Балалар инглиз теле түгәрәген көтеп алалар. Алисә Марсил кызы, балаларның күңеленә бик тиз үтеп кереп, уеннар аша аларны яңа дөнья белән таныштыра.

Атна дәвамында балалар белән хайваннар турында әңгәмәләр үткәрелде. Алар бик теләп кисеп ябыштырдылар, әвәләделәр,  җырлар, шигырьләр өйрәнделәр, табашмакка җаваплар таптылар.

Без иҗат иткән әкият геройлары.

Бакчабыз мәдәният хезмәткәрләре белән тыгыз элемтәдә тора. Бүген алар "Күчтәнәч" тапшыруын  кунакка алып килгәннәр иде.  Дәү әти белән Көз кызы, Туган авылыбыз тарихы белән таныштырдылар һәм көзге муллык турында бик матур чыгышлар ясадылар. 

Бакчабызда  Корбан ашы булып узды.  Авылыбызның  имам хатибы Илнур хәзрәт  бик матур, аңлаешлы итеп, нәниләр күңеленә дә барып җитәрлек итеп вәгазьләр сөйләде. Ул укыган вәгазьләр балалар күңеленә яхшылык орлыгы булып ятар да киләчәктә аларның  тәрбияле, тәртипле булып үсүләренә дә йогынты ясар дигән өметтә калабыз. Балалар да  үзләре белгән дога – сүрәләрне укып күрсәттеләр һәм мактау сүзләре ишетеп бик  куандылар. Әти – әниләр һәм барыбыз исеменнән дә Илнур хәзрәткә зур рәхмәтләребезне ирештерәбез.

Зифа буйлы, җитен чәчле,

Зәңгәр күзле шушы кызның

Әй шалкан, шалкан, шалкан

Бигрәк зур үскәнсең.

Чакырырга туры килер......

Һәркемгә ипи кирәк,

Һәркөнне ипи кирәк.

Шуңа күрә игенчене

Хөрмәт итәргә кирәк.

Балалар атна буенча, икмәкнең өстәлгә ничек килүе турында сөйләштеләр, мәкальлар, шигырьләр, җырлар өйрәнделәр, рәсемнәр ясадылар. Балаларда икмәккә, игенче хезмәтенә ихтирам хисләре тәрбияләнде.

Без бүген,  көзге табигать кочагына сәяхаткә чыктык. Тирә - ягыбыздагы матурлыкка сокландык, андагы төсләргә гаҗәпләндек.  Сары, яшел, кызыл яфракларны җыйдык. Рәхәтләнеп саф һава сулап, төрле хәрәкәтле уеннар уйнадык.

1 - октябрь Өлкәннәр көне. Без ел саен бакчага кунакка, дәү әтиләребезне,  дәү әниләребезне чакырабыз. Быел да аларны көтеп алдык. Аларга багышлап җырлар җырладык, шигырьләр сөйләдек. Бәйрәмдә барыбызда актив катнашты. Өлкәннәр безгә изга теләкләр теләделәр, күчтәнәчләр белән сыйладылар.