Инде менә билгеле булганча 2015 елның 1 гыйнварыннан Татарстанда балалар бакчасына сабые йөргән өчен ата-аналар түләргә тиешле сумма да үзгәрә. Шулай итеп, түләүләр якынча 12 процентка арта. Шушы уңайдан безнең балалар бакчасында да әти – әниләр җыелышы булып узды.  Җыелышта Явлаштау авыл  җирлеге башлыгы Файзуллин Н.Ф. һәм башлангыч сыйныфлар укытучысы Зарипова Р.Фда катнаштылар.

Салкын саф һава,

Йомшак кар ява

Урамга чыксаң-

Битләр кызара.

Балалар белән атна дәвамында китаплар турында сөйләштек. Аны нәрсәдән ясауларын, нәрсә өчен кирәклеген шигырьләр, әкиятләр, хикәяләр аша белдек. Китапларны ертмаска, саклап кына тотарга кирәклегенә аңладык. Авылыбыз китапханәсенә бардык. 

Көчле, нык булып, чыныгып

Үсәсем килә тизрәк.

.... Туган илне сакларга да,

 Сәламәт акыл кирәк.               

Таякчыклар белән санарга, төсләрне аерырга,  өйрәнәбез, төрле фигуралар төзибез.

Бу атна дәвамында без, җир шары буенча сәяхәт иттек. Карта һәм глобус белән таныштык. Җир шарында яшәүче кешеләр, хайваннар тормышы турында белдек.

Бу атнада "Безнең хокукларыбыз" ны өйрәндек. Балалар үзләренең исемгә, күңел ачуга, гаиләдә яшәргә, яшәү урынына хокуклы икәнлеген белделәр.

"Ак таш" җәмгыятенең генераль директоры, авылдашыбыз Әхмәтов Газинур Габдуллаян улы бакчабызга зур материаль ярдәм күрсәтте. Бакчабызның уен мәйданчыгын тулысынча җиһазлады. Без бакча хезмәткәрләре, ата- аналар, балалар исеменнән Газинур Габдуллаян улына зур рәхмәтебезне җиткерәбез. Аңа тазалык- саулык, гаилә бәхете телибез.