Җәлил абый шигырьләрен

Бик яратып укыйбыз.

Сугыштагы батырлыгын

Үрнәк итеп сөйлибез.

Дошман кулында булса да

Баш имәгән ул аңа.

Авырлыкларга да түзгән

Тугры калган антына.

Муса абый, сине һәрчак

Хәтерләрдә сакларбыз.

Курку белмәс, шигъри җанлы

Син шагыйрь абыебыз!

Син батыр абыебыз!

"Сәламәт бала- сәламәт гаиләдә" дигән эшчәнлегебезгә кунакка авылыбыз фельдшеры Валиева Резидә Самат кызы да килгән иде. Ул балаларга шәһси гигиена кагыйдәләрен сакларга, дөрес туклану, саф һавада булырга, спорт белән шөгыльләнергә кирәклеген турында  аңлатты.

Көннең суыгы куркытмый,

Дуслык җылыта безне

Бергәләп чаңгы шуарга

Чакырабыз без сезне. 

Бергә бигрәк күңелле

Чаңгы юлын үткәндә.

Алда безне мактый - мактый

Апаларыбыз көткәндә

Дөнья киңлекләре буйлап

Сәяхәткә кузгалдык.

Уйлап - уйлап утырдык та

Төньякка, дип юл алдык.

Җиккән боланга утырып

Алмашлап йөреп килдек.

Төньяк турында бик кызыклы

Яңалыклар күп белдек

Пингвинны ясап куйдык

Истәлек булып калсын.

Кемнәр тели , безнең белән

Көньякка да юл алсын.

Юлда йөри беләсеңме?

Үтисеңме кагыйдә?

Шушы хакта сөйләшәләр

Бу атнада һәр өйдә.

Яңа елны көтеп ала һәркем,

Юш килсен дип  юрый теләген.

Яңа елда иң-иң якынына

Бүләк итә кайнар йөрәген.

Яңа елда өмет капкалары

Бәхет теләп кенә ачылсын.

Һәрбер йортның тәрәзәсенә ул

Ак канаты белән кагылсын.

Без авылыбыз китапханәсенә сәяхәткә бардык. Сәяхәтебез тукталышлар аша үтте. 1 тукталыш - китапханә.

Монда безне китапханәче Тәгъзимә апа каршылады. Ул безне китапханәдә бик күп китап барлыгын, балалар өчен чыга торган газета, журналлар белән дә таныштырды. Сорауларыбызга бик теләп җавап бирде. Без анда бик зур һәм бик кечкенә китаплар да күрдек.

2 тукталышта безне авылыбыз фельшеры Резидә апабыз көтә иде. Үзебезнең басу- кырларда, болыннарда үсүче дару үләннәре белән таныштырды ул. Авырмас өчен аларның файдалары турында сөйләгәндә, балалар бик игътибар белән тыңладылар.