Лагерьга йөрүче укучылар белән бүген болынга экскурсия оештырылып, дару үләннәре белән таныштырылды. "Үсемлекләрне ничек сакларга?" дигән тема буенча әңгәмә һәм "Алар чәчәк ата, йөрәкләрне җылытып" дип исемләнгән викторина үткәрелде. Шулай ук отрядларга бүленеп, халык әкиятләрен сәхнәләштерергә әзерлек эшләре башкарылды. Соңыннан күңелле биюләр булды.

Бүген "Дуслык" лагерена йөрүче укучылар белән математик квест - уен үткәрелде. Төшке аштан соң мәдәният йортында халкыбызның җырлы-биюле уеннары оештырылды.

Бүген "Дуслык" лагерена йөрүче укучыларыбыз "Сабантуй" спорт комплексында һәм "Семицветик" психологик үзәктә экскурсиядә булдылар.

Лагерьнең бүген 6нчы көне. Иртәнге аштан соң укучылар белән "По волнам памяти" дип исемләнгән чара һәм хәрби җырлар конкурсы үткәрелде . Шулай ук "Дуслык һәм изгелек утравы" дип аталган  гомуми лагерь мероприятиесе дә күңелле һәм файдалы булды. 

Бүген лагеребыз "Рус теле көне"нә багышланды. Укучыларыбыз белән А.С.Пушкин әсәрләре буенча сәяхәт, әкиятләренә карата рәсем конкурсы оештырылды,  "О, великий, могучий русский язык!" дигән тема буенча брейн-ринг үткәрелде. Шулай ук мәдәният йорты белән берлектә үткәрелгән чарада да укучыларыбыз бик актив катнашты. Психологлар Алинә Икрамовна һәм Ләйсән Тәлгатовна да лагеребызда булып, укучыларыбыз белән психологик уеннар үткәрделәр.

Лаагерьнең бүгенге көне дә сизелми дә үтеп китте. "Наркотикларсыз тормыш" айлыгы кысаларында укучылар белән видеофильм карау һәм рәсем конкурсы оештырылды, иң яхшы дип табылган рәсемнәр күргәзмәгә куелды. Отрядларга бүленеп өстәл уеннары уйнадылар.Төшке аштан соң саф һавада хәрәкәтле уеннар да балалар күңеленә хуш килде.

Бүгенге көнебез дә мавыктыргыч чараларга бай булды. Балалар отрядларга бүленеп, "Минем Ватаным" дигән тема буенча проект эше - макетлар эшләделәр. Аннан соң, лагерьның тантаналы ачылуы уңаеннан, концерт оештырылды. Әлеге чарадан бер генә укучы да читтә калмады. Төшке аштан соң, "Состязяния здоровячков" үткәрелде. 

Бүген лагерьнең 2нче көне. Иртәнге аштан соң балалар белән медпунктта булып, буйлары һәм авырлыклары үлчәнде. Шулай ук фельдшер Шәйхетдинова Гөлназ Шәмсәт кызы "Наркотикларга - юк" темасы буенча балалар белән әңгәмә үткәрде. "Доктор Айболитта кунакта" дигән викторинада да балалар теләп катнашты. "Алло, без талантлар эзлибез" дигән мероприятие үткәрелеп, иртәгә куясы концертка номерлар барланды. Төшке аштан соң пластилиннан  хәрби техникалар ясадылар һәм ике отряд арасында күргәзмә оештырылды. Көн күңелле, файдалы узды. 

Бүген мәктәбебез каршында оешкан "Дуслык" ял һәм сәламәтләндерү лагере һәм "Кырмыска" ял һәм хезмәт лагере эшли башлады. "Дуслык" лагерена йөрүче балалар иртәнге аштан соң, отряд почмаклары чыгардылар. Шулай ук 1нче июнь - балаларны яклау көне уңаеннан "Дөнья- балалар күзлегеннән" дигән исем астында асфальтта рәсем ясау конкурсы оештырылды. Төшке аштан шушы бәйрәмгә карата "Күңелле стартлар" уздырылды.

Мәктәбебез тирәсен яшелләндерү буенча укучыларыбыз һәм укытучыларыбыз катнашында өмә үткәрелде.