3а сыйныф укучылары белән "Без - табигать баласы" дип исемләнгән сыйныф сәгате үткәрелде. Сыйныф сәгате вакытында укучылар үзләре иҗат иткән шигырьләрне сөйләделәр, табигатькә багышланган җырлар башкардылар.

Мәктәп тирәсен яшелләндерү, матурлау максатыннан, мәктәптә "Мәктәбебез - гөлбакча" акциясе бара. Һәр сыйныф тәрәзә төпләрендә бакчага утырту өчен чәчәк үсентеләре үстерә.

Хореография түгәрәгендә шөгыльләнүче укучылар белән "Чишмә башы" исемле бию өйрәнелде һәм укучыларга тәкъдим ителде.

Бүген мәктәбебездә якташ шагыйрәбез Илмира Гыймаева белән "Шигырь - шигырь инде ул, йөрәкләрдән өзелеп төшеп, җанда дөрли инде ул!" дип исемләнгән очрашу үткәрелде.

Бүген мәктәбебезнең 5-11нче сыйныф укучылары, укытучылар, хезмәткәрләр мәктәп яны территориясен җыештыруда актив катнаштык.

3а сыйныф укучылары экологиягә багышланган шигырьләр иҗат итеп, "Без табигать баласы" дигән стена газетасы чыгардылар.

Учащиеся 7 класса приняли участие в Президентских состязаниях в г. Нижнекамске (руководитель Галиев А.Г.). Заняли следующие призовые места: теоритическая часть - 3 место, творческая часть - 2 место, дартс (Габдрахманова Л.) - 2 место. Поздравляем!

Мәктәбебездә "Посади дерево" акциясе уздырылып, 120 төп агач һәм куак үсентеләре утыртылды.

Халкыбыз өчен гаять зур, бәя биреп бетермәслек рухи байлык калдырган бөек шагыйребез Габдулла Тукайның туган көне уңаеннан мәктәп күләмендә шигырь бәйрәме үткәрелде, күргәзмә әзерләнде, укучылар иҗат иткән шигырьләрдән "Шигъри тәлгәшләр" дигән китапчыклар эшләнде.

Бүген 3а сыйныф укучылары белән "Без - Тукай шәкертләре" дигән бәйге үткәрелде.