлемсез полк" акциясендә катнашты.